مشكلتي مع زوجي... اريد حلاً

السلام عليكم ..

كيفكم بنات ؟

عندي مشكله وقلت مالي الا خواااتي بنات حواء ..

انا متزوجه واحب زوجي واايد واحب اهل زوجي بعد واحاول ما اقصر من ناحيتهم عشان اكبر في عيوني زوجي .. المشكله صارت من 3 اسابيع .. ام زوجي مرضت مرض الخبيث ((ادعوا لها بالشفاء العاجل والله انها حرمه طيبه واعتبرها مثل امي ))
فا صارت نفسية البيت كله تعبانه واكيد انا منهم..صار السفر للعلاج في الخارج..خوات زوجي وابوه وامه .. وتاكد وجود هذا المرض ((الله يجير كل من يقرا رسالتي وكل الناس ))
زوجي متعلق في امه كثير كثير كثير ((تقدرون تقولون انه ولد امه)) لكن يأخذ براي ويسويلي اعتبار يعني يمشي معانا ويساوي في المعامله..بعد ما تقرر لام زوجي باجراء العمليه وفي مكان خطر جدا , قرر زوجي السفر حتى يكون قريب من امه ويطمن عليها..كانوا خواته يعتمدون عليه في مسالة الاكل والطلعه بحكم انها دوله اجنبيه وما يعرفون الاماكن .. راح 9 ايام ورجع ..في هذي الايام زوجي غلط غلطه هي موش كبيره لو جيت اقارنه بيباقي الرجال بالعكس تعتبر هفوه بالنسبه للغير ولله الحمد .. ولكن ما تعودت من زوجي يغلط لو شو ما كانت الظروف .. بس كان يتحجج بالنفسيه تعبانه وخاصه امه تعبت كثير بعد العمليه ..فلما رجع وعدني وعد ما يكررها وما راح يسافر من دوني لو شو ما كانت الظروف ..

الحين امه تعبانه وراح يعطونها كيماوي للعلاج لمدة شهرين .. زوجي كان شايل فكرة السفر مره ثانيه لكن قالي انه خواته يبغونه يروح لهم لانهم محتاجينه كثير رغم انه ابوهم هناك ويعرف المنطقه زين ما زين يعني ما عليهم قصور..زوجي خبرني وقالي انا برتب الموضوع من كل النواحي ولا تخافين و و و .. من يومين اصرعلى السفر وبروحه ((طبعا ما اقدر اسافر معاه لانه وحده من خواته امخليه عيالها عندي وعندهم مدارس)) وما يبغيني اتكلم في الموضوع ويعصب اذا بفتحه ويبغي يسافر شهر كامل بحجة خواته محتاجينه كثير لانهم في الغربه.. كنت انبش في تيلفونه ولقيت مسجات من خواته يضغطون عليه انه يسافر لهم .. طبعا اكيد هو سمع لكلامهم من دون ما يشوف انه انا وعياله محتاجينله اكثر ونعتبر في الغربه من دونه .. انه انا في منطقة اهل زوجي مش في منطقة اهلي وما عندي حد اهني ولا اعرف حد اهني الا اهله وحتى الاماكن توني بديت اعرف كم مكان بس واعرفهم اذا تقربت منهم ما ادل الطريق.. لما سافر اول مره تعبت شغالتي وديتها المستشفى بتاكسي وقفت في الشارع ملطوعه اتريا التاكسي ..وبعد لو وداني مكان ثااني ما بعرف الطريق.. وثااني شي عندي بنت رضيعه هو بصراحه اخذ لنا الاغراض قبل السفر لكن بعد نقص علينا فا انجبر يقول لصاحبه عشان يشتري لنا ..

الحين انا اشوف انا محتاجتنه اكثر من خواته لا سمح الله مستشفى او اغراض ضروريه من حليب لاكل وخاصه عندي عيال اخته .. وهم واهمينه انهم محتاجينه رغم اني قسم بالله اتصلت في اخته اليوم اسالها عن امهم قالت لي انها في السنتر تتشرى اغراض يعني تعرف الاماكن وما عليها قصورروابوهم معاهم وهو يعرف هذا الشي.. بس ليش يضغطون عليه ؟؟؟؟ وليش يبونه عندهم ؟؟؟؟ وخواته يعرفون اني محتاجتنه اكثر منهم لانه ما عندي رجل في البيت

هو معه حق يروح يشوف امه ما عندي مشكله بس يروح اسبوع يطمن عليها ويرجع

بعد خايفه يروح يغلط نفس الغلطه ويمكن تكون هذي المره اكبر لانه بيطول .. رغم انه وعدني ..
شو رايكم خوواتي ... وكيف افتح معه الموضوع رغم انه مغلس ما يعطيني فرصه اتكلم ..وهل معي حق ..؟؟ او خواته على حق ؟؟

كيف اقنعه انه يسافر اسبوع بس؟؟

والله اني ادعي ليل مع نهار الله يهديه ويفكر صح وما تطلع له الفيزا عشان ما يسافر..

اسفه طولت عليكم ولكن قلبي اللي كان يتكلم

ردوا علي قبل ما يسافر :(