السلام عليكم ورحمة الله وبركاته
انا عندي بنت عمرها 16 سنه متمرده عاصيه لسانها طويل ماتحترم كبير ولا ترحم صغير
ترفع صوتها علي ماتخاف مني ابداااااااا
هالبنت من طلعت للدنيا وهذي حالتها لاتقولون مراهقه لا هي من خلقها ربي وهي كذا
غير خواتها فيها طبايع غريبه مأذيتني ومأذيه ابوها وخواتها ومدرستها وكل الناس
المكان اللي هي موجوده فيه محد يبيه تحاول تلفت النظر بأي طريقه ممكن تسوي اي شي المهم تلفت نظر الموجودين حولها
كرهتنا فيها ماعد صرنا نتحمل منها اي شي تخليني غصب علي ارفع صوتي عليها قدام الناس
والناس يلوموني حرام عليك تعاملينها كذا ليه انتي ماتحتوينها ومحد يحس في معاناتي
والله ان الناس اللي كانت تلومني اللحين تدعي لي الله يصبرني عليها
اي احد يحاول يتقرب منها تجننه تهبل فيه تطلع به الشيب تطفش اللي مايطفش من حركاتها وكلامها واسلوبها
كلامها كثييييييير على غير سنع ممكن تقعد 24 ساعه تتكلم بنفس الكلام تعيد وتزيد فيه
التلفزيون في البيت تطول عليه اعلى درجه يهز البيت هز من الصوت ولا يهمها نقول لها قصري ولا كأنك تتكلمين
واذا قصرنا على الصوت راحت ترفعه :16:
مهمله دراستها طووول ايام الاختبارات وانا اقولها ذاكري ادرسي والله اذا نجحتي لو مقبول اجيب لك لاب توب لان ماعندها لاب توب وهي منهبله تبي ووعدتها وحلفت يمين ان نجحت جبت لها لاب توب
وكل يوم اقولها بكره عندك كذا ادرسي تقول اووف سهل مره مره هالماده مايحتاج مذاكره
واخرتها سقطت بثلاث مواد وجايبه التقرير مشطبه على المواد اللي ساقطه فيهم بفصلين وكاتبه فصل واحد فقط
مدري تلعب على مين قلت لها ليش مسويه كذا قالت لان ماعندي كتاب الترم الاول يعني مايهمها تسقط :(
تركتها ماناقشتها ولا قلت لها ذاكري ولا شي جتني تقول وين اللاب توب قلت انا قلت اذا نجحتي وانتي مانجحتي
قالت لي انتي ام ظالمه ماتعدلين بروح اشتكيك على حقوق الانسان << بالله عليكم هذا كلام تقوله لامها
انا ظالمه لاني شريت لاختها اللي ناجحه لاب توب ولا شريت لها
قلت طيب انجحي الدور الثاني واشتري لك اي لاب توب تبينه
قالت خلاص ابشري ان شاء الله بنجح
وبدت اختبارات الدور الثاني وهي ماذاكرت ولا ماده طنشتها لانها اذا شافتني مهتمه طنشت وللاسف مافيه اي اهتمام ولا احساس ليلة الاختبار سهرانه عند التلفزيون وتقول الماده جداااااااا سهله مافيه احد يذاكرها :(
تحاول تلفت انتباه اي احد حولها مره طلعت من المطبخ تقول ( الله ياحلوووو طعم السابوفين اكلت منه 4 حبااات )
وانا عارفه انها تكذب لان ماعندنا سابوفين بس تبي تخوفني وتلفت انتباهي
ومره جالسه بالصاله ومعها مكعبات اختها الصغيره ومسويه فيهن شكل مربع وتناظرني وتقول تدرين وش ودي
قلت لها وش ودك قالت ودي ان هذي مقبره واحط فيها كل الناس اللي اكرههم وتقلب عيونها علي :06:
ومره دخلت المطبخ وسوت نفسها اخذت شي ومخبيته عني وحطته بغرفتها وطلعت لي تقولي انا واختها حللوني
يعني انتبهو تراني اخذت سكين بنتحر وهي تكذذب مااخذت شي بس تهدد
Queen Of Ksa @queen_of_ksa
عضوة نشيطة
هذا الموضوع مغلق.
