كيف حالكم .. شخباركم وش علومك.. عساكم طيبين
والله يابنيات انا اليوم باخش في الموضوع على طووول <<<< على طول والا عرض <<<<< احلفي :o
انا اليوم داومت للكليه <<<< بتعلمكم انها انقبلت في الانجليزي.. خ خ خ خ>>>>> وطبعا انا مادخلتها ابد الا يوم التقديم.. وشئ اكيد اني وعلى غيرر عادتي مافريت الكليه فر من اولها لاخرها .. تصدقون ماادري ايش صار لي.. حسيت اني ماابغى امشي فيها يوم التقديم.. المهم .. جا اليوم المنتظر وهو اول يوم لي بالكليه .. عاد انا تجهزت من بدري وقعدت تقريبا نص ساعه حتى جا السواق .. طبعا راح تقولون ليش سكتتي وماقلتي له ليش تاخرت .. اقول لكم ((لو الود ودي كان خميته بكف قلب ابوووو عيونه وشق خشمه نصين وعلم على جبهته))<<<<< لاتلومونها.. اللي ايده في النار مش زي اللي ايده في الماي .. ماادري هو المثل كذا والا لأ .. لكن ماعلينا نرجع لمحور حديثنا
وصلت الكليه لحالي لان صديقتي المصونه تعبت في اخر لحظه وقعدت في البيت .. دخلت المبنى الاول والا اشوف ذيك الزحمه تقولون في الحج .. انا بصراحه طلعت عيوني لاني اول مره اشوف زحمه بهالشكل<<<< البنت انطوائيه :o>>>> دخلت لمكان القاعات .. سالت : وين مبنى الانجليزي؟؟ قالوا لي: انتي مستجده؟؟ قلت: ايوه قالوا روحي لمشرفة الانجليزي الدكتوره ((.......)) وهي تعلمك باللي تسوينه..
عاد انا ماكذبت خبر ورحت اسال عن هالدكتوره ليين دليتها<< صدقوا اخوانا المصريين يوم قالوا اللي يسال مايتوهش :42:>>>>>> دخلت عندها وقلت لها : دكتوره .. انا مستجده في الانجليزي و.... قلت لها بكل السالفه والاخت مبققه عيونها في وجهي.. عاد انا يوم شفتها بهالحاله بلعت لساني وسكتت.. فقالت لي: يابنتي انا مشرفة التاريخ.. مشرفه الانجليزي الاستازه(...) في المبنى التالت.. هي قالت هالكلام وانا عطيتها مقفاي ومشيت ... تفشللللللت :29:
طلعت وانا اجر اذيال الفشيله :42: .... سالت وسالت وسالت الاااااااااا ان وصلت الى المبنى الثالث وانا خلاااااص ماعاد فيني حييييييييل ... دخلت ودرت ولفيت لين وصلت مكتب المشرفه .. ووجهي صار احمرررررر من الحر وترا في عامل ثاني ادى الى احمرار الوجه وهو طيحة الوجه اللي سبق ذكرها ...
والله يابنات انتظرت نص ساعه عند الباب انا ومعي بنات طبعا ننتظر خروج ست الحسن والدلال مشرفة الانجليزي من قصرها (( والله يوم طلعت حسيت ان يدي تحاول تتحرك لجهة وجهها بس مسكتها وقلت لها عيييييب يابنت.. اركدي :42:)) وعطتنا الجدووول ..
بس اللي قهرني اكثر واكثر ان اليوم ماعندنا ولا محااااضره ... يعني جينا على الفااااااااااضي :06:
والله اني شفت الموووووت اليوم من كثر اللف والدوران .. صرت اذا سمعت اسم كليه.. احس باكتئاب بعد ماكنت احترق شوقا لدخولها <<<<< اممحق لغه :o
ادري اني طولت عليكم ... بس والله مالقيت احد اشكي له همي واللي صار لي اليوم... قلت مافي غير حبيباتي صرقوعاتي العزيزات..
الله لا يذوقكم اللي ذقته اليوم ويبعد عنكم كل شر..
ملاحظه: 1-الموضوع غير ملطوووش ابدا .. قسم بالله انه غير ملطوووش <<<< متعقده من كثر ماتلطش مواضيع خلق الله
2-هالموضوع اخر موضوع انزله .. لان هاليوم اخر يوم ادخل فيه للمنتدى .. والقاكم ان شاء الله في الاجازه ..:44:
عظم الله اجرك مدام انك مداومة بالكلية خخخخخ
بعدين وشوله اللف والدوران من اول يوم لاحقه عليه يالمفجوعة
وليه اخررررر يوم لك يالغلالالالالالا ترى عارفين انك دافورة بدون ماتختفين بس اهجدي
يالشينه وادخلي الترفيهية خ خ خ خ خ خ خ خ >>>> ابووووك يالتقليد