تبين مؤخرة بارزة ؟؟ تعالي اقولج شلون (تجربة شخصية)/ قديم

السلام عليكم حبوبات
كل وحدة منا تتمنى تكون عندها مؤخرة بارزة خاصة الضعيفة اللي عندها خصر حلو بس المؤخرة ممسوحة (مثلي سابقا)
ومثل ما احنا عارفين انها تحلي اللبس وتعطيج ثقة بنفسج وتحسين انج بنت وانثى صج
ادري مليتو من المقدمة بس نجي الحين للسر ..
انا قبل كان ماعندي مؤخرة تماما يعني ظهري ومؤخرتي بنفس المستوى :P
مرة وانا اتصفح المنتدى وهالقسم بالذات قريت من عضوة ان البطاطس يبرز هالمنطقة بس ماحطيت هالمعلومة ببالي ونسيتها
بس مع الايام ابتدت تكبر من غير ما احس حتى الجينزات صارت ضيقة علي
انا استغربت من نفسي .. قلت شسالفة ؟؟؟
حتى بنت خالي تسألني شسويتي عشان تتغير عندج هالمنطقة ؟؟ قلت لها والله ما ادري بروحها صارت جذي .. هي فكرت اني ما ابي اقول لها حلفت لها اني ما ادري بشي
سألتني شنو تاكلين قلت لها اني اكل عادي مثل قبل بس بعدين تذكرت اني ادمنت على شي معين من فترة ويمكن هو اللي خلا هالمنطقة تكبر عندي .. سألتني شنو هالشي ؟؟؟؟
قلت لها (بطاطس + مايونيز)
بس مو فرنج فرايس .. لا
وقلت لها الطريقة
تاخذين البطاطس وتخلينه عالنار لييييييين ينضج عالاخر وتكورينه وبعدين تقلينه وبعدين تاكلينه مع المايونير
المهم قلت حق بنت خالتي ان هالشي بالذات هو اللي اكله كل يوم قالت بتجرب وفعلا جربت وتقول حست بتغير خلال 3 ايام !!!!
قلت لها شدعوة بـ 3 ايام حسيتي بتغيير ؟؟؟؟ قعدت تحلف لي انها تحس ان الكلوت صار ضيق عليها
حتى صديقتي قبل اسبوع قالت لي انها كانت تفكر ان جسمي مسطح بس لما شافتني اخر مرة غيرت رايها
بس للامانة انا ماحسيت ان هالمنطقة كبرت الا بعد فترة يمكن شهر او اكثر لاني بصراحة مو دقيقة ملاحظة
وحبيت انقل لكم تجربتي و**** الله تفيدكم لان ادري ان بنات وايد متعقدين من جسمهم خاصة المؤخرة
قديسة القمر