أسرار الحلاوة

بسم الله الرحمن الرحيم والصلاة والسلام على أشرف المرسلين


أخواتي الأعزاء
أنا عضوة جديدة في المنتدى ويارب يجعل كلامنا خفيف عليكو :21:
في الفترة الأخيرة قبل زواجي اتعلمت من إحدى قريباتي بعض أسرار الحلاوة وهي :
قبل الحلاوة اعملي مزيج من المية والسكر وادهني به كل المناطق إللي حتشيلي منها الشعر بالحلاوة
وانتظري شوية تقريبا 10 - 15 دقيقة لما يبدأ ينشف شوية وبعدين ابدأي بالحلاوة.. وعلى فكرة كل ما كان حجم قطعة الحلاوة صغير كل ما كانت أسهل وأسرع.. وكل ما كانت لينة شالت أسرع كمان فممكن تضيفي نقط مية عليها لتلين .. ومتخافيش مش حتلزق على الجسم بسبب محلول المية والسكر

بعد كده طبعا كلنا عارفين إزاي نشيل بالحلاوة.. بعد الانتهاء منها.. إذا كان جلدك حساس وبيطلع فيه حبوب بعد الحلاوة ممكن تجربة الخلطة دي إللي بتمنع تهيج الجلد:

مية + كاستر (الأصفر المستخدم في الحلويات)
تدهني بيه المكان المزال منه الشعر وتسيبيه 10 دقايق لحد ما ينشف وتغسليه بالمية

أنا بعمل كده دايما دلوقتي بعد ما كنت أصلا مبعرفش أستعمل الحلاوة لأنها بتلزق بشكل فظيــع

وعلى فكرة ممكن إضافة الليمون لمحلول المية والسكر

ويا رب أكون أفادتكم :27: