انا عندي تكيس وبعد اسبوع ان شاء الله بسوي العملية وبقولكم شنو يصير معاي
بس ادعوا لي .....

السلام عليكم ورحمة الله وبركاته ..

انا سويت العملية من 8 شهور تقريبا .. ونصحتني فيه الدكتورة لان المبايض عندي كبيرة جدا .. ومرة خذيت اكثر من عشر ابر وانتفخت عندي المبايض بشكل فظيع .. وقالت لي الدكتورة اذا اخذتي ابرة ثانية راح بنفجر المبيض .. :icon33:

طبعا .. وقفت العلاج .. وسويت العملة .. المنظار مع ثلاث فتحات في البطن .. وكملت العلاج الثاني وصار احسن ..

طبعا بعد العملية فالتخدير لا حدث ولا حرج .. وتمت ايدي تعورني لمدة اسبوعين لدرجة راجعت دكتور عظام .. بس بعدين راح العوار .. طبعا مثل اي عملة ثانية الراحة التامة مطلوبه بعدين ترجعين طبيعية ان شاء الله ..

وعلى فكرة انا استخرت قبل ما اسوي العملية لاني اخاف من العمليات بشكل فظيع ..

وسبحان الله .. قالت الدكتورة الحمد لله اني سويت العملية .. لانه المبيض الايسر عندي كان الانبوب ملفوف عليه .. ولحقت الدكتورة عليه .. ولا راح علي .. الحمد لله ..

اختي نصيحة لوجه الله .. صلي صلاة الاستخارة .. وذا لج الخير اتسوين العملية الله بيسر لج ان شاء الله .. وبالتوفيق ..

انا الحمدلله سويت العملية لي شهرين
وهي منظار فتحة في السرة وحدة تحتها والثانية على المبيض الايسر وعمل كي للمبيض لانه عليه تكيس
والله عملية سهلة جدا جلست في المستشفى 24ساعة بس وبعدها خرجت
لكن بصراحة ارتحت بعدها اسبوعين ماكنت اسوي شي
وبعدين بدأت اشتغل في البيت على خفيف حتى مر شهر وراجعت الدكتور وطمني على كل شي
وهذا انا استني الدورة الثانية بعد العملية تجي لانه اذا جات رح يبدأ معي كورسات التنشيط

آهات وألم
الله ييسرلك وطمنينا عليك ..

أشكر جميع الأخوات اللواتي شاركن بآراءهن وتجاربهن :)

وأنا أصلي استخارة ولكن حابة أجمع بقدر الإمكان معلومات أكثر عن الموضوع .. لأن الدكتورة تقول عملية يوم واحد وتطلعين بكل بساطة من المستشفى ولكني كنت حابة أعرف بطلع وأنا صاحية وإلا رايحة فيها ..

على هالأساس حبيت استفسر علشان أسويها الحين أو في إجازة .. واقتنعت مبدئياً إذا بسويها في إجازة علشان أكون مرتاحة ..

الله إيسر على الجميع .. وشكراً جزيلاً .. وآهات وألم الله يوفقج إن شاء الله وخبرينا عن النتيجة ..

وكل من سوت العملية وتنتظر الفرج فالله كريم بإذن الله حامل وبشرينا :)