اخت شيخه تابعت موضوعك واعجبني اسلوبك ماشاء الله تبارك الرحمن
ومشاركتي دعوه من قلب صادق بالتوفيق والنجاح لك
والشفاء العاجل أسأل الله العظيم رب العرش العظيم ان يشفيك
ودعواتي لك بزيارة المدينة المنورة عاجلا غير اجل وحياك الله . وانا واهل المدينه في خدمة الناس الطيبين شرواكِ
ودمتي بحفظ الله
اخت شيخه تابعت موضوعك واعجبني اسلوبك ماشاء الله تبارك الرحمن
ومشاركتي دعوه من قلب صادق بالتوفيق...
ثانياً , الله يرزق كل مسلم و مسلمة يا رب و فرج علينا جميعاً
ثالثاً و الأهم , شكراً على أدبك و أسلوبك الراقي الي ماعاد نشوفه - بدون زعل يا بنات - لا بالنت ولا بالمجتمع !
الحديث ذو شجون
خليني أول شي أجاوب أسألتك
ما الحل من وجهة نظرك كتاجرة / كمشترية / كزبونة ؟
من الي مريت فيه بحياتي ,
و من الي شفته بتجاربي وتجارب غيري
طلعت بعدة إستنتاجات يا رب توفقني فيها :
1- حطي ببالك الرزق بيد ربي , وكليه سبحانه ولا تشيلين هم , ياما جريت جري الوحوش , وماحصلت شي من الي أبغاه !
2- لتنجحي : عليك بالسعي جيداً وليس عليك إدراك النجاح ! لأنه لو خليتي عملك مجرد ربح + خسارة راح يفقد العمل تميزه .. الأخت الي ردت و قالت لا تخلين قدرتك الأدبية تجارة لأن الأديب يكتب ليستمتع و يستمتع الآخرون و الله أنها أصابت كبد الحقيقة ..! خذيها قاعده مو بس بالادب بل حتى تجارتك !
ما دامك وكلتي الله سبحانه وتعالى ,
و حاولتي قد ما تقدرين تقدمين الأفضل لزبونتك و بنفس الوقت ما تخلينها تستغلك
و ماحطيتي ربح عالي يدل على طمع
و مارستي العمل بروح طيبة وتوكل
ان شاء الله ربي بيوفقك
3- ياليت فيه دروات تدريبية للتاجرات الصغيرات عشان يعرفون يسوقون بإحترام لهم و لزباينهم
لأن فعلاً أرى فوضى تجارية !
كيف تقومين بإقناع الزبونة بالشراء في زمن التقليد والغلاء ؟
هذي ثقافتها !
شفت بعيني حريم مستكثرة تدفع الألف أو الخمسمية ببضاعة ممتازة
وجالسة تلقط من خمام المحلات المقلدة و الأجنبيات الي يبيعون و بأسعار غالية على أشياء ما تستاهل ! ( زي وحدة رافضة تشتري من مواطنة تبيع منتجات أصلية بحجة انها ممكن تكون غشاشة وتشتري من أخت سورية تجيب ملابس وقطنيات من سوريا زي البجامات وتبيعها بثلاثمية ريال وهي بسوريا بثلاثين للدرزن او حوالي هالسعر !!!!!!!)
وشفت وحدة تاركة كوافيرة سعودية ممتازة و رايحة عند وحدة روسية او اوروبية جاية تتعلم على راسها ! بس عشانها اجنبية فهل معنى شغلها افضل ؟
وايضاً مدرسة لغة انجليزية خصوصية و متخصصة باللغة الانجليزية وسعودية و المنهج بثلاثمية ريال .. كل المنهج !
تاركينها ورايحين عند امريكية ممرضة وتجي بس تسولف معهم بدون اي شي ماتدرس بس تسولف وتتقهوى و الساعة : بثلاثة ألآف ريال !!!!!
الامريكية تركت التمريض تقول كذا اربح لي !
صادقة ..! من وين تلاقي مثل هالناس الي طايرة فيها ؟
والحجة ؟ يقولون أمريكية تعرف تدرس !طيب انتي ياعربية ممتازة باللغة العربية وتعرفين شعرائهم والنحو والقواعد زي الي درس ؟؟؟
لأ مهما كان السعودية المتخصصة افضل من ناحية القرامر و التدريس وغيره !
سبحان الله ..!
فيه ثقافات ماراح تغييرنها !
ثقافة اني استثمر بالمنتج الاصلي افضل من التقليد معدومة !
ثقافة ان ولد البلد مستحيل يبدع !
ثقافة ان كل تاجرة تتاجر عشانها فاضية !
ثقافات كثيرة تفقع القلب بصراحة !
هل ترددين دوماً / تبغين تبغين ما تبغين يفتحالله ؟
لأ
عيب
زبوني هو محل إهتمامي
طبعاً إذا في حاجات ما دخلت ببالي زي مثلاً تطلب سعر يظلمني بقولها انه انا بنظلم كذا وانا بكون صادقة لأن الربح غالبـاً ما أحطة غالي احط ربح معقول
على فكرة قد سمعت وحدة تقولي انها قرأت حديث ما معناه أنه حرام تحط ربح فوق الدبل !!!!!!!!!
يعني اذا بضاعتي سعرها خمسة ريال , أقدر ابيعها بستة بسبعه باللي ابغى .. بس ما اطلع عن العشرة !
