السلام عليكم ورحمة الله وبركاته
من المعروف ان المضغوط يحافظ على الأكل صحي وهو في الحقيقة لذيذ جداً وهنا بعض انواعه إن شاء الله تعجبكم كان بودي انزل بعض الصور لكن حااااااولت وما عرفت .
بالنسبة للمقادير لازم كل وحده تشوف عائلتها قد ايه يناسبهم لأن الرز يتغير حسب عدد افراد الأسره - وذحين بسم الله نبدأ-:cook:
1- مضغوط البخاري
1-كيلو لحم + 4 كاسات رزالشعلان+2 بصلة مقطعه شرائح +1 م ك معجون طماطم +1جزرمقطعة بالطول +2م ك سمن +بهارات مطحونه +(قرفه خولنجان هيل ليمون اسود ناشف)
في قدر الضغط اول شيء السمن او الزيت ونضيف عليه البصل ونقلبه تمام الى ان يصفر ثم نضيف اللحم ونقلب وبعدها الجزر ومعجون الطماطم والبهارات كلها ونضيف ماء 4 كاسات تقريباً نقفل القدر ونحسب 20 دقيقة (الحساب يكون أول ما تسمعي صوت السوفتي المزعج تبدأئي تحسبي الوقت) في هذا الوقت ننقع الرز في ماء حار مدة ربع ساعة ----- بعدها نغسل الرز تماام الين يصفى الماء تبعه ونصفيه من الماء --بعد ماتنتهي مدة نضج اللحم نطفي النار ونشيل السوفتي او الصافرة عن الغطاء حتى يخرج البخار ونضيف الرز على اللحم ونتخلص من الماء الزاايد نخلي الماء يادوووووب مغطي الرز ونضيف مع الرز الفلفل الحار وقليل ملح لأن الماء قليل ماراح نحتاج ملح كثير انا احط بالنظر مااعتمد على الملعقة اعذروني ----بعدها نغطي القدر ونخليه بعد ما يشتغل 3 دقايق ونطفي الرز ما يحتاج اكثر من كذا وقت وبالعافيه .
2- مضغوط البرياني
1-كيلو لحم + 4 كاسات رز الشعلان + 4 بصل مقطع حلقات +1 م ص ثوم مطحون + 2 طماطم مفرومه ناااااعم + ربع كاس زيت او سمن +فلفل اخضر حار +البهارات (قرفه هيل 1خولنجان )ملعقة بهارات مطحونه +م ص ملح الليمون +3 حبات بطاطس مقشره ومقطعه لقطع كبيره + فنجان ماء كادي
مقادير صلصة اللبن (1كاس كبير لبن زبادي + م ص ثوم مطحون + م ص فلفل اسود مطحون + زعفران )ومعجون طماطم نبدأ بصلصة اللبن نخلط مكوناتها في زبديه ونتركها على جنب
وننقع الرز في ماء حااااااار مدة ربع ساعة
ناخذ السمن ونضعه في قدر الضغط ونضيف له البصل ونقلب حتى يصفر لونه ونضيف الثوم ونقلب ثم البهارات ونصف ماء الكادي بالزعفران ثم اللحم ونقلب شوي ثم نضع عليه الماء اللي يغطي اللحم وزيادة قليل بس ونغطي القدر ونحسب له 15 دقيقه -- في هذا الوقت يكون الرز نقع خلاص نغسله ونصفيه ونسلقه في قدر لوحده نص سلق يعني ما يستوي تماماً -- نروح للحم نطفي عليه ونضع البطاطس والطماطم وخلطة اللبن ونقفل القدر عليه 5 دقايق بعدها نفتح القدر ونضيف الرز على اللحم والفلفل الحار ونص ما الكادي ونخليه على نار هادية بدون ما نقفل القدر الى ان يشرب الرز باقي الخلطة 10 دقايق بالكثير بس نطفي النار نخليه شوي بعدين حظروه شكل الطريقة كذا طويل لكنها سهله مرررررره ولذيذه
3- الكبسة بالمضغووووط
1- كيلو لحم أو دجاج +4-كاسات رز +بصله مقطعة شرائح + 1م ك معجون طماطم + 2 بطاطس مقطعه قطع كبيره + بهارات +ملح +2سمن
