طفلتي والكلام الكثير الله يهدي عيال الي ترد عليه

السلام عليكم ورحمة الله وبركاته


راح اقولكم الحكاية من الاول انا متزوجة من 8 شهور واخذت زوجي وهو مطلق وعنده بنت عمرها 9 سنين اول ماشفتها حبيتها عشانها مره حنونه وعاطفية وقلت لنفسي ماابغى اكون مرت ابو زي المسلسلات والافلام الي توصف مرة الابو الشريرة وانا بطبعي طيبة والله يعلم وغير عن كذا اخذته وانا عارفه انو البنت راح تعيش عندي وهذا كلامه من اول ايام الملكة وانا وافقة بذات اني احب الاطفال بشكل مو طبيعي واتزوجنا ومن ثاني شهر جات البنت

وبدات المعانه كان ايام مدارس ونوم البنت ثقبل وانا مالي خبره اتعب لما اصحيها وتقوم منكدة من النوم وطول ماامشطلها شعرها وهي تصرخ بشووووووووووووووووووووووووووووووووووويش قطعتيلي شعري وانا والله اني امشط بشويش وابدا من تحت لفوق ولما ترجع ابدا المذاكرة وشوفه المعانه الين ماتنام الين الساعة 8

كانت تخرج المدرسة من هنا وانا اقعد ابكي من هنا ولما ترجع تسوي اشياء غريبة تطيح نفسها في الحمام ،لمن امسك يدها تقول لا تضربيني ،ترد على كل كلمه اقولها كانها حرمه كبيرة ،تحرجني قدام اهل ابوها ،لما اخرج عند اهلي لازم اخذها وتلصق فيني طول الوقت لدرجة امي تقولي ياصبرك لانها تقطعني وبس تتكلم .


يوم الخميس العشاء تروح عندامها (متزوجة وعندها ولد عمره شهرين)وترجع الجمعة المغرب ،ترجع وجعانه يا كحه يا

الم في بطنها.غير عن كذا امها لما كانت ولادة قالتلها انا مسافرة عشان لاتروحها وماادري ايش هو السبب وقعدت

البنت بس تبكي تقولي انا ابغى اشوف ماما وانا اقولها هي تقول مسافرة كيف تروحيلها بس على فكرة هي ماكانت

مسافرةوقعدت البنت اكثر من 15 يوم ماشافت امها والنكد حطته فيه ونسيت اقولكم اني انا حامل الحين وفي

الشهر السابع .

طبعا انا مع الوقت بدات اعرف اتعامل معاها وعرفت اوقف منها اكثر الحركات زي البكى وقت الحمام والتمشيط وغيرها من الافلام بس الحاجة الي متعبتني


انه كلامه كثير ماشاء الله عليها من وقت ماتصحى الين ماتنام ولما يجي عندي احد تقعد معاه وتتكلم الين مايطفشو.

وانا هذي الفترة احس اني نفسيتي تعبانه ومااقدر اجاريها في شي وصرت عصبيه معاها رغم اني اول كنت بس احضنها وابوسها والعب معاها بس الحين من جد تعبت

ابغى حل الي عندها تقولي ولي ماعندها تدعي ربي يسخرني لها ويسخرها لي ويوسع صدري لاني ابغى اكون ام مو مرت ابو