اللي تبي تنحف صح تدخل

بنات اللي عندها عزيمة وتقدر تلتزم بنظام غذائي محدد تجرب ولا كنك يازيد ماغزيت

انا جني ورم في الرقبة والحمد لله حميد بس الحين كبر اكثر فخفت وذكر لي اخوي واحد يعالج بالطاقه ورحت
يقولك وش فيك من امراض من قبل ما تتكلمين يشوف العروق في اليد بس وكل اللي قالي طلع فيني حتى اشياء ناسيتها طلعها المهم

قالي انتي عندك اوراك فيها زوائد قلت لا و استغرب بس لما رحت للبيت اكتشفت ان فيني بس علشاني ابيها ماحسيت فيها لاني ابي اسمنن دايم

عطاني نظام كان وزني 68 وصار وزني بعد اسبوعين 62 بس وبعد اسبوعين صرت اخبص وما عاد جاز لي جسمي والمشكلة اني ابي اتعافى واحترت صراحه اهم شي تركت كل شي الحين من اسبوعين ورجعت ازيد كيلوين قلت لن يصيبنا الا ما كتبة الله لنا والناس وزوجي يجيبون العقد وش فيك نحفتي وش فيك نحفتي

اهم شي اللي يبي وصف العيادة هي عمارة قبال مستوصف الشبلان طريق العروبة تحتها صيدلية الحزيمي نفس العمارة الدور الثاني شقة 9 اتوقع اسمه دكتور محمد ابو راشد وترى حتى انتظار مافيه من صغر العياده وهو متخصص لعلاج السمنه والنحافة مدري برجع اشوف ابي ارجع لوزني الاول

هذي خلاصة تجربتي حبيت انقلها لكم واللي تستفيد تدعي لي بالصحة والثبات في الدنيا والاخرة ويصلح عيالي ويغفر لي ولوالدي

ملاحظة قيمة الكشف 350 ريال والمراجعات ب100 بس ما كتب لي انا علاج بس عطاني لستت الاكل ورحت اشترية وسلامتكم