فين الي يبعون البلوزة ابو عشرة بميتين ؟
أم أنك تتنازلين عن الكثير من أجل كسب سمعتك والزبائن ؟
ممكن أقدم عروض خاصة للزبون الي منتظم عندي
او زبوني الي اشترى كمية كبيرة
أو زبوني الي جاب لي زباين عن طريقة
واكيد المحل و التاجر ما هو إلا سمعة .. ياما شفت كوفيرات قفلوا المحل بعد ما طلعوا عروسة متضايقة ولا زبونه خربوا لها شعرها .. تروح توري الناس شوفوا ايش سوو فيني والله بعدها محد يطب المحل !
طبعاً البنات يكون عندهم دليل : زي وحدة جاتني شعرها معدوم خلاص ..
وورت البنات والعزومة كلها قالت شغل المشغل الفلاني شوفوا وش سوا فيا ؟
الحريم كلهم حرموا يروحوا له !
لماذا فلانة تبيع المنتج بـ / 15 ريال ، والسوق يبيعه بـ / ريالين ؟
وحدة من ثنتين :
1- يا أنها هي أساساً شرته بالغالي
2- يا أنها الله يهديها بدأ الطمع يدخل قلبها ..!
كيف نهزم رياح التنافس الشديد التي بدأت تدب على السوق الإقتصادي
بلا رحمة ؟
بالخدمة الراقية
بالتميز
بالصبر , فالبقـاء في النهاية للأفضـل
انتشرت في فترة ظاهرة / لا أحلل من يسرق أفكاري ..
في نظرك أليس العمل فكرة .. ما الذي يضمن حقوقنا كتاجرات ؟
حسب الفكرة
مثلاً وحدة تسوي معجنات ومفرزنات وتقول لا تسرقوا أفكاري !!!!!!
كل الناس تطبخ !
والي الي تشتري من شركة صينية ألعاب و فساتين وبعدين ماتبغى احد يشتري !
أصلاً الصين غاصبة حكومات العالم كلها تشتري من عندهم ! دارين ؟ غصب مو بالطيب ! أجل بعدين إقتصادهم يطيح ومايصير عندهم فلوس بعدين من وين يأكلون هالخلق ؟؟؟؟؟ مستعدين ييسوون حرب عشان هالشي ترى ؟!
فأنتي شوفي أنتي قاعدة تشتغلين بشي عام ولا شي خـاص ؟
لكن مثلاً فنانة تشكيلية أفكارها ملكها <<< فنانة تشكيلية أعرفها تقول شافت لوحاتها مقلدة بمعرض ثاني ! ولا تقليد شين !
الأديبة و الشاعرة : كلماتها ملكها << مرة والله وحدة كاتبة بيتين شعر , قامت وحدة جات وكتبته نفسه بس حرفت قالت لها على سبيل المزح هذي مو كلماتي ؟ قامت المقلدة زعلت و قبت فيها ..! بس الي كتبت بالاول مازعلت واخذتها على قد عقلها !
خياطة و مصممة أزياء أو مصممة مجوهرات : تصاميمها ملكها
وبالنهاية أقول كل وحدة لازم تعرف أن مفتاح النجاح هو التميز بأعمالك و شخصيتك
بأي حق تسرقين حق غيرك ؟ ما تخافين من الله ؟ ما تشعرين بالأسف و " الفشيلة " لأنك ماتعرفين تسوين شي جديد بس حرامية أفكار ؟ ما عندك إبداع ولا إحساس عشان تسوين شي جديد مش للدرجة ذي يعني !
كيف بتنجحين وانتي سارقة شغل غيرك ؟
وحتى لو سويتي شغل غيرك بشكل مضبوط , وبعتي بأقل و كسبتي والأصلية خسرت .. بتتوقعين رب العالمين بيبارك لك ؟ طيب كيف نظرة الناس لك ؟ طيب انتي كيف نظرتك قدام نفسك ؟
كل واحد وضميره
وإذا كان الزبونة يهمها أن تتميز دون غيرها فكيف تضمن حقوقها كمحتكرة ؟
مافهمت السؤال !
تقصدين ان الزبونة تبي تتميز ؟ اكيد بتتميز
والتاجرة اذا احتكرت الشيء بتميزها وندرته ان شاء الله تقدر تحقق الربح
بالنهاية أقول التجارة شطارة + صبر
التجارة أحياناً تمشي مشي السلحفاة !
و أحياناً زي الغزال
النجاح سرة :
التميز بالطرح
جودة المنتج
خدمة الزبونة بشرط عدم خسارتك
عدم الإضرار بالآخرين : مثل خلطات الزئبق ! وغيرها ! الي تضر الزبونة
أو سرقة أفكار الناس الي تضر بإختك التاجرة
سمعة المكـان
نظافة المكان
الخدمة السريعة
الاطلاع الدائم على حاجة السوق
و فعلاً التاجرات السيدات فعلاً يعانون
يعانون بالمواصلات
ويعانون بشروط الغرفة التجارية المعقدة
ويعانون من قيود المجتمع وان سمح لهم يعانون من النظرة الدونية
غير الزبونة لو للأسف جات من النوع اللا مبالي ولا ماعندها احترام احد وتحسب ان الي يقدم لها خدمة فهو عبدها !!! :09:
الله يرزقنا كلنا
الرزق الحلال الطيب المبـارك