نضع السمن في قدر الضغط ونضيف له البصل ونقلب واللحم أو الدجاج ونقلبه ثم البهارات ومعجون الطماطم بعدها الماء ما يكون كثير بالقدراللي يغطي اللحم بس ونغطي قدر الضغط ونحسب الوقت بسماع صوت القدر 15 دقيقة للحم و10 للدجاج --ننقع الرز في ماء حار مدة ربع ساعة """بعد ما تنتهي مدة اللحم نفتح القدر ونضيف البطاطس ونقفله ونخليه 5 دقايق --نغسل الرز ونضيفه على اللحم والبطاطس ونضع الملح اللازم ونتخلص من الماء الزايد لابد يكون الماء قليل على مستوى الرز بعدها نغطي القدر ونحسب 3 دقايق ونطفي النار وبالعافيه
4- مضغوط الربيان والخضار:32:
1- كيلو ربيان +4كاسات رز الشعلان + 3 حبات بصل مفروم نااااعم + كوب بازيلا + كوب فاصوليا +فلفل اخضر مقطع شرائح + 2 بطاطس +1 حبة طماطم مقطعة ناااااااعم + م ص ثوم +2 ملعقتين زيت +بهارات مطحونه ملعقة +ملح
ننقع الرز في ماء حار --ثم نسلقه نص سلق بس --ونضع الربيان في زبديه ونضيف عليه الثوم والبهارات ونخليه تقريبا ساعة ----- في قدر الضغط نضع الزيت والبصل ونقلبه عدل ثم الخضار ونقلب والطماطم والماء يكون اعلى من الخضار شوي بس ونقفل القدر ونحسب 10 دقايق بس بعدها نضيف الرز والربيان والملح اللازم ونغطي القدر ونحسب 3 دقايق ونطفي النار نسيبه 10 دقايق ونقدمه وبالعافيه .
5- مضغوط الإيراني
1- كيلو لحم + 4 كاسات رز الشعلان خخخخخخخ ادري غثيتكم به بس تراه طعم ولزيييز +2 بصل مقطع شرائح +م ك معجون طماطم +2 سمن +2 بطاطس مقشره ومقطعه قطع كبيره +1 م ص ثوم +بهارات + زعفران أو كركم
نسلق اللحم في قدر الضغط -----ونحسب 20 دقيقة ----ننقع الرز في ماء حار ----وفي قدر ثاني نضع السمن والبصل ونقلبه ونضيف البهارات ومعجون الطماطم والزعفران أو الكركم ونضيف اللحم بعد ما ينتهي عليه ونغطي القدر نسلق الرز في الباقي من مرقة اللحم في قدر الضغط ونحسب 3دقايق وبعد ما ينتهي نضيفه على خلطة اللحم ونخليه شوي على النار 5دقايق تقريبا او اقل نطفي عنه ونتركه قبل الغرف 10 دقايق وبالعافيه عليكم .
6- مضغوط سريع ولذيذ :21:
دجاجة + 4 كاسات رز الشعلان +1 م ص معجون طماطم مخلوط معها بهارات مطحونه وزعفران + ملح
نسلق الدجاجه بعد تقطيعها طبعاً في قدر الضغط مدة 10 دقائق ---وننقع الرز في ماء حااار ربع ساعة ثم نغسله ونصفي الماء منه ---ثم نخرج الدجاج ونضعه في صينية ونصب عليه معجون الطماطم وملعقة زيت او سمن وندخلها الفرن من فوق بس للتحمير ---نضع الرز قدر الضغط ونسكب الزايد من مرقة الدجاج نخلي بس يادوب اللي يغطي الرز ونضيف له الملح اللازم ونضغط القدر ونحسب 3 دقايق بعدها نطفي النار ونحضر الرز وعليه الدجاج المحمر وبالعافيه .:23:
اتمنى اسمع آآآآآآآرئكم وتجاربكم مع المضغوط لأنه لذيذ وصحي بعد
نفحة طيب @nfh_tyb
محررة برونزية
يلزم عليك تسجيل الدخول أولًا لكتابة تعليق.
الصفحة الأخيرة
صراحة حطمتوني مره ماانتم متعاونين
هذا اول موضوع لي هنا ولا كلمة :26: