والله لو تعرف كل أم كم هو مفيد حليبها ..... وكم هو مريح .... ما يشعر الولد بأي غازات ولا امساك ولا اسهال ولا تخمة .......... كانت مسكت الحليب الصناعي وحرقته بالنار .......... الله يهدي الجميع ..... أخواتي الحليب اللي بصدرك انتي مو حرة فيه الله وضعة في صدرك أمانه لولدك فلا تتجرئي وتحرميه منه لأنك ما لك هذا الحق ولا بأي حال من الأحوال ...... آسفة بس والله رفعتولي ضغطي ...... بس كافينا جهل وأنانية.
أم خالد

يااختي حليبك طبعا هو الافضل..طيب حاولي انك اذا رحتي للكية تكونين مستخدمة الآلة اللي تشفط الحليب وتحطينه في زجاجات بالثلاجة ويرضع الطفل منه..
لكن اذا خلاص مافيه عندك حل بغيابك غير الصناعي ..جربي تحطين في الحليب سكر نبات ..لانه يهديه وبنفس الوقت يحسن من طعم الحليب في فمه لان عيالي الاثنين استخدم معهم هالطريقة وماشاء الله تبارك الله يشربونة بعد ماكانوا يرفضون الحليب...
فعليكم يابنات بالسكرالنبات مع الحليب .. انتو جربوا تذوقون هالحليب اللي نصبه ببطونهم المساكين وذوقوا الحليب الطبيعي من الصدر وتشوفون الفرق بالطعم .. سبحان الله حليب الام حااااالي كأن فيه سكر بعكس الصناعي..
عشان كذا لا تهملون تحلية الحيب للطفل يعني حطوا على الاقل حبتين سكر بالرضاعة مع الحيب وشوفوا الفرق.. ان شاء الله تدعون لي..:26:

مرحبا اختي ام وهج

حبيت اشارك في الموضوع واقف بجانب النونو طفلج الجميل الله يخلي لج اياه.....طبعا انا ارفض رفض تام انج تعطينه حليب صناعي.....الا اذا كمساعده الى جانب الحليب الطبيعي...طبعا انتي ماذكرتي كم عمر ولدج.........الا اني بقولج طريقتي في التعامل مع مواقف خروجي من المنزل.......انا اعمل في حقل الاعلام ....سكرتيرة تحرير مجله الى جانب انني ادير قسم الاعلام في جهة عملي اي ارتباطاتي الخارجيه كثيره بحكم الوظيفه.......مع ذلك احاول قدر المستطاع ان اوفر لابنتي الرضعات الي تحتاجها طبعا بتسالين كيف؟؟؟
بنتي عمرها ثلاث شهور الحين ماشالله عليها اشتريت لها شفاطه كهلابائيه للحليب والشفاطه ممكن تلقينها بالصيدليات او تلقينها في محل الاطفال ومذكر كير...المهم قيمة الشفاطات الكهربائية مو كبيره يمكن بالدينار الكويتي 25 دينار كويتي بس...في ماركات انا عندي ثنتين وحده انا شريتها ووحده يابتها لي صديقتي كهديه....الي انا شريتها ماركتها ميدلا والي يابتها صديقتي ماركتها بيجون.....وبيجون ماركه جيده في جميع المنتجات للاطفال على فكره.....المهم انا اشفط لها حليب واحطه في الثلاجه.وترا مايتلف اذا كان في الثلاجه التحتيه يعني مو الفريزر مده 24 ساعه.......واذا كان في الفريزر فمدة صلاحيته ثلاثة اشهر.......كيف تخزنينه؟؟؟اذا عندج رضاعات صغيره الي حجمها 60 ملي تشفطين وتحطينه فيها وتكتبين على الرضاعه تاريخ الحليب على ستيكر طبعا عشان تعرفين متى شفطيه.....وتعيرين الثلاث اشهر.....وممكن تبتدين من الحين اتخزنين كلما تحسين ان عندج حليب والفتره الاولى ماشالله يكون عند الام حيب فائض شوي.....وكلما شفطي زاد در الحليب عندج....وتخزنينه لها.....يعني لين بعد شهر ونص اذا شفطتي لها رضعتين في اليوم.......بيكون عندج معدل شهر ونص فائض.....مايعادل ستين رضعه .بتقولين اشتري 40 رضاعه صغيره ؟؟؟بقولج انا لقيت حل ثاني انا حاليا اخزن فرضاعات فحال تاخري في العمل يكون احتياطيها موجود الى جانب شي اخر اشربها اياه بقولج عنه بعد شوي.........الحين خلينا في الحليب.........

