الخبيرات بالغسالات الاوتوماتيك ....ابي الفزعة!!!

يا قلبي انا عندي جينيرال الكتريك غسالة اتوماتيك لكن ما تنشف ...انا شاريه نشافه نفس الماركه

ماخذتها من السويلم اللي بطريق العليا وصار لها تقريبا 6 سنوات وماشاء الله تكرف كرف والحمد لله ماخربت لكن يوم انا ما عرفت اشغلها اتاري اللي حق الموية مفصول وجوني الصيانة وعلموني عن السبب

وانا شفت موديل تجيك الغسالة تحت والنشافة فوق كلها قطعة واحده

ان شاء الله اكون فدتك
وتحياتي

من سنتين تقريبا نزلت السوق ادور على نفس طلبك..ما لقيت الا نوع واحد
بهالمواصفات..غسالة مارجريتا 2000 من اريستون وهي مريحة فعلا
بذكر مميزاتها وعيوبها حتى تكون عندك فكرة واضحة

مميزاتها
1- تنشيف 100%
2- دورات متنوعة..فيه دورة مع منعم ملابس ..ودورة بدون منعم ..ودورة للملابس الناعمة اللي
تخافين انها تخرب(هاذي من غير تنشيف) ودورتين ثانية ما استخدمتهم
3- ممكن تنقع الملابس قبل الغسل
4- امكانية التوقيت ..تحطين الملابس وتوقتينها وهي في الوقت المحدد تشتغل
5- الاختيار بين تنشيف كامل(للدولاب على طول)وهاذي تنفع للملابس الداخلية وملابس البيت
او تنشيف مع قليل جدا من الرطوبة حتى يسهل كويها
6-التحكم في سرعة الدورات ..لفات اضافية للملابس المتبقعة
7- توصيل التعبئه سلك واحد وهي فيها مسخن لتسخين الماء (شبكته مع حوض غسيل المطبخ)
8- التصريف سلك واحد وايضا شبكته مع حوض الغسيل
9- كتالوجها عربي


العيوب
1- صغيرة الحجم ..5كيلوا فقط..ولازم تلتزمين بهالكمية القليلة..هي ممكن تشيل اكثر
بس ماراح تنشف الملابس زين وتطلع مجعلكة صعبة الكوي
(يعني بعدد خمس او ست بجامات اطفال او غيارين رجالي شاملة الثياب والملابس الداخلية)

2- مزعجة نوعا ما..يعني لازم تكون بمكان بعيد عن غرفة النوم ..
وحتى اقرب لك مدى ازعاجها اذا جوني خواتي وهي تشتغل يحسبون فيه احد يشتغل بدرل

3- ضمانها سنه واحدة فقط ..وفعلا بعد السنه بشهر بدأت عطلاتها

4- العيب الأخير في جميع الغسالات الأتوماتيك بس حبيت انبهك عليه وهو انها تذبل الملابس
يعني اذا عندك شي جديد وتخافين عليه او شي ينزل ألوانه لا تحطينه فيها لأنها فيها مسخن
والحرارة تعدم الملابس الحساسة

5- بسبب صغر الحجم ما تقدرين تغسلين فيها بطانيات او ألحفة بس ممكن تغسلين
شرشف السرير مع اكياس المخدات والمخدات ايضا بشرط يكون حجمها متناسب مع
حجم الغسالة

في النهاية سعرها 2800 ريال
هذا اللي عندي
فيه بالسوق نوعية تجي النشافة فوق الغسالة بس ما ادري عن مميزاتها
لا تنسينا من دعواتك الطيبة

اتذكر مره سكنا في شقق فندقيه مره راقيه وكان عندهم غساله فول اوتوماتك تغسل وتنشف لدرجة انك تطلعين الملابس ماتحتاج كوي وماركتها سامسونج كان ماني غلطانه

انا عندي ال جي وماشيه تمام الحمدلله ..... وبالنسبه للاخت ذكريات الأمس
تخرب الملابس عشان المويه حاره انتي اختاري دافئ او بارد ...... بالعكس انا اشوف الغسالات العاديه هي اللي تخرب الملابس اما هذي ناعمه عليها مره ....
بس عيبها تطول بالغسيل تقريبا ساعه ونص والتنشيف مايكون 100% ...

حبيبتي انا عندي LG

انا جدا مرتاحه لها كويسه وعمليه

لكن تبغي جوده الجنرال بس السي فيها ان الغساله لحال والنشافه لحال بس النشافه خرافه تغنيك عن الكوي

لكن نصيحتي

احنا كل وحده حتقولك تجربتها لكن اذا رحت المحل اسالي البايع رح يعطيك الميزات والمساوي وانت على اساسها تختارين يعني يمكن الميزات الي حبيتيها انا اكون ما احتاجها والعكس صحيح

في المحل رح يعطيك برشور رح يفيدك ويوضح لك كل شي