الي تستمع للقرآن الكريم عن طريق النت تدخل ضروري

السلام عليكم ورحمة الله وبركاته ,,,



حياكم الله ,, نورتوا موضوعي وياريت تساعدوني ,,


مدري من وين ابدأ وش اقول ..


أنا حسيت حركة غريبة ببيتي حصلت مرتين ,, يومين ورا بعض ,, ومستحيل تصير
الا اذا فيه احد بالبيت غيري انا وزوجي ,, لأن كلنا الاثنين ماسويناها ..

الحركة ,,

أنو قبل يومين ,, غسلت المواعين وخلصت المفروض السخانة توقف عن التسخين
يعني بالعادة تطلع صوت بس في اللحظة الي انا استخدم الموية الحارة بمجرد ما اسكر
الحنفية حقة الحار توقف السخانة عن التسخين ,, الحاصل اني سمعت صوت مستمر
يعني كأني فاتحة حنفية وطولت قعدت خمس دقايق قلت زوجي ولا اهتم بالموضوع
استغربت اخاف تنفجر علينا واقعد افكر وامشي بالبيت الا وامر من حمام الثاني الي بالبيت
احنا مانستخدمه لأن شكله قديم ,, اسمع صوت موية ,, فتحت لقيت الموية الحارة
مفتوحة على اخر شيء سميت بالرحمن وسكرتها ,, وطلعت


علمت زوجي ماصدقني قال شكلك نسيتيها مفتوحة قلت اصلا ماقد دخلته الا يوم سكنا
البيت ,, ماعجبني هالحمام سبحان الله ,,,


اليوم الثاني استخدمت الحمام الي جنبه حقنا المعتاد ويوم خلصت واطلع الا واسمع السخانة
اشتغلت مثل امس ,, قلت لا يكون فتحت الموية مرة ثانية ,, واسمي وافتح الباب الا والمصيبة
لقيت الموية مفتووووحة على اخر شيء الموية الحارة فقط :06:

واسكر الموية ,, واعلم زوجي عشان كذا شغلت سورة البقرة في البيت ,,

الي حصل لنا:

جربت بصوت العجمي ,, لاحظت الآيات تنقطع وتركب مع اية ثانية تتوصل فيها ,,

قلت يمكن تسجيله مو زين غيرت اخذت العفاسي نفس المشكلة صارت ,,

قلت شكل الموقع هذا فيه بلا ,,


غيرت على موقع ثاني ,, واخترت السديس والشريم ... المشكلة نفسها طلعت لي ,,

مدري بيتنا فيه شيء ولا وش السالفة ؟؟؟؟؟


ياليت احد يشغل سورة البقرة الي شغلتها للعجمي او العفاسي من هالموقع

http://www.islamway.com/?iw_s=Quran&iw_a=view&id=213

أو السديس والشريم من هالموقع ....

http://audio.islamweb.net/audio/index.php?page=audioinfo&audioid=8321



وقولوا لي النتايج يارب العيب من التسجيل ,, لأن حالتي النفسية سيئة مرة وخايفة
ما اقدر اتحرك بالبيت براحتي ومعد اشتغل مثل قبل من الخوف ,,,



طول الوقت اذكر الله وادعي ربي يحفظني انا وزوجي ولدي ,,




ملاحظة :

ترى حركة الموية الي صارت هذي ماصارت الا لما حلق زوجي شعره بالحمام ومانظفه تركه
على الارض مرمي على اساس يشيله اليوم الثاني لأنه كان مشغول ,, وانا ماحب هالحمام
عشان كذا مادخلته ,, بنفس اليوم الي حلق شعره فيه صارت القصة واليوم الثاني ,,
وشال شعره بعد المرة الثانية للموية الي هو امس ,,
وللحين ماصار شيء .. بس الي استغربه ان سورة البقرة تتقطع
تكفون طمنوني يارب يطلع العيب في التسجيل مو في بيتنا وين نروح ؟؟؟
واحنا دافعين اجار ست شهوووور :06:


ادعولنا تكفون ,, ,الي تجرب تعلمني طلبتكم ...