تكلي على الله ووي انابيب وين المشكله الله يرزقك ويوفقك

خليك مع زوجك طالما انه محترم وخلوق
العمر يجري والايام تمشي بسرعه
انصحك بالانابيب
وانت تحسبين الزواج الثاني سهل
كم سنه بتنتظرين يجي العريس
وبعدين يمكن تطلع عندك مشاكل
استخيري وسوي الانابيب
انت غلطي باول حياتك وطاوعتيه بعدم الانجاب
اللحين لا تغلطين بالطلاق
سوي انابيب وبحول الله تحملين بتوأم



استغفر الله العظيم

الله يرزقكم الذريه

غريبه كيف تنازلتي عن الامومه الامومه حلم كل بنت بعد الزواج
والوراثه شي بعلم الله
وتفكيرك بالخلفه متأخر مره وينك من اول لمى عرفتي انو عنده ضعف اتوكلي ع الله وسوي انابيب
الله يفرج همك ويرزقك بالذريه الصالحه

مابغى بصراحه أثر عليك أو احسسك بالذنب
بس ليش يتزوجك !!
يعني تو يعرف ان عندكم مرض وراثي ؟
ولطالما هو طبيب كان بإمكانه يساعدك بموضوع الامراض الوراثيه
فيها تحاليل وشغل وتقدرون بإذن الله تنجبون اطفال طبيعين 100% بحول الله وقدرته
خاصه ان عندكم عينات من هالمرض .. انا ياختي 10 سنوات بدون اطفال ونفس السبب الي يواجهك
انا اواجهه لكن اعفي نفسي اني تزوجت وانا صغيره وماكنت اعرف عواقب هالامر ولا عملت له حساب
5 من اخوان زوجي مريضين بمرض وراثي ومستشفى التخصصي كان بإمكانه يساعدنا بس الشغله يبغالها واسطه
انتي زوجك كان بيده يسويها خصوصا انه طبيب وبين يديه كل شئ ..
ع العموم حبيبتي بقولك بكل صراحه وبتكلم معاك زي ماتكلم مع اختي او حتى نفسي
لا تنتظرين تنجبين طبيعي ماقول هالكلام انك كبيره وو لالالا ابدا مو هذا قصدي
بس الانابيب فرصه حلوه ونتائجها اسرع بإذن الله
وان شاء الله تنجح معاك ويكون بين يديك توائم غير الطبيعي
الي ممكن ياخذ من وقتك وبدون نتائج وتكونين ضيعتي وقتك ع الفاضي
وبالانابيب الجرعات تكون اقوى وافضل وتقريبا " أنقى " ف لاتضيعين هالفرصه
جربيها نفع كان بها مانفع عيديها مره ومرتين لمن ربك يفرجها ..
الله يفرحك ويرزقك عاجلا غير آجل ولا يحوجك لخلقه ياعمري