قصة ولادتي السهله والسريعه والتخلص نهائيا من شبح ولادتي الاولى

السلااااااااااااااااااااااااااااااااااااااااااااااااااااااااااااااااااااااااااااام عليكم
شخباركم ياكروشات ونفوسات ان شاء الله بخير
قبل لابداء احمد الله على الولاده السهله والسريعه وعلى المولود السليم المعافى واللي كنت اتمنى انه يكون ولد وربي رزقني مااتمنى اللهم لك الحمد كما ينبغي لجلال وجهك الكريم وعظيم سلطانك
ولادتي الاولى كانت عسيره جدا واستمر الطلق ثلاث ايام ذقت فيها الموت:icon33:
حتى بعد الولاده استمريت اسبوع تعبانه مررررره ولادتي الاولى سببتلي عقده بعدها بسنه حملت وصرت من الشهر الاول احاتي ولادتي بس حاولت ما استسلم للخوف لان الخوف يصعب الولاده توكلت على الله وصرت استغفر كثير واقرا قران واشرب ماء زمزم مقري فيه والحمدلله الله ماخيب املي فيه كان من بداية التاسع يجيني شد والم بسيط ويروح
رحت انا وزوجي اتمشى يمكن المشي يجيب نتيجه وظليت امشي من مجمع لمجع الى الليل جاني شد مره ونزلت علي افرازات وانا في المخازن الكبرى بالاحساااااااااااااااااااااااء
طبعا زوجي فرح قال خلاص اكيد ولاده هههههههههههههههههههههههه مسكين مايدري :hahaha:
رحت المستشفى قالوا الرحم مفتوح 2سم وخيروني بين تنويم او اطلع انا طبعا اخترت تنويم لان ابو الشباب مستعجل يبغى الولد يقول اكيد بيسوون لك تحريض وتولدين
المهم تنومت يومين تعذبت مره لان حطوني في قسم الولاده وانا مافيني طلق واسمع صراخ زاد الخوف عندي مررررررررررررررررررررررررررررررره
المهم حاولت اطلع مافيه فايده ابو الشباب رافض:mad:
بعدها شاف ان السالفه مطوله خضع للامر الواقع وطلعني
قعدت بعدها اسبوع والرحم مفتوح وصرت ماغير اشرب قرفه وانا قبلها بيوم قريت موضوع ان القرفه موزينه تسبب انقباضات للرحم بدون ماتسبب طلق
بس بالعكس احس انها نفعتني بعد الله
يوم الخميس 27-2 قمت من النوم وانا احس بالم زي الم الدوره يروح ويجي بس خفيف
حسيت ان الوضع عادي ماتوقعت انه طلق وطلعت انا و زوجي رحنا مطعم وتغدينا وبعدها رحت ممشى وبعدها رحت مجمع وانا كل هالوقت يجيني الم ويروح بس محتمل عرفت بعدها انه الم ولاده انا بالبدايه شكيت لان طلقي ببنتي كان شديد مره وكنت اصارخ بس طلقي بولدي كان خفيف المه وسريع بعدها حاولت في ابو الشباب انه يرجعني البيت عشان انام وما قلتله ان فيني طلق ما ابغاه يوديني المستشفى الا لما يشتد الطلق المهم رجعت البيت وكان الا لم يجي كل تقريبا نص ساعه وصرت انام واقوم وانام واقوم الين ما حسيت ان الطلق تقار وقته واخذت ساعه الجوال وصرت اعد الفرق بين كل طلقه وطلقه لما صار الفرق عشر دقايق خفت اولد في البيت اكلت سبع تمرات وشربت ماء زمزم مقري فيه ورحت المستشفى طول الطريق كنت اقراء اذكار تسهسل الولاده لما وصلت المستشفى كشفت علي الدكتوره قالت مفتوح اربعه سم حسيت بخوف ورجفه في جسمي كله خفت تذكرت ولادتي الاولى في نفس الوقت استغربت ان طلقي قدرت اتحمله وما صرخت وهزيت المستشفى مثل ولادتي الاولى
لما رقيت فوق انفتح الرحم خمسه ماشاء الله على طول بعدها سبعه بعدها تسعه وكان وراء بعض وحسيت برجفه في رجولي فتح الدكتور المويه لانها مانزلت وبعدها انفتح عشره سم حسيت بالم فضيع بس حاولت اخذ نفس وما اصرخ
قالتلي الدكتوره مافيه دفع خلاص عشره سم في ودي غرفه بعدين دف و
لما ولت غرفة الولاده كان مافيه الا ممرضه وكانت تقولي يالله ادفعي وكنت ادفع وراسي فوق وصارت تخانقني وانا ابكي مو قادره ادفع من شدة الالم ووجلست تقريبا عشر دقايق والحمدلله طلع راسه لما طلع راسه حسيت بشي طلع ولمسته بيدي انجنت الممرضه وصرخت مافيه المس
وبعدها طلعته وحطته في على بطني وقالت بصوت عالي وووووووووووووووووووووووووووووولد
حسيت بفرحه موطبييعيه والله ودي اطيررررررررررررررررررررررر
كانت ولادتي في ثلاث ساعات وكان طلقي المه محتمل وهذا بفضل الله كنت ادعي دايما انها تتسهل ولادتي وتكون سريعه وان اللي ببطني يكون ولد والحمد لله ربي استجاب لي اللهم لك الحمد حتى ترضى ولك الحمد اذا رضيت ولك الحمد بعد الرضى ولك الحمد على كل حاااااااااااااااال
استفدت من ولادتي اشاء كثيره
اولها توكلي على الله فهو احن من الام على ابنها وادعيه في الليل والنهار لانه الوحيد القادر على نفعك وضرك

حاولي تقضي على الخوف وماتستسلمين لان الخوف يزيد تعبك تعبين
كلي تمر لانه فيه جميع الفوائد اللي تقويك بعد الله في اثناء الولاده
لاتنسي تدعي لنفسك او لاحد عزيز عليك لاني دعيت في ولادتي الاولى والحمدلله ربي استجاب لي
يااااااااااااااااااارب ارزق كل حامل الولاده السهله الميسره الطبيعيه
وارزق كل محروم الذريه الصالحه
واشفي كل مريض
وفك اسر كل ماسور
وحرر الاقصى والعراق وردها لاهلها والمسلمين يارب العالمين
اللهم لك الحمد كما ينبغي لجلال وجهك الكريم وعظيم سلطانك
استغفرالله استغفرالله استغفرالله