معقوله هذه اخرتها بنتي تنفسني؟؟

السلام عليكم ورحمة الله وبركاته ..
.. والله تعبانه ومثل مانتو شايفين الشريط اللي تحت انا على وشك ولاده:time: وماعندي خادمه :44: واحنا في زمن نفسي نفسي ومااحد يسأل عن احد انا بيتي يبعد مسافه نصف ساعه تقريبا عن بيت اهلي وامي الله يطول بعمرها كبيره في السن وعندها خادمه شايفه نفسها ماتبي تشتغل عند احد ومن الصعب ان امي تجي تنام عندي تستحي من زوجي وانا ساكنه بشقه دور ارضي وعندي اثنين من عيالي يدرسون والثالث المفروض تمهيدي بس راح ادخله الترم الثاني باذن الله.. ومااقدر اتنفس عند امي لان غرف النوم فوق واول اسبوع صعب اطلع وانزل غير كذا عيالي في مدرسه وبيتي اريح لي ..

ام زوجي بيتها قريب من بيتي وعندها خادمه بس ماودها ترسلها لي والافضل اني مااطلبها تفاديا للمشاكل ..
امس زارتني هي واختها وكل وحده جابت معها خدامتها :blink: !!!!!!!

سألوني اشلون ابولد وماعندي خدامه قلت الله كريم.... وسين وجيم صحيح قدمتي ومتى تجي ان شاء الله قبل لتولدين طيب ليش ماتخذين شغالت امك :blink: ماشاء الله عليهم جو وحللولي المشاكل..
طفح الكيل وقلت لهم :arb: ابو الشباب الله يخليلي اياه وبنتي مو مقصره وياي (ماشاء الله عليها بكريتي وتوها اول متوسط) تساعدني في البيت صحيح انه احيانا تنفخ علي بس اذا عطيتها ذيك الصرخه :mad: صارت سنعه :27: عرفتوا ياامهات فايدة البنات ... الله يهون علينا .. ويرزقنا من حيث لانحتسب...