هلا بك عزيزتي أم سعود

أنا سويت المخطط بس بعيده مره ثانيه

لأن حفظته و راح

بس بقولك التعديلات

الي بتطلع حلوه

حسب ما فهمت البيت هذا دوبليكس

كما هو واضح من الرسم

بالنسبة للتعليق

1- مدخل الرجال أول ما تدخلين حسب ما فهمت من الرسم فيه شباك على يسارك و باب كبير على يمينك
و بدون باب يؤدي للمغاسل و الحمام بالوجه على الجهة اليمنى .
==== أول شي الباب الذي يؤدي لمجلس الرجال ماله داعي تستبدل الباب بعمودين جبص و إطار جبصي
علشان ما يكون المكان ضيق . زود عليها ما يحتاج للباب لأن مافي منفذ للنساء يعني حلو يكون المكان مفتوح
يعطي وسع و براح .
الفتحة التي تؤدي إلى المغاسل نفس الشي إطار جبصي نفس الي على الباب الكبير الي لغيناه
الشباك الي على اليمين ستارة حلوة من أعلى السقف إلى الأرض عن اليمين و اليسار لوح و شازلون
الجدار الي بالوجه مرآه كبيره من الأرض للسقف علشان تعطي وسع بإطار فخم
بالمنتصف لا أنصح بطاولة لأنها ستضيق المكان الطاولة للمداخل الكبيرة و المفتوحة مدخل 4x4 متوسط الحجم
سجادة حريرة أو حركات بالرخام للمنتصف ستكون جميلة
نجي للمغاسل

أول شي المغاسل تنتقل من اليسار إلى الوجه تحت الشباك يعني أول ما تدخلين من الباب المغاسل تكون بالوجه
الشباك ينسد تماما و مكانه يكون مرآه ذات إطار فخم و عن اليمين مكان الباب دولاب ذو أبواب جميلة للمناشف
أو بالبلوك الزجاجي ينسد مكان الباب و تحت المغاسل طبعا دولاب خشبي جميل و عن اليسار امتداد للمغاسل بدولاب تحتها أيضا و فوقه لوحتين بجانب بعضهم دعي صديقتك تبحث عن اللوح الخشبية المرسومة بلا إطار
و على الطاولة مناشف و شموع و سلة للمناشف المستعملة و علبة مناديل و حلاو و أعواد أسنان و سلة للقمامة بجانب الطاولة الممتدة التي ستكون نهايتها قبل باب الحمام و طبعا سطح المغاسل من الرخام
طبعا الجدران خليها تعتقهم بالذات المدخل و المغاسل
و تراعي بالمدخل ثريا جميلة تتدلى بالمنتصف
المجلس حسب التوزيع للأثاث الذي تراه مناسبا بس تفتح فتحة بالجدار علىالسفرة تقريبا مترين فالمنتصف
بعدين تركب باب الي يتطبق مو الأوكورديون غيره
نجي للسفرة مافي شي يتعدل كنت أبي أكبر الشباك الي على المسبح بس مافي مجال لأن فيه عمود و صعب
نلعب بالمنطقة هذي
نجي لمدخل النساء أول شي عن اليمين
في جدار مافي عمدان ولا أي شي يننشال كله و ينهد يعني عن اليمين إذا دخلتو من المجلس يطلع الدرج على يدك اليمين علطول .. منطقة الدرج أنتم أحرار بها ممكن مدخل و زرع و أهم شي الشباك يتكبر ز يصير من فوق إلى تحت
و ممكن صالة صغيرة لأنها المنطقة الوحيدة الي تطل على المسبح
أنا مرتفع ضغطي من المهندس ولا شي يطل على المسبح
طبعا الباب حق المجلس حق النساء ينشال و نفس الحركة حقت مجلس الرجال عمودين و إطار جبصي
علشان أول ما يدخلون الحريم على المجلس علطول و هو الي تطيح عينهم عليه علشان نغطي على الخطأ المعماري
عن اليمين مغسلة و عن اليسار حمام مو منظر أبد المغسلة لازم تكون حلوه تحتها دولاب و سطحها رخام
ترتيب الأثاث ما راح أهتم فيه كثير الحين أهم شي التعديلات المعمارية بعدين إنتم بعد ما تسوون التعديلات
إطرحوا موضوع عن التأثيث .
المطبخ أوكي و ممتاز و ما عليه كلام

أهم شي إني أكون أفدتك

و تحياتي لك
مم

بالنسبة للدور الثاني

لا أنصح باللعب به

علشان الغرفة الي تبي تسويها سفرة تسويها

بس الغرفة الكبيرة تخليها رئيسة و ما تغيرها و الثانية الصغيرة ما تغيرها

تخلي بابها مفتوح و فيه سفرة الطعام

وإذا احتاجتها مكتب تسويها مكتب

و إذا احتاجتها غرفة بعدين ترجع عادي

و تخلي الحمام

الشي الوحيد إلي أنصح فيه

ان غرفة النوم الي حمامها بره ينبني جدار ويتقفل يعني

أول ما تناظرين تلقين جدار بالوجه و باليمين باب و باليسار باب

كذا كل غرفة لها خصوصيتها و تحط على الجدار كونسول و لوحة

و بس

ما عندي أي شي ثاني

و تحياتي مره ثانيه

مشكوووووورة يا أحلى ملكة

إقتراحاتك كالعادة ماشاء الله عليك راااائعة

موتتيييييييني ضحك يوم قلت مرتفع ضغطك من المهندس

وبالنسبة لفكرة تدخيلة الحمام مع غرفة الولد حنا فكرنا فيها بس المشكلة ما يصير فيه حمام يخدم الصالة يعني لو جوها أهلها أو ضيوف مقربين ( مثلي طبعا ) يضطرون يدخلون حمامات العيال مررررررررة مو حلوة

وبالنسبة للتأثيث هي لازم تعرف وش تبي تأثث من الحين عشان طبعا لازم بعد ما تكسر وتعدل تضرب بويات وبعدين تبلط فلازم يكون عندها خبر وش الفرش بالضبط اللي بتشتريه عشان تحدد ألوان البويات
وهي مستععععجلة لأنهم لازم بإذن الله ينقلون على بداية الأجازة قبل لايضطرون يدفعون ستة شهور كمان إيجار
هلا بك حبيبتي

بالنسبة للأثاث لازم تلف و تدور

بعدين تقرر

هذا آخر شي

الهد مثل ما قلت لك بيطلع أوكي

بالنسبة لغرفة الأولاد أفضل تكون منفصلة

و الحمام موجود بغرفة الطعام الي فوق

يعني مافي مشاكل

أتوقع

و تحياتي

و نصيحة خليها تسكن بعد ما تخلص الهد واللياسة و بعدين على رواق غرفة غرفة

و تحياتي لك يا حلوة


الساعة الآن 02:55 .