اختي وطليقها وابوي

السلام عليكم
تو نسولف انا واختي في موضوع واختي حيل متضايقه وقلت ادخلي على عالم حواء قسم الاسريه وقرأي الردود والنصائح من الأخوات
...
بقول حياة اختي من البدايه الى النهاية بختصار شديد لأن والله مافي حالي اكتب كثير لاني مصدعه شوي
...
اختي عاشت مع زوجها ممكن عشر سنوات وتطلقت مشكلة اختي عصبيه وماتمسك اعصابها على قولتهم تناطح الصياح بالصياح هذا اعتراف منها وندمانه عليه يعني بعض مشاكل زوجها بذاك الوقت ماتحب تسكت وعلى طول تنفجر بالاخير انفصلو .. وطليق اختي طبعا ترك الأولاد مع اختي ويجي يشوفهم ويعطيهم مصروفهم ويجلس معهم شوي ويمشي
.....
طليق اختي تزوج من سنتين وعايش حياته
مشكلتنا انو ابوي وامي منفصلين من زمان وعايشين مع زوجة ابوي واخواني . والبيت ضيق وانواع المضايقات والضرب لعيال اختي واختي بس تبكي على الي يصيرلها هي وعيالها
طبعا مافيه امل انها ترجع له لانه طلقها وحاول يرجعها بعدين لاكن ماقدر لانه طلقها ثلاث طلقات وبينهم وقت وبمواقع متفرقه
...
قبل البارح ارسلت رساله لطليقها ووضحتله الي يصير لبناته وولده قال خلاص اذا تبغيني اخذهم عندي قالت لا ماصبر ولا استغني عنهم قال بستاجرلكم عند بيت اهلك وانا اتحمل كل شي واذا فيه ارض قريبه من اهلك اشتريها لكم وابنيها طبعا هو حالته الماديه ممتازة
وابوي رفض انه يستاجرلهم ولا يطلعون برا البيت
كله من زوجته تحكم في ابوي زي ماتبي
وابوي مايصرف ولا يدفع ولا شي ومابيعطي اختي لو ريال وطليقها يصرفها ويصرفهم ويجيب اغراضهم كلها ويحول عليها فلوس ومع هذا كله مايبغوها تطلع ومحشوره هي وعيالها وانا بغرفه وزوجة ابوي احيانا تقفل المطبخ عنا والشقه الي ناوي يستاجرها ممكن عشرين متر عنا يعني قريبه مره
..
بقولكم انا ايش نصحتها ونصيحتي في مكانها ام لا انا قلت تتصل بعمي الكبير لان ابوي يحترمه ويسمع كلامه لانه اخوه الكبير وتعلمه بالمضايقات وان ابو عيالها جالهم بيستأجرلهم او يبني لهم ورفض ابوي وعمي مابيقصر ان شاءالله معها وهي خايفه تقول لعمي وان الامر ينعكس عليها من ابوي