استخيري الله اولا واخيرا
انا بالنسية لي قلت لهم بانتظر اسبوع ويوم زاد علي الالم وايد الطلق نزل الكيس والجنين بروحه والحمدلله مااحتجت تنظيف
الله يقومك بالسلامة
عندما تتصدق فانك لاتنفق نقودك ...
بل ترسلها إلى نفسك في زمنٍ آخر ...
لاتستعجلين استني شوي خصوصا انج تقولين انه الوحم مستمر معاج

يمكن يكونون غلطانين

بس اهم شي انج اتابعين معاهم وحاولي تتاخرين قد ماتقدرين
لاالهـ الا الله...وحده .. لاشريكـ لهـ ...لهـ الملكـ ..ولهـ الحمد.. وهو على كلـ شيئ.. قديـــــر

السلام عليكم
اولا يالغالية ربي يعوض بالخير ان شاء الله
شي مؤلم تحملين و يقولج ميت او ما يكبر او ماله نبض<<وحدة مجربة
انا حملت 3 مرات بالمرة الثانية طاح بروحه في البيت و ما احتجت تنظيف و الرحم كان نظيف
بس في المرة الاولى اكتشفت ان جنيني ميت يوم راجعت موعدي الشهري المعتاد و قالت لي ميت
و سرت المستشفى و سوولي تنظيف من غير ادوية و من غير ما ينزل مني اي شي
بس المرة الاخيرة كنت مرقدة في المستشفى اصلا
و بدت تنزل مني افرازات بنية اللون و تميت على الحالة يمكن اربع ايام و اقولهم سوولي التراساوند و شوفوا يقولولي لا عادي انتي بس ارتاحي و انا حاسة ان فيني شي لاني كنت وسواسة مرتين مستوي فيني لازم اخاف
و في اليوم الخامس بدا ينزل دم احمر
و على طول سوولي التراساوند و شافوا ان الجنين ميت و الحمدلله على كل حال
و طبعا بعد الانهيار و النفسية التعبانة و الضيج
خيروني اما اروح البيت و اشرب لي شي و ينزل بروحه بعدين ارجع المستشفى
و اما يسوولي تنظيف اليوم الثاني
انا كنت محتارة و ما اعرف شو اسوي
المهم هم قالوا لي بنعطيج تحميلة عشان الطلق و يمكن ينزل بروحه و احتمال ما ينزل كامل و نضطر نسويلج تنظيف
وانا كنت خايفة قلت لهم اول شي اوكي ابي التحميلة بعدين لما يت الدكتورة و كل شي غيرت رايي
سبحان الله حالتج النفسية تكون داون مرة
وانا اخترت اتم في المستشفى و ينزل بروحه من غير تنظيف يعني ما سرت البيت
و شربت دلة كاملة قرفة و ماشي فايدة
و كليت انواع و شربت اشكال بس ما شي فايدة
كل اللي سوا فيني انه زاد الالم
تميت 3 ايام بالطلق و انزف نزيف و يعطوني مسكن اهدى شوي يرجع مرة ثانية
لاني مابغي تنظيف

اخر شي قمت اصارخ مثل الخبال خلاص خلالالالالالالالالالالاص سوولي تنظيف ماقدر اتحمل بموت <<<<< كأني مربية 3 مرات والله من شدة الالام

المهم لين ما جهزولي غرفة و الين ما يت الدكتورة و انا في حالة نفسية زفتةةةةةةةةة لاني على هالحالة 3 ايام
وحتى الم ابرة ما اقدر اتحملها خلاص مافيني طاقة
دخلولي الغرفة و سوولي تنظيف دقيقتين و طلعوني لان الرحم كان مفتوح و سهل عليهم وايد
ما تصدقين اختي طلعت وحدة ثانية
النفسية غيييييير
الالم ماااااااااااشي
كل شي راااااااااااح
ندمت و الله قلت تألمت كل هالايام عل الفاضي
جان سويت تنظيف من البداية و ريحت عمري
وترا التنظيف مهم حق اللي مثلنا يعني يموت الجنين ممكن يترك التهابات او ما شابه
التنظيف يخلصج من كل هالاشياء

الله يوفقج ان شاء الله
استخيري اختي و توكلي على الله و سوي تنظيف لانه اريح واااايد

و الله يسهل عليج
طمنينا عليج بعدين

بانتظارج
الله يعوض عليك ويبدلك خير منه
يالغاليه حالتك هاذي ساير منها كثيييييييير في الحريم وانا قبل اسلبت وسويت تنظيف وياهي حالة الرعب والخوف اللي كنت فيها لكن سويتها
بس الجنين طاع من تعب وارهاق ماهو ميت وخذي نصيحتي والله كثير حوامل ماتو اجنتهم بدون ما يعرفون السبب لاكن في النهايه عملو تنظيف وبعضهم اكثر من مره سارلهم موت الاجنه وكمان سوو تنظيف .
و****لله مايجيك الا العافيه اهمممممم مافي الموضوع وهذا الكلام لكل وحده مات جنينها بدون ماتعرف الاسباب
لالالالالالالالالالالازم من التحاليل الكافيه عشان الوحده تاخذ احتياطها وتعرف سبب الموت للجنين يمكن يكون فيروس يحتاج علاج وهاذي امور مايستهان فيها
واجر وعافي
الله يهون عليج
ويخلف عليج
ويرزقج بالذريه الصالحه
أنا من شهر أكتشفت أني حامل
وأكتشفت أن الجنين ميت في بطني
وقالو لي تنظيفات
بس خفت ومارضيت
ماقصرت أمي سوت لي تمر ورشاد
وقالت أذا ميت يطيح
والحمد الله طاح من غير تنظيف
وهذا من فضل الله علي
جربي التمر والرشاد لمدة 3 أيام أذا ماطاح
أمرج لله
روحي سوي تنظيفات
والله يسمعنا عنج الأخبار الطيبه

أشبة باللي عسيف من الخيــــل تلعب وأنا حبل الرسن في أيديا
( شكرا ونةخفوووق )



الساعة الآن 01:30 .