ابي اعاقب ولدي اقترحوا علي عااااااااجل

هلا بنات
<<<<<<<مطيحة الميانة

ولدي طال عمركم 8 سنوات
صار كانه مرااااااااااااهق
اي شي اقول له كاني احكي على جدار

اقول له روح جيب ملابسك وشوزك
يروح يدور بالصالة ويرجع اقوله وينهم يقول وشو نسيت وهو قلبه مع التلفزيون والا اللعب

يعني اي شي مايهمه ولا يبيه وفيه تعب مايركز يسفهني

وكل ماهاوشتة يقول مااتعودها وماتمر نص ساعه الا يرجع

بانفجر منه
معلمته الصح من الغلط بكل شي
ولما يسوي شي صح اكافئة
وبرضة ولا عندك احد

ندخل على اهلي او اي احد من اهله اللي يمون عليهم اسلم وانا معودته جده وجدته يبوس راسهم ويدهم مثلي
القاه رمى نفسه على الكنبة يشغل التلفزيون ولا سلم
ودي اذبحه وقتها

ماكان كذا كان يخاف ويسمع الكلام مرررة
بس الحين عنيييييييييييييييييد

كله كوم والحين صاير يسحب رجووووووووووووله ياربي بااااااااااااااصق فاهي

اتخيلوا اقومه للمدرسة من 5 وربع الفجر عشان مايتاخر ويقعد ياكل بالصامولي الصغير ربع ساعه بخبزة وحدة لا ولا يمديه يشرب الحليب من التاخير

ولما يلبس يتسحب ويهوجس لين امل والبسه بنفسي اقعد اهاوشة اللي بعمرك يلبسون بنفسهم ويضبطون اعمارهم
واذا تركته يلبس نفسه لو فيه وقت القاه حايس الدنيا الداخلية طالعه والقميص مااتسكر بترتيب والبنطلون ماانلبس صح
اااااااااااااااااه بانفجر منه
ولو بنطلع واجهز ملابسة اقول له غسل وجهك والبس
واروح البس نفسي واتعدل والبس بنتي وازين شنطتها وارتب غرفتي والبس عبايتي
واروح اقول له يالله
القاه توه بيفصخ التي شيرت حق البيجاما
اخر مره سواها قلت له اقعد مافي روحه وطلعت وتركته
ولما رجعت قال اشوة مارحت معكم جو عيال عمي ولعبت معهم:(
يعصبببببببببببببببببببب

والحين كل مانهيتة من شي يقول طيب ويسوية
دولابة ارتبه اليوم العصر
اجي الليل القى ملابسة بالارض وملابس وسخه فاصخها وحاطها جواته:06:
عاقبته اني مااكلمة ومانفع
عاقبته اذا خرب شي وكسرة استهتار مثل الريموت يرميه بالارض يقول العب اخذ من فلوسة مانفع
احرمة من طلعه يبيها مانفع

اخرها امس الشغاله جايتني تقول لي عبودي مولع مناديل واوراق بالمطبخ وشبت اطراف الموكيت وربي ستر شمت الريحة والا كان علوم

وناديتة افهمه بشويش اني معلمته ان هالشي غلط وممكن نموت بسببه
وعشانه فاهم قلت له باعاقبك ماينفع الاسف

وش اسوي معاه؟؟؟؟؟؟؟؟؟؟؟
احس يوم بيجي من كثر مااعصب منه باجلده لين يعض الارض
<<<<<<<<<<<<ام العبيد وصلت

عطوني عقاب يخليه يفكر 100 مرة قبل مايغلط