كيفكم ياأحلى منتدى .... ان شاء الله مبسوطين
هاد اول موضوع الي في هادا القسم وبصراحة اترددت كتيييييير قبل لا احطه انه انا لسه مبتدئة
بس قلت مو غلط بجرب فبتمنى انه يعجبكم ........
طبعا هاي الأكلة اكتر أكلة زوجي بحبها .... يعني لو كل يوم عملتها ما بقلي لا... وقد ما بعملها حفزتها عن غيب
نبدا
*** المقادير ***
لحمة خروف (بينفع دجاج)
بصل
ورق غار
هيل
عصفر او كركم
سمنة
رز تايجر او صنوايت
لبن جميد اقراص او سائل
خبز شراك
بقدونس ولوز للزينة
أول شي بنقطع البصلة .... بنحط في الطنجرة ملعقة سمنة او حسب ما بتحبي
وبنحوس البصل فيها لحد ما تدبل شوي ... كمية البصل على حسب كمية اللحمة
Photo0126
Photo0127
بنحط اللحمة
Photo0129
وبنقلبها لحد ما يتغير لونها ويصير متل هيك
Photo0131
وبعدين بنضيف المي لحد ما تغمرها وزيادة شوي
Photo0134
ولما تغلي المي بحط ورق الغار والهيل
Photo0135
Photo0136
وبتركها تغلي غلوتين بعدين بوطي النار تحتها وبسكر الطنجرة وبتركها عالنار لحد ما تستوي
قبل بنص ساعة من استواء اللحمة بنقع الرز بمي سخنة وبتركه ... هاي الأكلة بالزات مو زاكية بالرز
اللي حبته طويلة ...
Photo0138
هلأ لما تستوي اللحمة بشيلها من المي وبحطها بصحن وبصفي ميتها
عشان اشيل الهيل وورق الغار والبصل
وبرجعهم على النار اللحمة والمي مش تكبو المي ..... عملتها مرة
كنت بعمل مقلوبة وكبيت مية الجاج وعملتها بمي حلوة طلعت لاطعم ولا اشي
بس طعم ... ههههههههههه المهم نرجع للمنسف
Photo0139
*****
يتبع
Photo0142
وهلأ بضيف اللبن ازا عندك جميد على شكل قراص بنكسره و
بننقعه من قبل بيوم بمي ازا كان قاسي كتير ولمن نيجي نطبخه بنحطه في الخلاط مع شوية مي
انه يصير سائل شوي بس مو كتير
بس انا عندي لبن جميد سائل ماركة الكسيح زاكي برضو
ممكن تخلطيهم مع بعض شوي من هاي وشوي من هاي
Photo0144
Photo0145
هلأ هون حطينا اللبن ..... بنحط لبن شوي شوي ... وبندوق هلأ ازا المرقة تبعت اللحمة
كتيييرة ... انقصي منها شوي على جنب عشان ما يزيد عندك لبن كتييير وينكب حرام
المهم .....
بنترك اللبن يغلي غلوتين على نار عالية وبعدين بنوطي النار عليه وبنتركه على نار هادية
وازا مثلا عملتي اللبن قبل بوقت وقلتي بدك تفلفلي الرز على جية ابو الشباب اطفي النار عليه بس لا تغطيه
وبدنا نفلفل الرز
هلأ الرز تايجر كل كاسة رز بدها كاسة ونص مي سخنة وملعقة ملح صغيرة
انا عملت كاستين فحطيت تلات كاسات مي وملعقتين ملح صغار وشوية عصفر
Photo0146
Photo0147
المي لازم تكون سخنة وبنتركه يغلي لحد ما تقريبا المي اللي عليه تنشف ولنقول بحركه مرة اول ما يغلي
ومرة لما المي تقريبا تنشف وتصير متل هيك
Photo0149
بوطي النار تحته وبغطيه وبتركه بحدود تلت ساعة لنص ساعة بعرف انه استوى لمى كل المي اللي عليه تنشف
ويصير ما فيه قرشه
Photo0150
هلأ هيك خلصنا ضايل نسكب الاكل
بنحمر اللوز
Photo0151
وبنفرم البقدونس
Photo0152