جوانج الدجاج اللذييييذه

السلام عليكم بنات

هذي اول اكله لي وياكم في هذا القسم و ان شااااء الله تعجبكم


الاكله تعلمتها من اختي ...و مشكله اختي انها ما عنها مقادير معينه يعني المقادير ((الكميه)) على كييييفكم

المقادير
نحتاج جوانج دجاج.... (الجزء الى على شكل فخذ صغير)) اكيد عرفوا اي جزء من الجناح اقصد

نحتاج الى مقادير متساويه من ..((صويا صوي- اوستر صوص في نوعين و نحن نحتاج النوع الغليظ في الكلتنها هذي- و بعد كشب ))

و تحتاج الى ثوم و زنجبيل مفروم الكميه الي تحبينها طبعا

و فلفل اسود

القليل من زيت السمسم

الطريقه:


نخلط جميع المكوات مع بعض و نسكبهم على الجواتح و نتركه فتره تقريبا ربع او نص ساعه علشان الجوانج تاخذ النكهه
و بعدين ندخلها الفرن و اذا جفت نزيد عليها من الخلطه

شكلها مب وايد حلو ....يعي يطلع لونها اسود بس طعمها وااااايد لذيذ :23:...و ممكن علشان تكسرين السواد تزينينه بورود من الطماطم الحمرا او اي شي على ذوقكم ...يمكن محد يتشجع و ياخذ منها او يعتقد انها محروقه بس انتي شجعيهم و صدقيني ماراح يندمون يوم بيطعمونها




و انا عن نفسي ..بصراحه الجوانح ما تشبع ....اسوي نفس الخلطه بس من غير الاويستر لان ماكان عندي و حطيته على نص الدجاج و حطيت وياه اريجانو و بدل زبت السمسم حطيت زيت زيتون لان ما كان عندي زيت سمسم و في الفرن بعد طلع لذيييذ ...او شي قالي زوجي شو هذا حرقتي الدجاجه و قعد يتحرطم عليه ... قلت له مب محروقه انت ذوقها و بتعجبك ...و فعلا لما اكلها اعجب فيها و قال انها لذلذه بس شكلها يخدع :23:


جربوها و قولوا لي رايكم

اخاف بعد كل هذا المديج للاكله ما تعجبكم

ان شاااء الله تعجبكم و يا يسود ويهي مثل الاكل
:cook: