بنات انا عضوه جديده من زمان اتابع وقررت ادخل واقولكم قصتي
بنات انا عمري 19 سنه توي تخرجت ونسبتي عاليه لكن الجامعه مقبلتني
انا اكبر وحده بالبيت ابوي متزوج وحده ثانيه تزوج ع امي وانا في بطنها المهم ابوي مما جيت مايصرفدعلينا
امي بس تروح للمدارس وتدور ع وظايف وتشتغل كم ساعه ويعطونها والا تروح للتحفيظ العصر والناس تتصدق عليها لين كبرنا والحمدلله امي جابت بعد 8 ولدين و6 بنات
احس امي بالحيل عانت معنا اهلها دايما مايعملونها زين عشان ابوي
الحمدلله السكن في وحده معلمه وزوجها يدفعونه ويعطونا 1000 ريال كل شهر وبالاعياد تزودها
والجمعيه متقصر معنا الاشياء المهمه
يعني ايش رايكم ابوي ظالمنا
امي دايما تمدح في ابوي ومتخلينا نتكلم عليه
هو يجي عندنا الظهر بس للعصر وهالايام زوجته توفت اختها وصارت بس في بيت اهلها وجاب بزورته ويجلس عندنا من الصباح لليل ومايجيب معاه شي
امي تطبخ لهم وتغسل لهم وترعاهم اصغر واحد فيهم عمره 6 شهور
ومره تحبهم مكنهم عيال طبينتها
المشكله يجي ابوي وبس يسب ويتكلم ع اكل امي طبعا امي فاتحه حساب بالبقاله وتسدد اذا الابله عطتها الالف
والله تحزني امي
دايما بس نتغدا والعصر تجيب لنا امي من البقاله
والحمدلله مبسوطين ومرتاحين
جاي ينكد علينا وزود الشهر ذا علينا امي السنه اللي فاتت نزلها حافز وجابتلي ع طول جوال وجابت لاخواني العيال
وجابت راوتر
تحزني امي مره كنت اتمنى تقبلني الجامعه عشان اساعدها انا اكره ابوي
الموضوع مجرد فضفضه فقط كلام ونفسي اطلعه
ميسون2016 @myson2016
عضوة جديدة
يلزم عليك تسجيل الدخول أولًا لكتابة تعليق.
أقدام الخير
•
حبيبتي الله يعوض امك ببركم لها ويجزاها بالجنة على تربيتها لكم حبيبتي لا تكرهي أبوك لو هو إنسان مو كويس كانت امك هجرتو يوم تزوج وهي حامل فأول ولد وماجابت 8 منه اكيد هي شايفة فيه شي انتم ما تشوفونه والبزورة حبيبتي تراهم إخوانك نفسهم نفس إخوانك اللي من أمك كبري عقلك وقلبك عشان ربي يوفقك إن شاء الله ولا تحقدين على خوانك ومشاكل أبوك وإمك مال لأحد من العيال دخل فيها اكيد فيه بينهم أشياء انتم ماتعرفونها
ماشاء الله عليك واضح انك واعيه وعاقله وتحبين امك وماودك انها تتعب او تتضايق
وصدقيني امك اصيله وفيها خير كثير وتحبكم وتبيكم تكبرون وانتوا ماينقصكم شي ولا تحسون ان ابوكم مقصر او ماهو حواليكم
والدليل انها ماتتكلم على ابوك ولا تذم فيه وماتبيكم تكبرون وانتوا تكرهونه بالعكس تبي لكم الخير تبيكم تكسبون رضى الله والتوفيق بالدنيا ببركم بأبوكم وامكم وتكسبون الجنه في الاخره .
طيعي امك وساعديها باللي تقدرين عليه بالبيت هي ماتبي منكم شي غير تشوفكم سعيدين
اما ابوك نصيحه لا تتذمرين منه واحسني له وبري فيه حتى اذا سمعتي منه كلام مو زين بوسي راسه وامدحيه وادعي له بالخير وطول العمر والصلاح
واي شي يقوله قولي ان شاء الله ابشر خليه يحس ويشوف انكم احسن بنات في الدنيا وان امك ربتكم احسن تربيه
وصدقيني رب العالمين بيعوضكم خير كبير لكن احسني الظن وعيشي راضيه ربك وباره في امك وابوك
وابحثي لك بالنت عن دورات مجانيه وتعلمي او ابحثي عن وظايف ماتدرين لعل شهادتك الثانويه تجيب لك وظيفه احسن من الجامعه لان هذي ارزاق مقسومه للعباد مالها دخل بالشهاده
اسأل الله العظيم ان يشرح صدرك وييسر امرك وان يفتح لكم ابواب الخير والرزق والسعاده
وصدقيني امك اصيله وفيها خير كثير وتحبكم وتبيكم تكبرون وانتوا ماينقصكم شي ولا تحسون ان ابوكم مقصر او ماهو حواليكم
والدليل انها ماتتكلم على ابوك ولا تذم فيه وماتبيكم تكبرون وانتوا تكرهونه بالعكس تبي لكم الخير تبيكم تكسبون رضى الله والتوفيق بالدنيا ببركم بأبوكم وامكم وتكسبون الجنه في الاخره .
طيعي امك وساعديها باللي تقدرين عليه بالبيت هي ماتبي منكم شي غير تشوفكم سعيدين
اما ابوك نصيحه لا تتذمرين منه واحسني له وبري فيه حتى اذا سمعتي منه كلام مو زين بوسي راسه وامدحيه وادعي له بالخير وطول العمر والصلاح
واي شي يقوله قولي ان شاء الله ابشر خليه يحس ويشوف انكم احسن بنات في الدنيا وان امك ربتكم احسن تربيه
وصدقيني رب العالمين بيعوضكم خير كبير لكن احسني الظن وعيشي راضيه ربك وباره في امك وابوك
وابحثي لك بالنت عن دورات مجانيه وتعلمي او ابحثي عن وظايف ماتدرين لعل شهادتك الثانويه تجيب لك وظيفه احسن من الجامعه لان هذي ارزاق مقسومه للعباد مالها دخل بالشهاده
اسأل الله العظيم ان يشرح صدرك وييسر امرك وان يفتح لكم ابواب الخير والرزق والسعاده
فيه تقديم يدوي تروحين باوراقك وتدورين على الجامعات تقدمين الله يوفقك وابوك لاتشيلين عليه وافرحي ان امك تسوي الخير والمعروف لانه مايضيع عند الله سبحانه الله ييسر امرك
الصفحة الأخيرة