شوفي الخاص
:27:

يبنااااات في حد مايعرف الزعتر!!! ليش تراه واااايد زين عقب الاكل وصحي
اتلاقون ينباع اكياس مثل اللبتون في الجمعيات وكارفور اتسوين منه مثل طريقه الشاي الاحمر .... :26:

الله يوفقج في مشروعج ..
يمكن لو تسئلين العيايز بيخبرنج ..
لأن هم أدرى بالأشياء الشعبية المميزة ..
حتى في تسواي القهوة والشاي ..

شوفي الغاليه. .

الحلو في هالخدمه . .

أولا : الحريم اللي بيشتغلن. . . حلو أنج اتخلينهن يطقمن. . ويلبسن لبس بسيط ومحترم. . وابتسامتهن ع ويهن والكلمه الطيبه تسبقهن. . . ويخطفن ع كل الطاولات مب حد يوصله وحد لا

ثانيا: الدلال. . والفناييل. . يوم تكون كلها أشكالهعا حلوه ويديده

ثالثا: كل شي يكون مسواي ع أحسن وجه. . من القهوه والزعتر

رابعا: أكثر ما يتناعتبه الحريم أن هالحريم أمينات ولا لا. . لأنه أحيانا أهل العرس يعطونك صياني الحلاوه والعصير وغيره وياخذن الصياني وياخذن من الدخون . . . هذا النوع ينعرف بسرعه ومحد يتعامل معاهن. .

خامسا: السعر يكون مناسب. . .وأحيانا لو كانت الخدمه مميزه. . . يتغاضون عنه. .

والله يوفقج . . وأول ما تنجحين في مشروعج. . عطينا الرقم عشان نتعامل معاج . .

وتسويلنا أسعار حلووووووووووه :)

هلالالالالا أختي

أنا أريد أنصحج نصيحه في هذا الموضوع وهو أهم شيء منظر الحريم ألي يشتغلن يعني لبسهن لا زم يكون حلو و يحبذا تسويين كتلوج ملابس يقدر الزبون يختار الملابس إلي يريد الحريم يلبسنهن .
2- تنوعين في المشروبات يعني زعتر وجرفه و شاي بنعناع و شاي بزعفران و قهوه عاديه و قهوه بزعفران يعني نوعي في المشروبات.
3-تضعين حرمه تراقب الحريم في العرس نفسه لأنهن في العرس كثير من الحريم يتهربن من الشغل.
4-قدمي عروض بخور و عطورات تعاملي مع الحريم ألي في المنتدى .
5-قدمي أحدث الأواني و الغنج و المباخر .
6- قدمي أنواع من الأكلات الشعبيه مثل القمة القاضي و البلاليط و العصيد و الهريس والحلاوا العمانيه والبسكويتات و أرجع و أقولج أستفيدي من بنات المنتدى.
7-قدمي عرض لتعديل العطورات و المباخر للأعراس يعني صناديق معدله بالأقمشه و المباخر المعدله و أظني في وحدم في المنتدى تقوم بهذي المهمه.
8-قدمي عرض رجال يعني يقدمون في الأعراس الرجال.
9-حاولي تتفقن مع فرق شعبيه (عياله) و تقدمينهم كعرض في الخدمه.
10- تعاملي مع مطابع معروفه و تكثر في الشارقه علشان تسوين بطايق أعراس .

وسموحه.....