تكفووووووووون اللي ماعندها لي حل تدعي ادعولها من قلب الله يخليك قلبت البيت الى جحيم
اختها الصغيره تقولها ( الله اذا متي بيصير بيتنا البيت السعيييييييد )
وتقولي ماما ليش حنا موب زي الناس ليه هم ماعندهم ........ (اسمها)
اذا جوني ضيوف تفشلني تقول نكت وصخه وتضحك تقول اييييه عادي انا فاهمه هالكلام
الناس كرهوا بيتي حتى انا كرهته اذا شافت ثنتين يسولفون سوالف خاصه نطت بينهم ايييييييه تراني اعرف هالكلام
اختها الصغيره تقولها ( الله اذا متي بيصير بيتنا البيت السعيييييييد )
وتقولي ماما ليش حنا موب زي الناس ليه هم ماعندهم ........ (اسمها)
اذا جوني ضيوف تفشلني تقول نكت وصخه وتضحك تقول اييييه عادي انا فاهمه هالكلام
الناس كرهوا بيتي حتى انا كرهته اذا شافت ثنتين يسولفون سوالف خاصه نطت بينهم ايييييييه تراني اعرف هالكلام
الله يعينج يا أختي و يعطيج صبر أيوب
ما أدري و ما أعرف شو أقولج .. بس اسألي تربويين معروفين ... أحمد النجار أو أي مسؤول يمكن يفيدونج
الله يهديها و يقلب بيتكم بيت سعيد أبدا و دائما يا ربي
ما أدري و ما أعرف شو أقولج .. بس اسألي تربويين معروفين ... أحمد النجار أو أي مسؤول يمكن يفيدونج
الله يهديها و يقلب بيتكم بيت سعيد أبدا و دائما يا ربي
الصفحة الأخيرة
نفسي تهتم بنفسها بشكلها باناقتها تفكر مثل البنات لكن هي كل تفكيرها بالمرح والمتعه اهم شي بحياتها الترفيه فقط ماترحمني ابدااا اذا شافتني نايمه جت تقومني ابي كذا وابي كذا وفلانه انصلت و و و
تحط راسها براس الاطفال تتضارب معهم اذا شافت مع الصغار شي قالت ابي ليه هم
واذا شافت مع الكبار شي قالت ابي ليش هم
وديتها لدكتور نفسي وشرحت له حالتها وقالي جيبيها اكلمها وجبتها له وقالي هذي ميب مريضه نفسيه هذي اذكي مني ومنك هذي انسانه عبيطه ماتعطي كلام صحيح مافيه اي مرض نفسي
ووديتها لدكتوره ثانيه وقالت جيبيها لي ووديتها وقالت لي خلاص ماراح استقبلها مره ثانيه
تقولي كلام كبر الجبال وتقول لابوها بعد كلام ماينقال
حطيت لها كمبيوتر ونت وتمردت زياااااده لين سحبته منها
كل شي تقراه تجي تقوله يعني ممكن تقرا موضوع عن اغتصاب فتاة تجي بين الاطفال وتقول لهم
النوم ماتنام تعذب نفسها ولا تنام وكله ازعااااج في البيت
ممكن اذا جاها النوم مرررررره تروح تغسل وجهها بمويه بارد
في البيت الكل مستاذي منها الصغير قبل الكبير حتى الشغاله ماسلمت منها
تقولها ليش انتي مافي سمسم اختي !!
مع انها خاتمه القران وساعات تجي تناقشك تقولين هذي عالمه ماشاء الله لا قوة الا بالله
وساعات تقولين هذي تفكيرها زي الاطفال
مرات تهبل فيني عند الصلاة ماتصلي لين اجيب العصا
ومرات ادخل عليها غرفتها واشوفها تصلي بدون امر
هالبنت قتلت كل حنان بقلبي عليها اذا قلت لها حبيبتي انتي تعالي تقهوي معي نفخت
اذا سمحت لها تشوف التلفزيون تزعجني فيه لين اخذه منها
ايام الدراسه كنت اعطيها الاتصال ساعات محدوده باليوم مثلا من الساعه 4 الى 9
واقولها اذا جت 9 ترجعينه بدون كلام وتسفهني لين اجي اخذه منها بالغصب
عندها اخت اصغر منها لكن الكل يمدح فيها ماتطلع من مدرسه الا يشكرون فيها ويتمنون كل الطالبات مثلها
وهذي المدرسه ينجحونها بالغصب عشان تطلع ويفتكون منها
ايام الاختبارات تروح للمدرسه 6 ونص 7 الا ربع والساعه 8 تتصل تعالوا طلعوني بسررعه تتصل من جوال المديره
اقولها مين يطلعك مافيه احد تقول اي احد المهم طلعوني
سوت مشكله لأستاذة القران بالمدرسه اتصلت فيني منهبله منها تقول ان لي كم يوم اقولها سمعي سمعي وتقولي ماحفظت نزلتها للمديره وكانت الموجهه موجوده قالت لها المديره ليه ماحفظتي قالت من قال ماحفظت انا حافظه وسمعت الجزء عند المديره والموجهه كاااااااااااامل بدون اخطاء تقول الاستاذه ان المديره عصبت مني قالت شلون تقولين ماحفظت لها كم يوم ويوم سمعت لها طلعت حافظه
قلت لها ماالومك انا عااارفه بنتي بس مابيدي شي ادعيلها