صار لي فترة انزل محلات الكنب وادور كنب امريكي بلون فرايحي..مالقيت قررت اني افصل ..بس ياخذ وقت طويل وانا عندي ضيوف هالايام الجاية ..
واشتريت اخيرا هذا الكنب ..الي بنزل صورته بعد شوي ..وكم صورة معاه للاستشارة العاجلة..ومشكروين مقدما..
وعلى فكرة الجدار ابيض والسراميك سكري
اول شي هذي صورة الغرفة بشكل عام رسمتها للتوضيح..بس سؤالي ايش ممكن اضيف مكان النجمات لانه فاااضي..وموحلو يكون كذا..
وثاني صورة للكنب الي اشتريته اليوم ..سؤالي عليه ايش اختار لون الستارة مع الكنب ...واحتمال مااحط من نفس القماش ..لان يمكن مافيه..ايش رايكم ؟ ايش اختار لون القماش للستارة ؟والقماش ايش يكون قطيفة حلو؟وسادة ولامشجر ولا مقلم؟؟ وعلى فكرة..الكنب ميزتة يكون على وجهين ...يعني اقدر اغير وحتى المخدات الصغيرة وجهين..وصورته بالوجهين جهة مشجر وجهة مقلم.......
والمخدات الصغنونة جهة سادة وجهة مقلم............طلعت سيارة زوجي بالصورة ههههه
وثالث صورة الرفوف هذي تكون بالطول اشتريتها وتوهقت ...سؤالي عليها ماعرفت كيف انسقها وايش احط فيها من جوى وايش احط فوقها ووين احطها اصلا...انا حاليا علقتها فوق طاولة التلفزيون ..
ورابع صورة الرفوف الاطقم من هوم سنتر الي تجي 3احجام طقم...سؤالي محتارة فين اركبها؟؟؟ على اي جدار احلى؟؟؟؟ وايش اضيف فوقها؟؟
خامس صورة هذي صورة السجاد...ماعليها سؤال بس عشان تشوفوها..عشان تختارولي لون الستارة ايش يكون؟ وللعلم ابقاها زي حقت ايكيا مدري يكون حلو والالا؟
اخر سؤال وين القى محل بمكة يبيع طاولات تلفزيون زي حقت ايكيا لاني مااقدر انزل مع هذي السيول ....بس تكون قوية وتتحمل لان تلفزيونا مش شاشة ...بس كبييييير مرة..وابقى طاولة ناعمة ونازلة موعالية ويكون سعرها بعد نازل هههه لاني شفتها بالزايدي ب1500ريال تقريبا غالي مرة..
وشكرا للجميع...مقدما..
أنا حبيت ارد عليك اشوف لو تحطي الستاره لون بيج او سكري راح يكون حلو معاها وحتى اللون الاصفر يجي معاها بعد والله يوفقك
بس باقي الصور ما عندي اجابه عليها والله يوفقك ويردوا عليك البنات ان شاء الله