لاترفضين الوظيفة نهائي

ردا ع سؤالكوسؤال الاخت ليندا
اختي السنة اللي فاتت تعينت ورفضت الوظيفة وقدمت اعتذار للخدمة المدنية
وراسلتهم علشان تشوف اذا ينفع تقدم مًرة ثانية او يحرمونها
قالها الموظف لاحرمان ولاشي بما انك قدمتي اعتذار يعني اًرجعي قدمي عادي

بس انتي ظرفك بسيط فليش ترفضين

يا اختي نصيحه صلي الاستخاره و الله ييسر لك كل خير
اتمنى توافقي هالوظيفه فرصه الكل يتمناها
الله يبارك لك فيها و يوفقك

اذا رفضتي الوظيفه تستبعدين نهائي من اي ترشيح للسنوات القريبه القادمه لانك في نظره غير جاده وفيه الاحق
واذا انتهت امورك وتم توظيفك رسميا لكن اخذتي اجازه استثانيه خلال اول سنه تستبعدين من النقل
هذا كلامهم الي بيقولونه لك طبعا اسألي احد مضمون بعض الحريم ترا تسكتك بكلمتي لان مالها حق تجاوب وتشرح !

هذي فرصه حرام ترفضينها
واحمدي ربك الف مره جاء قبولك ع رغبتك الاولى
وبنفس المنطقه لكن في هجره او قريه تقدرين تروحين وتجين بنفس اليوم
فيه بنات كانو بقطعون ساعتين ونص الصباح وساعتين ونص الظهر يوميا يعني 5 ساعات تروح من يومهم في الطريق
ومافرطو في الوظيفه تمسكو فيها سنه سنتين وجاهم نقل وبنفس مدينتهم وابشرك الحمدلله بعضهم بمسافه دقايق عن البيت بعد الصبر اخره فرج
وانتي استغلي الفرصه وادعي ربي يسخر خلقه
بعض المديرات اذا كانت المعلمه تجي من منطقه ثانيه تتساهل معها في الحضور
فيه كثير مديرات رحومات اعرف بعضهم يخلونهم يداومون 3 و 4 ايام بس والباقي مايجون
واذا اضطريتي تسكنين بنفس الهجره او القريه اذا كانت المسافه بعيده اصبري خلي زوجك ياخذ اجازه ويجي معك
الامور تتسهل او امك او اخوك بتلقين ان شاءالله امورك تسهلت بس لاتصعبينها تصعب في نظرك

الفرصه تجي مره لاتفوتيها
غيرك في الغرب تعيبو في الشرق
وفي الوسط راحت الجنوب