هلا وغلا باختي..اول شي الكلام اللي بقوله مو فلسفه لاني عايشه مع ولدي حاله اصعب من وصفك كثير اول شي اهم نصيحه لك ركزي على بنتك وعلى نفسك وبس وكلام الناس مانت سالمه منه لو وش يكون اذا ركزت على كلامهم والله مايجيك الا الهم والمرض وهم ما درو عنك وفي بيوتهم مبسوطين _ثاني شي اكثر شي ممكن يريحك وينور دربك هو الرضا وانك تيقنين ان ما اصابك لم يكن ليخطئك وما اخطاك لم يكن ليصيبك ومهما كان التشخيص مزعج فهذا امر الله وما علينا الا الصبر وفعل الاسباب_الشي الثالث اكثري من الدعا والصدقه لها تاثير السحر وما يفرجها الا رب العالمين _انا اشوف من وصفك ان بنتك مو سيئه ابدا بس تحتاج لتاهيل يسمى تاهيل وظيفي ممكن تخدمينها كثير اذا بحثت وقريت وتثقفتي في موضوع طيف التوحد وانت يكون لك دور كبير جدا في تطويرها من غير ما تلجاين للمراكز الغاليه _لي رجعه بس مضطره اطلع ...لنا لقاء

بنتي عمرها سنة وتسع شهولر واسبوعين بالضبط وأغلب الأعراض إللي قلتيها عند بنتي وكنت حااااسة إنها غييير عن الأطفال أللي أشوفهم
أنا مثلك بعيده عن أهلي ولاعندنا أطفال وهي وحيدتي
أذا اشتكيت لأحد قال مافيها إلا العافية
لأن دمها خفيف وتحضنا وتحبنا وتحب الناس
وأمس وديتها عند استشاري أطفال بدله وأكد لي أن أعراض التوحد واضحة وحنعمل لها فحوصات وتخطيط أعصاب وطلب نوديها مركز للتوحد
نفسيتي من وقتها أنا وزوجي سيءة ومثلك أفكر فيها كثيييير إذا كبرت
أختي إنتي عايشة في الرياض ؟

جزاكم الله الف خير يااخواتي الغاليات
وانا في جده مو في الرياض
وانتظر منكن العوده ومن الاخوات الي زارو الموضوع المساعده

لي عوده انتظركن

عزيزتي طيف التوحد مرض العصر والسبب يظل مجهول العلم عند الله
وبنتك بس كثفي لها جلسات تعديل السلوك والتخاطب ومشاء الله اذا بنتك ذكية استبشري خير راح تكبر وتتحسن حالتها
طيف التوحد مو اضطراب خطير اذا استكشف مبكر وتمت المعالجة شوفي دكتور غيره واطلبي منه فين التوجيه لمركز او روضة وعندكم في جدة روضة افكار الصغار مررررررره يمدحونها فيها قسم اندماج لاطفال التوحد البسيط, وبنتك مشاء الله لو بيها توحد فهو بسيط لانها مدركة للي حولها لانه التوحد الشديد مايدري عن العالم الي حول التواصل جدا ضعيف او مفقود
ربي يشفي جميع مرضى المسلمين
اتمنى اكون ريحتك لو بالشئ اليسير
دعواتك

لو فعلا توحد فهو خفيف جدا مع اننا زمان وشكثر الاطفال اللي كذا ونقول شقاوه ويكبرون عادي ويدرسون عادي اخوي عنده توحد عارفه مايدري عن احد ولا عمره حط عيونه بعيوننا ودايم يدور حول نفسه ويضحك بشكل هستيري وشوي يبكي بدون سبب ومايحس غالبا بالالم تخيلي مره كان يضحك بقوه واكتشفنا انه ماخذ كوب كسره وقعد يجرح بيده ويضحك يوم شاف يده تنزف شفتي كيف بنتك طيبه لعبو فينا ذالاطباء