أحس اني ساكنهـ بيت مو بيتي
بكل ليله انام فيها احلم اني صحيت انا وزوجي وبناتي واحنا مرميين برا الشقة
حشى والله ماهيب حاله انا ادفع الايجار وهو عايش متنعم في بيتي !!!
لو بس يناصفني بالإيجار كان قلت ماهي مشكلة ^_^
استحلال عيني عينك ..!!
وصلت فيه الوقاحه ينامـ على سريري !!!!!!
وش ينام ؟؟ الا يتغدى ويتعشى ويتمشى بعد على سريري
كلما فتحت شنطه لقيته فيها .. كلما فرشت سجادتي لقيته فيها .. كلما حطيت كاس موية جنبي بالليل لقيته فيه
اقسم بالله قلق مو صاحي
احس محبطني ومعيشني اكتئاب
ياناس حتى صرت مااتحمس انظف غرفتي ولا ارتبها
لإنه يجلطني لما اشوفه تحت المرتبة وعلى اطراف السرير وبالمخده وعلى التسريحه وعند الباب
تدرون انه حتى بالحمام لقيته !
لعنبو ابليسه لو كان منتشر بالمطبخ .. قلت يابنت الحلال مشي واهمالك وتستاهلين
لكن عاد وش دخله بالغرفه ؟؟؟؟؟؟؟
مو كافيني انا بناتي مشاركاتني ومحددات لي وضعي بالغرفه .. بعد يجي هو
بحثت عن حلول .. وعن مشاكل مشابهه لقيت الاغلبيه منتشر عندهم هذا العدو والعدو الاخر بالمطبخ
ويكون السبب اما كيس رز او جريش او شيء من هالقبيل
لكن نفس حالي بكل مكان .. مالقيت لا مشكلة مشابهه ولا حتى حل
ابحكيكم قصتي .. واحكموا : (
منذو زمن ليس بالبعيد .. انتقلت من بيت اهلي الى عش الزوجية
وشاء الله ان يكون قفصي الذهبي في عاصمة المملكه الرياض:32:
بداية زواجنا كنا نبحث عن شقه .. ولإننا اتفقنا انا وزوجي المصون على ان تكون الشقه بعيده عن البلد وزحمته .. وفي حي يعتبر نظيف وجديد نوعاً ما .. تركز نطاق بحثنا على الاحياء الجديده
والحمد لله ماطال بحثنا .. لقينا شقه مرتبة وحليوه .. مبنية من سنه و6 شهور .. يعني تعتبر جديده وتسليكها ماشاء الله نظيف وجديد < وهذا اكثر شيء كان يهمني
جيراننا اصحاب العماره ناس نظيفين ومهتمين .. وهالشيء خلاني اتحمس اكثر واكثر للسكن
الحمد لله .. ماعدت 10 ايام من لقينا الشقه الا واحنا مجددين البوية ومغسلينها ومأثثينها بالاساسيات
الوضع لحد الحين اوكي
سكنت بيتي الجديد .. ..وطبعا كنت اسوي سواة اهلي بالترتيب
يعني .. بالمدينة عادي تظل القهوه والبهارات والطحين والرز بأدراج المطبخ ..
لكن هنا ..
القهوه والبهارات ان طولت برا تغير
الطحين بسرعه سوس .. وانتشر سوسه بنفس نطاق الدرج
المهم .. مع احتكاكي بناس من اهل المنطقه عرفت منهم ان كل شيء لازم يكون بمكان جاف وبارد
يعني اشتري فريزر اضافي كانك تبين تقضين بالجمله
السوس اللي خرج من الطحين .. تداركت وضعه .. وقمت نظفت الادراج كلها حقت المطبخ من الداخل والخارج .. وعقمتها .. وانتهى والحمد لله
مرت الايام وانا ماشاء الله علي محافظه على نظاافة بيتي وريحته دايما عال العال
..
بس المهم بعد فتررررررررررره
لاحظت انتشار السوس بشكل رهيييييييب
بداية الامر عزيت السبب لأكلنا بالغرفه .. وانه يجي على ريحة الاكل
لكن زارتني صديقتي مره وجلسنا انا وياها بالصاله الا ونحصل كم وحده رازه نفسها كاانها تستقبل صديقتي
عاد انا قلت ما للأكل سبب .. هذا ابتلاء !!
واغلب الظن ان البيت يامحسود يامعيون .. فصرت اشغل سورة البقره واقرأ انا واردد الاذكار بصوت عالي خف الوضع فتره بالمجلس وغرفة النوم ..
