سبب توبته
السلام عليكم ورحمة الله وبركاته
قصه سمعتها من داعيه
قالت لنا على قصة واحد تعرف امه ,,والأم هي اللي قالت لها
على قصة ولدها
اعجبتني القصة وحبيت تشاركوني فيها,,,لأن فيها عظه وعبره....ودرس للأهل
اتركم مع القصة وراح احكيها بلسان الشاب
كنت شاب مخلص الثانوي بدون مجموع يساعد ادخل اي جامعه او كليه
وطبعاً السبب قلة اهتمامي بدروسي
كان همي اخلص ثانوي وأتوظف,,,,عشان يكون معي راتب
وكان لي اللي ابي
وتوظفت جندي براتب ضعيف جداً
كنت غير محافظ على الصلاة
اهم شي عندي شلتي,,,,اللي ياما نصحني الوالد اتجنبهم
لكن كان يزيد اصرار تمسكي فيهم
المهم كنت زي ماتقولون دااااااشر
بالأسواق اغازل,,,,وبنات وأكلم,,,,,ولا همني احد
كنت اشوف هالأشياء من مقومات الرجوله
تعرفت على بنت تدرس ثالث ثانوي....طبعاً عن طريق الجوال
طلبت رقم عشوائي وردت علي
ويوم ورا يوم صرت لها الحبيب المنتظر
سألتني ايش اشتغل ,,قلت عسكري
قالت ايش رتبتك,,,,,قلت ضابط
فيوم طلبت مني ارسل لها صوره لي وانا بالبس العسكري الرسمي
وطبعاً رحت ودبرت لي بدله ونجومها معها وتصورت وارسلت لها الصور
بعدها طلبت منها هي ترسل لي صورها
على طول ارسلتهم
بقينا فتره على المكالمات
وفيوم قلت لها نفسي اشوفك,,,,واذا رفضتي معناته ماتحبيني
قالت ,,,خلاص اجيك,,بس وين
وصفت لها عماره في مكان معروف,,,وكانت هذي شقة شلتي
وحددت لها يوم تجيني,,,كان يوم اصحابي مسافرين
يقول
جلست فبلكونة الشقه انتظرها
لين بالوقت المحدد,,,وقفت بالشارع سياره,,,نزلت منها بنت وعرفت انها هي
نظرت للسياره,,,,افتح عيوني ,,,,اصدق,,,اكذب,,,,مو معقول
كنت اظن انو اللي بيوصلها سواق
لكن اللي كان يسوق شااااااايب بالثمانين
لمن تأكد انها دخلت العماره,,,,وقف سيارته بالجهة الثانيه من الشارع
شكله ينتظرها
رنة الجرس,,,,رحت وفتحت,,,الا هي
سلمت,,,,رديت السلام
على طول سألتها مين اللي موصلك
قالت,,,,,,,ابوي
قلت لها كيف خليتيه يوصلك
قالت ,,,قلت له عندي بكره اختبار,,,,واوراق الأختبار عندي زميلتي,,,
وابغى اروح لها اجيبهم,,,رفض
قعدت اتباكى,,وبصوت عالي,,,واقول خلاص اذا رسبت لااحد يلومني
ولمن سمع صوتي رحمني,,,وجاء باس على راسي
وقال لي,,قومي ياحبيبتي انا اوصلك لها
وهذا هو ينتظرني لين انزل له
يقول اول شي لمن سمعت كلامها,,,,,,جت صورة ابوي قدامي
وانه ممكن فيوم من الأيام يكون مكان هالشايب
وماحسيت بنفسي الا انا اصفعها كف على وجهها,,,,واتفل عليها
وقلت لها ياللي ماتخافين الله ولمن بغيتي تجين
تخلين ابوكِ اللي يوصلك
انقلعي من قدامي,,,,ولاعاد تتصلين علي
يقول تخيلت انو ممكن وبكل بساطه وحده من خواتي
تخلينا انا او ابوي او واحد من اخواني نوصلها لمثل هالمشوار
وحنا ياغافل لك الله
بعدها رجع الشاب لبيت اهله وجمع امه وابوه وخواته
وحكى لهم حكايته مع البنت,,,واعلن توبته
ومن يومها وهو محافظ على صلاته,,,ويأذن بمسجد
وسلامتكم,,,قصه حبيت تشاركوني فيها
دمعه وحزن @dmaah_ohzn
محررة ماسية
يلزم عليك تسجيل الدخول أولًا لكتابة تعليق.
^مهلبيه^
•
والله كسر خاطري ابوها ياحياتي ..
الله يهديها ويهدي جميع بنات المسلمين ..
جزاك الله خير ..
الله يهديها ويهدي جميع بنات المسلمين ..
جزاك الله خير ..
الصفحة الأخيرة
جزاك الله الخير
وبارك الله بك وحفظك ورعاكِ
أسأل الله لك سعادة لاتنقطع