اكو اكياس لتخزين مكعبات الثلج نايلون....اشتري اصغر حجم الي فيه 12 مكعب.........ابتدي عيري حجم المكعبات يعني مثلا الاكياس الي عندي فيها تقريبا 12 فتحه للمكعبات كل اربع مكعبات 60 مللي هذي رضعه بنتي....احط الحليب بكيس واحد رضعتين.......خصصي فريزر صغير خاص للحليب لاتخلطينه مع الاكل عشان ماينفتح الا عشان حليب بنتج هذي نصيحتي انتي ممكن تحطينه بالفريزر بس خشيه داخل بحيث مايتاثر بفتح وغلق الثلاجه ..........وقت الرضعه خلي المربيه او الي ماسك طفلتج يطلع الكيس ياخذ منه الارع مكعبات مثلا يحطها بالرضاعه ويحطها بماي دافي لين تفك ويشربها نونوتج..........ممكن انتي من خلال اوقات الرضاعه اتعرفين متى وقت رضاعته يعني كل كم ساعه يحتاج يرضعكل ساعتيناو كل ساعه ونص او كل ثلاث ساعات الاطفال يختلفون مو كلهم واحد........الحليب ممكن يثتم برا الثلاجه 45 دقيقه ومايتلف فممكن ياخذ الرضاعه فخلال هالفتره ..انا الصبح ارضع بنتي واعطيها اشياء ممكن تساعدها مثلا المريسه وماعرف انتو شتسمونها اسالي يدتج او امج ممكن تعرفها وهي عباره عن ماء دافي اهرس لها فيه تمره واعطيها اياه على فكره التمر يريحها ويخليها تنام فتره اطول.....لانه فيه ماده مخمله وطبعا ممكن اكو احد يعترض والدكاتره يقولون لا ومدري شنو انا اقولج الرسول عليه السلام يعني في السنه بما معناه ان الطفل اول ماينولد بعد مايقرون فاذنه يلحسونه تمر........وهو توه مولود فهل تعتقدين لمن يكبر شوي ممكن يضره؟؟؟مااعتقد المهم وبدال شاي ميلوبا عمتي ام زوجي سوت لي مثيبه وسنوت يعني باللغه الفصحه يانسون وكراويه وشويه كمون مقدار الكمون ربع مقدار الكراويه والينسون.غسلتهم عدل خلتهم ينشفون وبعدين حمصتهم وحطتهم لي فمرطبان اسويلها رضعه بدال شاي الاطفال وهي افيد للطفل.......تريح بطنه وتشبعه وتطرد الغازات منه بعد اعطيها اياه وقت العصر........
نصيحتي لاتحرمين ولدج من حليبج ولا تحرمين نفسج من الوقايه الي تسببها لج الرضاعه الطبيعيه .وانتي مابتمين طول اليوم برا البيت لازم ترجعين احساس الطفل بصدر امه يحميه من امراض نفسيه كثيره ويؤثر في تكوينه النفسي والاجتماعي وفي المستقبل يتدخل في تشكيل نوعية العلاقه بين الام وطفلها.........ويعطيه الي يحتاجه من الحنان والاحساس بلامان
على فكره ممكن تشترين شفاطه يدويه صغيره تحطينها فشنطتج عشان تشفطين بين كل ساعتين شوي في الكليه عشان صدرج ما ييبس عليج ويالمج وعشان يستمر ادرار الحليب عندج........هذي نصيحتي لج وانتي حره

تحياتي

الله يجزاكم خير
وشكرا على النصائح الطيبة
والله يوفق الجميع
انا قرأت جميع الردود فيها توجيه جيد
والحمد لله ولدي بداء يرضع من الرضاعة من كم يوم
والحليب اللي يشربه صناعي مره في اليوم
ومن صدري في الرضاعة مرتين

وطبيعي كل شوي


بس المشكله أن الحليب مش كثير عندي
شنو ممكن يكثرة وشاكره لكم :26: