@كلي انوثه@ @kly_anothh_15
عضوة فعالة
زوجي باعني عشان طلبت شوية خصوصيه!!
بنات بدخل بالموضوع على طول انا صارلي متزوجه 3 سنوات ماعندي اطفال وعايشه ببيتي ومرتاحه ومتهنيه ومن عطله لعطله يجون عندي اهل زوجي ويقضونها ببيتي مو هنا المشكله المشكله ان ام زوجي تطلقت وتبي تسكن معاي بنفس البيت هي وبنتهاا وولدهاا وانا بصراحه مقدر اعيش بغرفه حياتي كلهاا بعد ماكان عندي بيت كامل ماخذه راحتي فيه وانا بصراحه خجوله مره لادرجه حتى سوالف انا وزوجي ماسولف فيها قدامهم انا لمى يجوني من فتره لفتره يقعدون عندي 3 شهور او4 وربي ماخذ راحتي وخصوصا ان ام زوجي ما تخليني اخذ راحتي يعني ترمي كلام لاشافت وحده بالتلفزيون تقعد تمدح قدام زوجي كأنوا ناقصني زين وانا امووت قهر ماله داعي هالحركات وربي اني معتبرتها مثل امي وعمري ماقصرت معاها بشي وحتى مقدر اطلع بروحي بروح مطعم مثلي مثل اي زوجين بتمشى مرره ماقدر مافي خصوصيه نهائي وكلمت زوجي قلت بما انك ناوي تغير البيت وتاخذ اكبر خذ شقتين مقابل بعض افضل لي ولاهلك عشان اخذ راحتي وهم كذالك وانا ماطلبت شي هذا حقي الشرعي انا اكذب عليك لو قلت لك اني مرتاحه وربي مو مرتاحه ابدا فمابالك العمر كله بعيشها بغرفه ومتقيده باللبس وبعدين اخوه كبر خلاص ماقدر البس مثل اول واخذ راحتي قالي هذي راح تكون حياتي امي واخواني بيسكنون معانا تبين اهلا وسهلا ماتبين بيت اهلك عندك قلت له بهالسهوله بعتني عشان شنو عشان قلت لك باخذ راحتي وابي بيت لي بنات انا غلط بشي تكفون قولولي انا مستحيل اعيش معاهم ببيت واحد وربي ماقدر مره يتدخلون بكل شي لدرجه لا دخلت غرفتي ومع زوجي كل دقيقه داقين علي الباب يقولون له تعال نبيك تعال اقعد معانا وربي ماصارت حياه استحملهم شهر شهرين بس العمر كله مستحيل واصلا انا شرطي من زواجي بيت شرعي بروحي وهو عادي يقولي ماتبين بيت اهلك موجود بسهوله باعني انا ماقلت يعق امه بالعكس يحط لها بيت ويصرف عليها واحنا جلستنا بشقتهم او هم يجوني مو مشكله بس بغرفه محبوسه طول اليوم وربي صعبه انتوا لو مكاني وش راح تسوون امانه جاوبوني وربي محتاره ومابي اخرب بيتي بس ابي شوية خصوصيه زي اي زوجين :icon33::icon33::icon33:
136
15K
يلزم عليك تسجيل الدخول أولًا لكتابة تعليق.
@كلي انوثه@
•
رفع
الله يهدي زوجك دامك كنتي شارطه عليه بيت شرعي اقتعيه وانتي ماطلبتي غير حقك ولكن لاتتحديه وتخربي بيتك الله يكون بعونك
والله لومكانك ماجلست يوم اعوذ بالله وش هذا ،،، واعتقد انك ماغلطتي ابدا هذا حق من حقوقك والله يفرج همك وييسر امرك
هذا من حقك واي وحده مكانك بتسوي نفس الشي
حتى لو كانت العلاقه سمنه على عسل مع امه
لااااااااااااااااااابد من الخصوصيه
حتى لو كانت العلاقه سمنه على عسل مع امه
لااااااااااااااااااابد من الخصوصيه
والله انتي الصح وانا من رأيي تدخلين ابوك في الموضوع
لانه عيشه طول العمر وصدقيني اذا دخلو بيتك ماراح يطلعون لو ايش
فمن البدايه يكون احسن
وانتي ماقلتي له لاتستقبل اهلك ولا ارميهم انتي تبغين بيت مستقل حتى لو شقه ومقابل بعض
مافيها شي
الله يهدي زوجك اتمسكي برأيك ولا تفرطين فيه
لانه عيشه طول العمر وصدقيني اذا دخلو بيتك ماراح يطلعون لو ايش
فمن البدايه يكون احسن
وانتي ماقلتي له لاتستقبل اهلك ولا ارميهم انتي تبغين بيت مستقل حتى لو شقه ومقابل بعض
مافيها شي
الله يهدي زوجك اتمسكي برأيك ولا تفرطين فيه
الصفحة الأخيرة