السلام عليكم ورحمة الله وبركاته
كيفكم يااحلى حوائيات .. اتمنى تكونوا بأتم الصحه والعافيه
وكل عام وانتم بألف خير
سبق وقلت اني ابنزل صورة عشاء او سحور يكون تهنئه برمضان لماي :arb:
وهذا هو بين يديكم
طبعا ماتكلفت فيه بس كاااان رايق لأبعد حد
ولاتنسوا الجووود من الموجود : )
هاذي صورة للسفره عامه
نقلت الطاوله من مكانها المعتاد وشلت مفرشها والشموع جديده <هذا التغيير بالديكور يعتبر تجديد بأقل الامكانيات
من زاويه اخرى .. العصير المشروب نصه حق ولدي < جنني الله يصلحه طبعا مو نفس حقنا فراوله عادي
هذا الطبق طلع كشخه وسررريع والجبنه تجنننننننن < اول مره اجربها ( جبنة برايد القالب )
عباره عن باذنجان مقلي وكوسا مقليه وبطاطس كريسبي وفي قدر ثاني كشنت بصل بزيت زيتون واضفت عليه جزر وربع مكعب ماجي وبهارات وقرفه ولما ذبل الجزر اضفت فلفل روومي ملعقتين كاتشب .. خلطت الجزر مع المقليات ورصيتها بالصينيه على اساس يكون الكريسبي بالقاع وعلى الوجه قطعت جبنة برايد اللي تجي على شكل قالب ودخلتها بالفرن لحد ماتحمرت الجبنه وقلبتها بالصحن وبس : )
ونسيت اقولكم ملحت الدنيا < بس لاتكثرون لان الماجي مالح
الطبق الثاني
عباره عن < متعوب عليها >_>
رز بسمتي مسلوق مع نص مكعب ماجي وهيل وقرن فلفل حار وشوي بهارات .. وفي قدر ثاني بنفس وقت سلق الرز كشني بصل لحد مايتحمر وعليه وقبل تضيفين الجزر ربع مكعب ماجي وقرفه وبهارات وشوي قرنفل مطحون وهيل مطحون بعدها اضيفي الجزر والفلفل الرومي وقلبي وياسلام على الريحه : )
لما تذوب الدنيا وتتكشن مزبوط اضيفي مويه ورد < تقريبا نصف فنجان قهوه
بنفس الوقت يكون الرز استوى فحطي على الوجه شوي زبده ورشي بعدها كركم واضيفي الخلطه < الكشنه وسكري القدر .. وعند التقديم قلبي بس
السلطات
سلطة لبن بخيار ونعناع مع فلفل اسود وملح وبودرة ثوم < رشه رشه
سلطة طماطم بجزر وليمون وخل وشطه < ممتعه مع الرز ^_^
سلطه خيار وخس وشوي طماطم مع ملح وفلفل اسود
والعصيرررر كان عباره عن فراوله مجمده جاهزه مع فيمتو ومويه بارد وبالخلاط
تقريبا كأنه سلاش : )
واعذرووني والله مدري عن تنسيق الصور وحجمها لان لاب توبي مافيه فوتوشوب وراجعين للرسام : (
كانت معكم ام فصوولي
^_^
عليكم بالف عاافيه