صباحكم سكر ومساكم عسل
كيفكم ياحوامل ادري ان الحمل تعب بس كيف الجنه تحت اقدام الامهات بالصبر وقوة التحمل والله يصبرنا وكلها ايام وتهون يارب رحمتك
ادخل في الموضوع :27:
انا عن تجربتي الشخصيه انا من سنين وانا اعاني من امساك مزمن من اول ولاده من زمان الين الحين:44: ومن شدة الامساك جاتني البواسير وسويتها في مستشفي الله يكافي الدكتور الغبي صغر مرا فتحة الشرج يعني الامساك بالنسبه لي هو الاسهال الله يكرمكم الموضوع مقرف بس حبيت اقلكم تجربتي بكل كبيره وصغيره علشان تستفادو كنت اذا رحت في مكان اصيح وصراخ بعد العمليه ظليت سنتين علي هذا الحال من العمليه وجاني شرخ من الضيق الي سوه الدكتور في فتحة الشرج :icon33::icon33: وتعذبت لا اكل زي الناس وامساك وفوق هاذا كله وانا مسويه العمليه علشان ارتاح من البواسير الي جاتني بسبب الامساك الي يجي في فترة الحمل والنفاس المهم سالت علي دكتور كويس يسوي العمليه مره تانيه وثلاث اشخاص مايعرفون بعض دلوني علي دكتور سوداني في الاطباء المتحدون في جده استاذ في جراحته ماشاء الله كشف علي وقالي انتي عندك بواسير وشرج وضيق وحددلي عمليه تاني يوم مباشرة لان حالتي كانت تخوف وادخل اسوي العمليه والحمد لله كل شي تمام وماشاء الله سوالي العمليه تعذبت اول عشر ايام لاكن بعد كده الحمد لله رجعت اموري تمام وطبعا عايشه علي الملين لان قلي كثرة الامساك اجباري يجيب البواسير حتي لو داخليه مانشوفها :44:استمريت علي الملين فتره طويله وبعدها حملت اطريت اتركه علشان الحمل ولاحظت بدء يرجع الامساك تاني وصار يزيد وزني بشكل مفاجأ ومع الحمل والتحليل اتضح عندي فقر دم ولازم حبتين حديد كل يوم يعني امساك وامساك وامساك :icon33: وسمعت ان لازم علشان تستفيدي من الحديد بسرعه ولا يسبب لكي امساك تشربينه مع عصير برتقال واجيب السن توب تعرفوه اكيد خالي من اي مواد حافظه وكل مااخذت حبة حديد اخذ معاها عصير برتقال اساسي
في اليوم 2 كوب عصير برتقال
وانا في بدايت حملي نزلت علي مويه وقلة مويه الجنين الدكتوره قالتلي لازم كل يوم تشربي لتر مويه يومي علشان البيبي وفعلا صرت اجيب المويه القوارير التر واخليها جنبي كل شوي اشرب منها وترا مو بارده لان المويه البارده تسبب امساك وخصوصا علي اول ماتصحي لازم تشري لو كوب مويه كبير علي تبريد الغرفه ولازم التر المويه كل يوم وعصير البرتقال مع الحديد علشان يمنع الامساك وجربو وشوفو الي يعانون من الامساك ينتظمو عليها علي طول مو س فترة الحمل لا طول العمر المويه مفيده جدا للجسم وعصير البرتقال نفس الشي وهذي تجربتي المنقوله بكل صدق وسامحوني طولت عليكم س انا اصلا رغايه احب الكلام اذا اتفتحت مااعرف اختصر :35: لازم لوك لوك لوك لوك كتير ودعواتكم وربي يهون علينا الحمل يارب
ريري@ريري @ryry_ryry_1
عضوة فعالة
يلزم عليك تسجيل الدخول أولًا لكتابة تعليق.
فراوله تهبل
•
مشكوره عزيزتي ويشرفني اول وحده ترد على موظوعك
الصفحة الأخيرة