أميرة رقيقة @amyr_rkyk
عضوة نشيطة
والله يا بنات خسرت 25 كيلوا بنظام سهل وانا اللي مسويتة
السلام عليكم يا أحلى بنوتات ..
والله ان ودي اساعدكم من كل قلبي لاني جربت الوزن الزايد ومشكلتة ..
انا الحمدالله خسرت 25 كيلوا بـ 3 شهور قولوا ما شاء الله واللحين كل الحريم منهبلين على جسمي
ولا تتذمرون ادري انكم تبون حلول سريعه بس مافي شي يصير بيوم وليله ..بس هذا الحل الطبيعي اللي ما يضرج ولا يضر جسمج
لازم انتي من داخلج يكون عندج اصرار وارادة انج تبين تضعفين وصيري قويه واتخذي قرار من نفسج
شوفوا بصراحه ما اتبعت رجيم معين ولا رحت لاي طبيب ..
واول خطوات سويتها ..
خبز اسمر ومالكم شغل باللي يقولون انه نفس سعرات الخبز الابيض انا مجربه وشايفه الفرق كافي ان فيه نخاله يعني ( ممنوع خبز ابيض )
ممنوع السكر الابيض ( بديل عنه السكر الاسمر وترى طعمه احلى واحسن للبشرة )
يوميا 3 اكواب شاي اخضر ولنتائج احسن حطي معاه ميرامية ( وشوي شوي حاولى ما تحطين معاه سكر ) اول شي كان طعمه مر بس اللحين صرت ما استغنى عن الجاي وعادي من غير سكر تعودت عليه وهم يستحسن ان يكون كوبين قبل النوم وواحد الصبح هذي تقسيمتي..بدون عقد
مافي شي ممنوع من الاكل اكلي اللي تحبين وتشتهين لكن بكميات معقوله ببدي معاكم من الفطور
قبل الفطور كوب او كوبين ماي (بصراحه انا كنت اشرب 4)
في الفطور (اذا تحبين الكون فليكس بس مع سكر بني )
او توست اسمر وبيض .. يعني فطور عادي نفس كل يوم
ممنوع الاكل بين الوجبتين واشربي ماي كثر ما تقدرين حتى لو اربع اكواب
في الغدا ..
عادي اذا مشتهيه رز بس بشرط ان بس ملعقه وحده (بالملاس طبعا مو ملعقه يعني لقمة وحده )
وحطي معاه سلطه كثر ما تقدرين عشان تشبعج وتسد نفسج عن اي كميه رز زياده ولا تقولين ما تحبين السلطه تعودي عليها وبتلقين نفسج عادي
و اذا كان لحم او دجاج في الغدا اخذي قطعه كبر كف ايدج من غير الاصابع بس الكف مو اكبر واذا اقل احسن بعد ..
بالتدريج راح يصير مو فجأة قليل
وبعد الغدا اكليلج حبه فاكهه برتقاله تفاحه
ومو كل الايام رز حاولى تاكلين خبزة سمرا او خبز صويا مع دجاج او لحم واحيانا سويلج دجاج مشوي في البيت او سمك او ساردين مع الخبز اللي قلته طعمة حلو وخفيف وموجيدين بمركز سلطان باشكال رائعه وطعم احلى
وبعدها سويلج شاي اخضر يهضم اللي كليتية ..
وبعد ساعه من الاكل ردي اشربي ماي على قد ما تقدرين ..
وبهالفترة سوي رياضه وللي ما تحب الرياضه ترقص في بنت ما تستانس لمن ترقص .. عشان اخلي العمليه مسلية شوي
تقريبا ساعة او نص ساعه كل يوم زيدي الوقت اكثر عن اللي قبله .. واذا تقدرين تروحين الممشى نص ساعه يوميا احسن
بعد المشي والرياضه جا وقت العشا .. احرصي ثم احرصي ثم احرصي على انج تعشين قبل النوم ب3 ساعات
ويكون عشاج خفيف مثل سلطة وتونه وترى طعمها حلو ... سلطة خيار وروب قليل الدسم وتوست
يعني شي خفيف جدا
بعده اشربي الكوبين شاي ولحد ما تنامين اشربي ماي ...
هذا كان يومي باختصار .. والله كان وزني 80 واللحين 65 ( اذكروا الله ).. وطولي 165
واذا وحده عندا اي سؤال انا حاضرة .. وراح تلاحظون الفرق بعد 3 ايام او اسبوع بالكثير وبعد هذا كلة راح تجي ايام
تحسين انج تضفين بيوم وليله حييييل ويبين عليج ..
ولكم ارق الامنيات برشاقة دائمة..:27:
53
6K
يلزم عليك تسجيل الدخول أولًا لكتابة تعليق.
*أم شمه*
•
أميرة رقيقةمبررررررررررررررروووووووووك حبيبتي على النزول وعقبالنا ..
ماشاء االله والله أكبر .. :27: عن العين
ماشاء االله والله أكبر .. :27: عن العين
اختي طماطة مستوية : مشكور على تعطيرج صفحتي ..
الاخت ام شمة :الله يبارك فيج ..يارب ان شاءالله توصلين للوزن اللي تبينة
عزيزتي do_nia0123 : بصراحه ما اخفي عنج اكيد في يوم فري بس مو بمعنى فري اني اكل اللي ابي لا
يعني كنت آكل وجبة من ماكدونالد كل اسبوعين ..وكاكاو مرة في الاسبوع بس ما يكون طول اليوم اكلي ثقيل شي واحد بس
بس لا تخلين تفكيريج بيوم فري جذي ما تقدرين تكملين نوعي بالاكل الخفيف يوميا وان شاءالله ما تظطرين تسوين يوم فري
يعني مثل ما قلت الحلو مرة بالاسبوع والمطعم مرتين بالشهر بس .. وبعدهم لازم رياضه مضاعفه عن اللي اسويه عادتا
الاخت ام شمة :الله يبارك فيج ..يارب ان شاءالله توصلين للوزن اللي تبينة
عزيزتي do_nia0123 : بصراحه ما اخفي عنج اكيد في يوم فري بس مو بمعنى فري اني اكل اللي ابي لا
يعني كنت آكل وجبة من ماكدونالد كل اسبوعين ..وكاكاو مرة في الاسبوع بس ما يكون طول اليوم اكلي ثقيل شي واحد بس
بس لا تخلين تفكيريج بيوم فري جذي ما تقدرين تكملين نوعي بالاكل الخفيف يوميا وان شاءالله ما تظطرين تسوين يوم فري
يعني مثل ما قلت الحلو مرة بالاسبوع والمطعم مرتين بالشهر بس .. وبعدهم لازم رياضه مضاعفه عن اللي اسويه عادتا
الصفحة الأخيرة
مشكوره