خطة عامة لبدأ اي مشروع ** للمبتدئين **

كثير من البنات يرسلون لي يسألون كيف يبدؤون مشاريعهم وكم يكلف وهل راس المال كافي:

نبدأ بوضع خطة لمعرفة التكاليف المتوقعه للمشروع :

اولا :

1.تراخيص البلدية والمصاريف المصاحبه لها مثل : قيمة اللوحة الي تحمل اسم المحل .
2. نروح البلدية ونسال عن قيمة الترخيص للنشاط المراد البدأ فيه ولازم نحط في بالنا يوم نسال نسال عن الاجراءات الكامله وليس فقط عن الترخيص .

مثلا:
في بلدية بوظبي يطلب منك قيمة الترخيص + عضويه في غرفة وتجارة بوظبي + اعتماد من الخطاط لمقاسات اللوحة .

هال الشي نحتاجة لمعرفة التكاليف المتوقعه للمشروع لاننا لو قلنا بنبدأ براس مال معين لازم نحط في بالنا أن التراخيص واللوحة وغيرها ينخصم من قيمة رأس المال العام .

مواقع لبعض البلديات لمعرفة قيمة التراخيص :

بلدية قطر :
http://www.mmaa.gov.qa/mmaaarb/others/services/commerical-pemits/default.asp

بلدية الامارات :
http://www.adm.gov.ae/DotNetNuke/ADM...4/Default.aspx

بلدية السعودية :
http://www.momra.gov.sa/Specs/index-forms.asp

بلدية الكويت :
http://www.municipality.gov.kw/mainweb/main.htm

بلدية البحرين :
http://websrv.municipality.gov.bh/portal/page?_pageid=173,329887&_dad=portal&_schema=PORTAL

****************************************
ثانيا :

العمل والعمال
1.كم عامل محتاجة للمحل ، وكم قيمة استخراح بطاقات العمل .
2.، في عمل وعمال بوظبي تحتاجين لفتح بطاقة منشأة بقيمة 2000 درهم .

****************************************
ثالثا:

1. السؤال عن قيمة الايجارات في منطقه تصلح للنشاط التجاري الي تبينه .
2. قيمة الديكور .

****************************************

ثالثا:

تكلفة عمل اكياس خاصه بالمحل ، ومعرفة المحلات المتخصصه في ذلك .
دفاتر الفواتير والبروشورات

في بوظبي محل الفضاء للكمبيوتر .

****************************************
لا تنسين :

تكتبين كل التكاليف في مذكرة حتى تنسقين مصاريفك من البداية ، حتى لو كانت قيمة طباعة او نسخ مستند .
استخدام برنامج للحسابات مثل quickbook
او أي برنامج عربي ليسهل عليك متابعه الحسابات

حاولي قبل ما تختارين النشاط الي تختارينه انك تسالين في المنطقه المراد فتح المحل فيها هل تمشي فيها هال البضاعه وشو هيا الاسعار المقبوله في المنطقه.

على سبيل المثال لو تبين تفتحين محل جلابيات تسالين المحلات الي في المنطقه عن الاسعار المتعارف عليها
1. لا تعرضين بسعر اعلى من السوق ، وطبعا تحرصين تاخذين بضاعه بسعر مناسب للسعر الي تبين تبيعين فيه بحيث تضلين ربحانه .
2. يعني ممكن في امارة بوظبي الاسعار اغلى من العين .

الصبر ثم الصبر والمثابرة التجارة يبالها طولت بال ولازم تتعبين عشان توصلين لهدفك ولا تخلين حد يحبطك وحاول ترتبين افكارك ومصاريفك من البداية حتى لا تتعبين بعدين .

واتمنى للكل التوفيق