تدرون وش المشكله انهم سمحو لهم يصيرون شغالات في بيوت مغلقه ممكن يكون حتى فيه رجال بدون زوجته وهي مخاطره حتى لو قالو الزوج برى في العمل ومن ها الحكي لاكن اللي يتابع البرامج الوثائقيه في كل دول العالم لازم عندهم بسطات واكشاك واسواق حلوه وكلها بسطات خضار مخبوزات ملابس شنط انواع واشكال اول بلد في الحياة يحارب البسطات كلها بلدنا ها البلديه تقفطهم تقفيط ويوم حطو مباسط حطو لحريم سوق حجاب وعزلوهم عزل مع انهم عجايز ولو البسطات ماتكسبهم ماشفنا كل عجيز شغالتها معها ويجيها سواق يعني الفقراء بيغتنون من ها البسطات بس مسكر عليهم واذا حطو شي للحريم بازار ضعيفه تدفع حق الطاوله وتخسر قبل تربح ومن اللي بيروح عاني لفندق ولا صاله يشوف ها البسطات لاكن لو فيه اسواق معينه كلها اكشاك وقدام الجميع بيربحون ها الحريم وكل وحده بكامل حجابها وتستورداشياء او تشتغل وتبيع اشياء وكل وحده لها تخصصها بس عاد يعرفون يتاجرون زي اللي برى مهيب تجيب شي ماينبغى وتعلي السعر هذا والله اعلم مجرد اجتهاد ودايم اشتهي البسطات والاكشاك في البرامج الوثائقيه
انتم عارفين مهو كل الناس بمقدورهم يفتحون محلات ويدفعون اجارات واصلا المفروض يكون فيه ساحات كبيره تخصص للاكشاك وتوزع على المحتاجات زي ماوظفوهم شغالات ماشاء الله عليهم وركضو في ها الموضوع يركضون لهم في اكشاك وساحات للبسطات بس طبعا مهوب زي البساطات اللي عندنا كله نقابات وبراقع وخط البلده لايشكلون اللي تجيب شنط واللي عبايات واللي ملابس طلعات واللي احذيه واللي العاب واللي بعض الخرابيط للبيت واللي مواعين يشكلون مهوب خمسين حرمه كلها براقع ومدري وشو وااللي تجيب من طبخها وابداعاتها ومن ها الحكي يا سلام اشتهيت اروح لذا السوق اللي مابعد زينوه
شفتو الترتيب والنظافه
شفتو الفله يم يمي مهوب حافظه ولا طشت المفروض الدوله تساعدهم لين يعتمدون على انفسهم
شفتوني طمست الرجال من الخوف
بسطات زي كيذا مانبي:icon33:
اللي ماعندها فلوس تجيب بضاعه ممكن تشترك هي وثلاث ويبيعون في بسطه وحده ومهوب بعدين يتضاربون
نبي بسطه زي كيذا بس ماتعدى ميتين مهوب تقليد مخيس درجه مليوم وب800<<قامت تشرط تحسبه صار صدق
على فكره وين الحرمه اللي تبيع:biggrin:
شفتو هذي بعد فله بس يبي تغيير للبضاعه مانبي ذي
ماتذكركم بالمهرجانات؟:)
اقتراح للتاجرات ليش ماتسوون انتفاضه على طمس حقوقكم بالتجاره وتتحدون وتسوون حمله لين يحطون لكم اكشاك تبيعون فيها طول السنه ان شاء الله زي المهرجانات بس مهوب اسبوعين لاطول السنه واللي بتجيب اندنوسيه ولا سيرلانكيه ممنوع:angry2:بنت البلد اولا وتاخذ راتب لين الله يفرجها عليها وتصير تاجره مثلتس:biggrin:
عالأجتهااااااااااد
لا تعليييييييييييييييييييييييييق