ساعدوني شعري انحت

:( السلام عليكم ورحمة الله وبركاته

حابه اطرح مشكلتي يمكن بينكم مثل حالتي ولقت حل لهالمشكله العويصه

..بقول قصتي كل ابوها يمكن تفيدكم انا وحده خذت جلسات ليزر لازالة شعر الوجه وليتني ماخذتها .. حسبي الله عليه من دكتور ونعم الوكيل صرف لي حبوب قال انها للهرمونات وكذا وهي "كورتيزون" وقالي اكل ست حبات باليوم !!! وانا ياغافلين لكم الله هالكلام من سنتين وكان عمري 19 وعلى بالي كل مايقوله صح الدكتور

المهم كلتهم لمدة شهرين لين ماجتني الدوخه ويالله ينقلوني اهلي للمستشفى شافني دكتور ووريته حبوبي وقام يطالع لي نظرات شفقه :( ويقول هالحبوب تعطى للحالات القصوى حبه وحده لمرضى الضغط هذي حبوب ضغط :icon33: وانا مستغرب كيف ماطحتي من بدري من هالحبوب ( ماشاء الله على جسمي ) << تو الناس

المهم فحصني وطلع جاني الضغط وتشقق جسمي من السمنه وضعف نظري من الحبوب والادهى والامر انحت شعري الحين كملت سنه ونص من تركت الحبوب لليوم ماوقف تساقط شعري مع انه كان يضرب بشعري المثال بغزارته .. اصحى من النوم مخدتي كلها شعر اتروش الصباح اعبي المغطس شعر
امرر ايدي ع شعري تمتلي شعر احس اني بصلع وربي

تكفوووووووون اللي تعرف حل مضمون يرجع لي شعري بكون ممنونتها

اما تشققات جسمي وانا ماكملت ال 21 للحين ابي اروح لدكتور بإذن الله يعالجها لي ولو اني متردده لانها ببطني وجانب صدري ومستحيه اكشف للدكتور هالمنطقتين آآآآآآآآآآآآآه بس

تكفون ادعولي ربي يشافي الم راسي من الضغط اللي مارضى يخليني بعد سنه ونص ويشفي لي جسمي
ويرجع شعري مثل ماكان وأحلى ..

ونصيحه مني : المستشفيات الخاصه لاتضمنوووووونهم واي علاج ينصرف لكم تأكدو من دكتور واثنين وثلاث بعد

والله والله كنت بروح ضحيه غلطة دكتور بس ربي طرح القوه بجسمي
ولا الدكتور قالي الحبوب اللي كلتها مايتحملها المريض من قوها فكيف وانتي مافيك ضغط وست حبات بستين يوم (( 360 حبه كلت )) :( :( :( اكسر خاطر نفسي كل ماتذكر دموعي وانا شايلني ابوي من عند الدكتور ويوصيه ينتبهون لي

مااقول الا حسبي الله ونعم الوكيل

واسمحوووووولي لمعت عيوني وانا اكتب واعتبرتها فضفضه

مقدما : عسى ربي يوووووفق كل من بتساعدني وينولها اللي ببالها يارب ويسعدها بالدارين .. اللهم آمييييين