بنات الرياض وجدة اللي عملية وجاده تدخل

المشاريع والافكار التجارية الشاملة

السلام عليكم ورحمة الله وبركاته
موضوعي موجه لبنات جده ولبنات الرياض
عندي محل واحتاج بضاعه من سوق الجملة بالرياض وكمان من جده
مشكلتي دائما ضيق الوقت لما اروح للرياض
وجده قليل سفري لها خاصة في الفترة الحالية
وانا الان احتاج لي وحده نشيطة وذويقة (يعني عندها ذووق مو اي كلام)
ابي اتعامل معها (وحده بجده ووحده بالرياض)وتشتري لي بالجمله من محلات معينه بجده او بالرياض
وطريقتي بتكون كالتالي
اقول لها اشتري لي اغرض محدده بمبلغ معين وتروح هي وتختار على ذوقها بالمبلغ المطلوب وتجمع اغراضها كلها بمحل واحد وهو يشحنها بالنقل لي وانا احول لها الفلوس قبل تحاسبه واعطيها عن كل مره تشتري فيها 50 ريال احولها على حسابها
مهما كان المبلغ اللي راح تشتريلي فيه سواء 1000 او 10000

اتمنى يكون كلامي واضح
الجاده رجاء ترسل لي على الخاص اخاف اضيع الموضوع
25
3K

يلزم عليك تسجيل الدخول أولًا لكتابة تعليق.

تسجيل دخول

خلاص افترقنا
خلاص افترقنا
يختي 50ريال بس مررررررررررة قليلة لأن التسوق في مراكز الجملة مرررررررررررة تعب ومكلف جسديا ونفسيا خاصة إن هالأماكن دائما زحمة...
معلمة الرواد 23
كل هالتعب وحق المشاوير واخرتها 50

ليتك كملتيها 100

عموماً موفقه وان شاء الله تلقين اللي تخدمك
أنا وعيالي
أنا وعيالي
محد بيخدمك ب 50 حبيبتي
~!عالي مستواها!~
اختي صعب 50 ريال للبنات

اولا راح ياخذ من وقتها وراها مشوار لو ماعندها احد يوديها بتضطر تاخذ سواق


وتدفع له قيمه مشواره ومنها ترتب لك البضاعه

وبعد الترتيب بدق على المندوب يوصل لك وبياخذ اقل شي 30 ريال لتوصيلها لك ع النقل

على العموم بالتوفيق لك
شيخة أحمد
شيخة أحمد
محد بيخدمك ب 50 حبيبتي
محد بيخدمك ب 50 حبيبتي
الغالية أم الغالي

صلي على النبي
وتعوذي من إبليس (:

شوفي طال عمرك
ما في مصلي إلا ويبغى المغفرة

الحمدلله كل المواصفات اللي طلبتيها موجودة في
بدون ما أمدح نفسي ولله الحمد (:

طبيعة عملي منسقة مناسبات ومصممة طلبيات وتوزيعات ووو إلخ
ودائماً مقر تواجدي في أسواق الجملة

لكن ( 50 ) ريال هذي طال عمرك
مثل ما قالوا الأخوات اللي سبقوني بالرد

ما تخارج أبداً

وأنا أوضح لك الأسباب عشان تقتنعين

أولاً / أسواق الجملة بعيدة عن مقر معيشتنا
هذا يبغى له أجرة لوحدها
أقل ليموزين بيوديك ب 20 وبيرجعك بـ 20

خلصت الخمسين طال عمرك (:

ثانياً / سوق الجملة ما هو متوفر فيه كل المشتروات
يعني لازم تتنقلين من مكان لمكان حتى تلاقين كامل احتياجاتك

ثالثاً / مقر شحن البضائع هذا لوحده يبغى له أجرة لا تقل عن 30 ريال
بالإضافة إلى أنهم يطلبون مننا العمال بعض البخشيش
عشان يرافقون في حمل البضاعة وإنزالها وشحنها وووو إلخ


اللي أقترحه عليك
إنك ما تقولين هذا المبلغ أبداً
لإن فيه إبخاس حق للجميع

اللي أقترحه عليك
وما هو قطع رزق لأحد والله
بس يبدو إنك ما عندك إستعداد تدفعين

ممكن تتفقين مع أحد المحلات في جدة أو في الرياض
يطلع لك مجموعة من البضايع مع المخرجين
وتشترطين عليه البضاعة اللي ما تناسبك أو ما تنباع
ترجعينها مع المخرج بمجرد ما تشوفينها

أما إذا كان يهمك الذوق النسائي وضرورة التعامل بحرفنة وبشطارة
فالله يطول عمرك حطي جنب الخمسين صفر (:
وحياك الله
وإن شاء الله بإذن الله إنك تقدرين تطلعينها وتطلعين راس مالك وربحك وزيادة
وخصوصاً إذا كان الإتفاق مثلاً كل شهر
او كل اسبوعين
أو كان محلك عليه إقبال وزباين

موفقة بإذن الله