أحترت وين أحط موضوعي وسؤالي عن قدر الضغط ؟؟

نفس الحاله...نفسي فيه من زمان...بس مااعرف استخدمه.....ياليت احد يفيدنا

للرفع

هلا بنوتات قدر اضغط هذا أهم شي في المطبخ عندي ويمكن كل اللي في المطبخ أستغني عنه من قدور وصحون الا قدر الضغط
ومن يوم أنا عند أهلي مانستخدم الا هو من أيام جدتي الله يرحمها<<<< قصت حياتي معى قدر الضغط
طبعا القدر اللي أستخدمه اللي هو التربو
الطريقه:
تكشنين عادي زي قدر العادي وتحطين الدجاجه وتحطين المويه تغطي الدجاجه وتسكرين القدر وتحطين الصفاره وبعدين تخلين النار على العالي لحد ما يصفر القدر بعدين تخلي النار وسط مو
مقصره مره لمدة عشر دقايق أو ربع ساعه وبعدين تطفين النار وتفكين الصفار أو انك قبل ما تفكين الصفار تحطين القدر في حوض غسل الصحون وتفكين عليه المويه البارده لحد مما يخف
الضغط على القدر بس وتفكين الصفار وهذي الطريقه عشان ما تخافين من صوت البخار اذا خرج من الصفار ةبعدين تهونين ما عاد تسوين فيه<<<<ههههه خايفه عليك

وبعدين طلعي الدجاجه و حطي الرز طبعا الرز يكون منقع أقل شي نص ساعه عشان ما تحطي مويه كثير ويزبط وبتطلع كل حبه لحال وخلي المويه أعلى من مستوى الرز بشوي بس يعني (واحد سنتمتر)بس وسكري اقدر وحطي الصفار وخلي النار قويه لحد ما يصفر وقصري مره وبعد8 الى عشر دقايق طفي النار وفكي الصفار
وأنا أخلي الرز بس 7أو 8 دقايق اذا كان منقع كثير ويطلع يجنن

وترى نوعية الرز لها دور فيه أنواع ما تصلح لقدر الضغط لانها تعجن وأحسن رز الوليمه أو هالي أو الشعلان وطبعا أبو كاس يجنن بس الحين خرب رز أبو كاس صار يجي مخلوط ويعجن مو زي زمان
وان شاء الله أكون أفدتك
ادعيلي ان الله يحقق اللي في بالي وبس يا قمر

انا كنت حكتب نفس كلام اغلى ناسي سبحان الله
هي شرحت لك بالتفصيل جزاها الله خير
وانا نفس طريقتها وبكتبها بإختصار لك ::
تحطي القدر على النار وتسوي لحمتك او دجاجتك بالطريقة اللي متعوده عليها
بس قدر الضغط يختصر الوقت
يعني الدجاجة بعد ماتحمسيها بالزيت يكفي تقفلي عليها ربع ساعه وبعدين تفتحي القدر وتحطي الرز اللي كنتي منقعته نصف ساعه في ماء حار واذا تحبي تحطي إضافاتك وتقفلي عليه
بالنسبة لي اخلي الماء مرتفع 2 سم عن الرز وبعد مااقفل عليه ارفع النار 3 دقايق وارخي النار عليه 3 دقايق

واللحم نفس الطريقة بس ياخذ نصف ساعه في المرحلة الأولى قبل الرز

ولازم تنزلي الصفارة قبل ماتفتحي القدر لعشان ينزل الهواء المضغوط فيه وكمان انتبهي لها دائماااا
انا مااخوفك بس الحذر واجب لأنك جديدة

ماشاء الله الأخوات ما قصروا بالتوفيق