والله اني اتبع خط سيره فجأه كذا يختفي
جربت المبيدات الحشرية .. نفعت معي بالنمل الاحمر والاسود السريع .. لكن السوس هذاااااك مالقيت له حل
اصلا هو اللي مأزمني :(
وحتى ماتقطعه نهائي .. بس هه هه تخففه شوي
تقريباً تأقلمت مع وضع السوس ومع الحساسية اللي كان احيانا يسببها لي .. فقررت اني مااحاربه واعقد هدنه .. فبمجرد ماقررت .. اختفى من انحاء البيت الا غرفة نومي
يوميا غير انفض السرير من الى .. انسي انك تحطي علكه ولا حتى بسكوت او حتى قارورة موية جنبك
لانه داخلها داخلها .. حتى لو ايش ماسويتي
صار الوضع عادي عندي .. تقدرون تقولون تبلدت
جن جنوني .. وثقلت انا < لاني وصلت الثامن بحملي وانا من سكنت تقريبا كل يووم حرب ومحارب بهالبيت
وكلما اشتكيت لاحد قالي ارقي بيتك وهاذي حشرات بكل مكان ماراح تلاقي بيت نظيف مية مية :(
طبعاً انا قلت لكم .. اني خلاص تأدبت بداية زواجي وصرت اركز بسالفة حفظ المواد
بطلت احارب السوس تأقلمت مع وضعه .. وهجد الوضع بالبيت
ورجعت اهتم بسالفة البخور اليومي .. والمسح اليومي < يقالي ابعود الرجال على النظافه عشان يفقدني لارحت اولد عند اهلي
المهم
مسترررر سووس انتشرررر
بكل مكان بالبيت :06:
شلوون وليش وكييف ؟؟؟
مدري وربي
المطبخ ماالقاه فيه كثير ... بس متركز بغرف معينه من البيت
وهو نفسه سوس الارز والشعير والجريش !!
انا هنا سلمت امري ... وتركت بيتي ورحت لاهلي من نص التاسع على اساس الولاده
عدى الوقت عادي ولدت وجبت جودي والحمد لله .. وكلما كلمت زوجي اساله كيف البيت
يقولي مستقر
كيف السوس .. يقولي مافيه سوس .. ياابن الحلال وين راح اللي على السرير
يقول والله انفضه مااشوف شيء
خلصت اربعيني .. ورجعت لبيتي والحمد لله بس هالمره مع رضيع تخافين عليه من كل شيء
المهم ..
لقيت البيت صح مكنس ومغسل السيراميك بس مغبره الادوات كلها
وقلت لا والله ماانام في بيت كذا .. ويدي بيد زوجي نفضنا البيت من الى ومسحنا .. وفرشنا فرش السرير اللي هو جايبه جديد
الغرفه صارت عال العال
حطيت الرضاعات والموية والكونتينر حق الحليب بجنبي وفرشت سرير جودي ونومتها وطلعنا انا وزوجي نتعشى بالصاله
رجعنا ونمنا بالغرفه والوضع اوكي
الفجر صحيت ابسوي لجودي رضاعه وشد انتباهي شيء غريب على الطاوله اللي جنبي
فتحت النور ولقيت شيء بحياتي ماشفت زيه
وشو سرب .. الا اسررررررراب من السوس الصغير مغطية ترمس الموية وداخلته من جوا .. وداخله بالرضاعه .. كيف دخلت وانا مغطيتها !!!!!!!!!!!!!!!!
صحيت زوجي .. وشهق يوم شاف المنظر
وانا والله مشيكه على الغرفه .. مالقيت شيء قبل !!
قمنا من على السرير ورفعنا المخدات .. ولا هذا سرب ثاني من السوس مسوي حفله
شكله يحتفل بعودتي
وشلوون جاء وليش ووين كان قبل .. ماااااااااادري الى يومكم هذا
الله لايوريكم ذاك اليوم وش سويت .. ماكأني راجعه من نفاس ولازم اتدلع .. انكرفت كررف بالبيت اول ماجيت .. ونمت كم ساعه وكملت كررف :(
صار الوضع عادي عندي .. احط الرضاعات بالمطبخ ولاصحت بنتي غير اطق مشوار للمطبخ واصحصح
انا لما كتبت موضوعي هذا باغية منكم حلول :
- السوس .. شلون على الاقل ابعده عن سريري .. لانه مسبب لي ازمه منظره على السرير وتحت المخده .. حتى والله اضطريت اخذ مفارش السرير الخفيفه كله على حساب التنفيض اليومي < ودعنا الكشخه والدلع على حس هالحشرات
ابغى حلوووول تكفون .... اخاف على اذن بناتي منه .. كل مابكت وحده بالليل اتوقع انه داخل اذنهن ولا قارصهتهن
ازمه وربي
الله لايحررم الي تساااعدني الاجر