هذا بيت صاحبتي وتحتااااااااج مساعدتكم

السلام عليكم ورحمة الله وبركاته

هذا مخطط بيت صاحبتي هم توهم شارينه بس يحتاجون يعدلون فيه شوية أشياء وكمان طبعا محتاج تأثيث هي فكرت بالتالي :.

الدور الأرضي :.



1) صالة المدخل تفكر تحط فيها دولاب مدخل وفوقه مرايا بالوجه وعلى اليسار يعني بوجه الصالون كرسيين وطاولة وخلفهم لوحة أو تابستري كذا كويس تعتقدون ولا أحسن العكس ؟

2) الصالون مابعد اشترت الأثاث إيش اقتراحاتكم لها لتوزيع الكنب ؟

3) الباب اللي بالدور الأرضي اللي يفتح من المغاسل لغرفة الطعام يلغى تماما .

4) الشباك اللي من مغاسل الرجال يطل على المسبح يتسكر ويتسوى على شكل رفوف زجاجية داخلة لجوه ومسلط عليها من فوق سبوت لايت بس تبي أشكال لها .

5) في الحقيقة المطبخ وصالون النساء معكوسة أماكنهم يعني المطبخ هو اللي يفتح على الدرج وصالون النساء هو اللي بالزاوية عند المسبح برضه تحتاج توزيع لأثاث الصالون .

6) تفكر تبني ملحق في المساحة اللي في الخلف ( غرفة وحمام فيه شاور ) عشان مايتوسخ البيت لمن يجونها ضيوف بس ما هي عارفة كيف شكله يكون بالضبط ( يعني تحتاج تساعدونها بمخطط )

7) المساحة اللي تحت الدرج ماهي عارفة إيش تحط فيها .

الدور الأول :.



1) لمن تطلعين من الدرج الغرف اللي على اليمين حقت عيالها ( عندها بنتين وولد ) تفكر تحط البنات بالغرفة الكبيرة 4×6 اللي فيه حمامها وتطل على المسبح والولد بالثانية بس بتحط بغرفة الولد سرير زائد يعني بيصير فيها سريرين مفرد وهي محتاجة توزيع أثاث الغرفتين .

2) في الحقيقة يوجد مبني كاونتر صغيييير جدا بوجه الدرج الطالع ( مدري فهمتوا علي ولا لأ )مقاسه تقريبا 2.32× 1.89

3) غرفة المعيشة عندها كنب بس ماهي عارفة كيف توزعه هو عبارة عن كنبة أم ثلاثة مقاعد وكنبة أم نفرين وكرسيين ملكي وهل يحتاج تحط معاه شيء زيادة ؟

4) غرفة النوم اللي بجنب غرفة النوم الرئيسية أساسا مافيها حمام لأن الحمام حقها هو أصلا فاتحه على حمام غرفة النوم الرئيسية عشان يصير أكبر فقررت تخليها غرفة سفرة بس تشيل الجدار اللي بينها وبين غرفة المعيشة تماماً إيش رايكم ؟

5) تبغى طريقة لتوزيع الأثاث في غرفة النوم الرئيسية تبي تحط طقم الغرفة الأمريكي وتبي تحط جلسة ومدفأة بين الكرسيين بس ماهي عارفة كيف التوزيع .

6) حمام الغرفة الرئيسية تبي تشيله وتحط طقم ثاني مكون من كرسي ومغسلة وشاور كيف توزعهم ؟

7) تبي تحط نجفة نازلة بوسط الدرج إيش آخر موضة ؟

وكمان لو سمحتوا تحتاج مساعدتكم في آخر موضة لألوان البويات النازلة وأنواعها

بسرررررررررررررررررعة لو سمحتوا :o:o:32: