هونيها وتهون باذن الله

والله انك مثلي ودي يصير لي نظام بالاكل والله اجسامنا دماااااااااااار لا فطور ولا غدا ولا عشاء على سيرة بس قهوة وحلا هذي عيشتي بس اطبخ وجبة باليوم وموب كل يوم بعد والله ابغى اكلنا صحي شوي مليييييييييييييييت

يعني فيه زي حالتي في الدنيا طمنتوني :)
من جد ممل الوضع ...
حاولت اقول يابنت كلها دجاجه غسليها<<اهون على نفسي ...
بس ماااااااااش اذا طبخت احس مالي خلق اكل ...من التعب ..
اول كنت اسوي الكبسه وانواع الصلصات والمقبلات معها ....يكون الاكل مشهي ...
الحين كبسه ويحمدون ربهم ....مالي خلق اسوي مقبلات وصلصات وخرابيط ...يادوب سلطه خضراء...
ياربيه حاسه بتانيب ضمير ...وحاسه بجووووووووووووووووووووع...
بنات انا عندي جلايه صحون ...مو شايله هم الصحوون والمواعين الحمدلله ولا كان انجنيت ...
لكن الطبخ وريحته اللي لازقه فيني 24 ساعه ...
صرت اتروش كل وقت ماتسوى علي ..
اذاطبخت الغدا تروشت ..واذا جا وقت العشا ضاق صدر ي اذا قال لي زوجي يبي همبرغر او اي مقالي لاني توني متروشه:(مابي ريحتي تصير قلي ....
ياربيه ابي استغني عن الشغالات لو سنه ....حاسه حياتي زحمه

اعطيك افكار تريحك في الطبخ وتختصر علي الوقت والجهد وتوسيخ المواعين بس من رأيي اليوم اللي بتسوين فيه الشي هذا انك تستعينين بخادمه احد الاقارب او اللي يجون بالساعات انت راح تسوينها مرة في الشهر لكن راح تريحك شهر او اكثر

1-اول شي اسوي كميه كبيرة من عصاج مفروم الدجاج او اللحم وطريقته احمس بصل واحط عليه اللحم المفروم بعدين احط شوية بهارات وملح وبس

طبعا لازم الكميه تكون كبيرة ممكن كيلو او 2 كيلو بعدين بعد ماتنضج احطها بصحن كبير لحد ماتبرد

بعدين اعبيها في اكياس نايلون واحطها في الفريزر

ولما ابغى اطبخ اطلع كيس طبعا هو مستوي وجاهز
احطه بقدر واضيف عليه الاضافات اللي ابغى بقدونس جزر بطاطس فلفل بارد يعني حسب الشي اللي ابي احشيه

ممكن استخدمها مع المكرونه الباشميل او السمبوسه او الفطاير او اعشاش الشعيريه

2-طريقه للحفاظ على ارفف المطبخ من الاتساخ اثناء العمل في المطبخ

تعرفين الاكياس النايون اللي يغلفوا فيها المغاسل الثياب المكويه

انا اجمعها واقصصها واذا اردت الطبخ افرش على رف الرخام مثل مفرش السفره النايلون وابد اقطع عليه واقشر الخضار واحط عليه الملاعق اللي استخدمها اثناء الطبخ

واذا خلصت من الطبخ ارمي الكيس والرف الرخام ماتوسخ

3-احمس بصل كميه كبير واضيف كثرها مرتين طماط وعلبه معجون طماطم وماجي

واحمسها لحد مايذبل الطماطم بعدين اخليها على جنب تبرد

بعدين اخلطها في الخلاط واعبيها في اكياس

واستعملها بسهوله وسرعه

4-اقطع بصل كثييييييير واحمسه بزيت ولما ينحمس ويذبل ويصير لونه ذهبي ويبدا يفتر

احطه في برطمان المخلل بعدين اجيب علبه الزيت واصبها في البرطمان بحيث يغطي البصل ب2سم من فوق

بتسألون ليش اضيف الزيت بعد ما حطيت البصل عشان الزيت راح يمنع تسرب ريحه البصل المكشن في الثلاجه ويحافظ على طراوة البصل ومايطعم من الثلاجه

وكل ماجيتي تطبخين خذي من البصل هذا وشويه زيت معه

5-من الطرق المجربه للراحه من عناء تقطيع الدجاج كل يوم

اشتري دجاج مبرد

بعدين جيبي كل الدجاج وقطعيه في جلسه وحده
شي قطعيه اثمان وشيلي الجلد
وشي قطعيه اسداس وخلي الجلد عليه مثل دجاج البروستد

وشي قطعيه ارباع
وشي خليه انصاف
يعني قطعي حسب حاجتك
بعدين اغسليه بماء ونظفيه وعبيه باكياس نايلون وحطيه بالفريزر راح ترتاحين من عناء تقطيع الدجاج كل يوم

6-وللراحه من تقطيع الثوم افرمي كميه منه في فرامة البصل وحطيه باكاس نايلون اصغر مقاس رقم واحد وسويها على هيئه شرايح بحيث انك تفردينها وفرزنيها وكل ما احتجتي طلعي كيس واستعمليه

وممكن تسوين الطريقه هذي بالزنجبيل الطازج بنفس الخطوات

ان شاء الله افدتك


اي وحده تستفيد من ردي تدعي لي بصلاح النيه والذريه وان يجعلني قرة عين لزوجي

ويتمم علي حفظ القران ويجريه على لساني

مشكوره يا الرزان ...
افكارك روعه ...
انا سويت الكشنه بكميه لكن بصراحه احس طعمها مو زي الفريش...يبان انها بالفريزر ...
وشكلي بجيب شغاله مؤقته تقص لي صدور دجاج ...بس خايفه يتغير طعمها اذا حمستها مع بصل ؟؟
الله يجزاك خير ويحقق لك مايسعدك