لاتفوتكم ضفارتي انا وامي الخميس بالصور

حبيباتي انا من فترة وانا ادور طريقه سهلة لبطاطا لندن بس مااعجبني شي من هالطرق الي بحثت عنها ويوم جا الخميس قلت ياشيخه قومي ادهري وصيري سنعه في بيت اهلك وصراحه اول مره اطبخ صح ومقتنعه بطبختي واشتهيتها

واقوم واجيب البطاطس واغسله واحطه بصينيه وانغزها بسكين وغطيت الصينيه بقصدير ودخلته الفرن من تحت وجلس ساعه ونص بالفرن واقلب بين فتره وفتره عاد تعرفون اني مابعرف اطبخ صح وكل شوي اطل لايضحكون علي اهلي
واحترت وش احشيها قلت احط خضار قللت لاتحطين اخواني بيصجون مانبي هذا ولا هذا والا الخدامه قايلتلها امي طلعي صدور دجاج وراحت امي للموعد قلت يابنت الحلال حمسي بصل ودجاج وبهريه وحطيت فلفل بارد وجبن سايل وقشطه يوم استوت البطاطسه قسمتها بالنص وفرغتها شوي وخلطت الي فرغته مع الدجاج وحطيت حشوة الدجاج مع الي فرغته بالبطاطس في قعر البطاطس وفوقه جبن موزوريلا وحمرته من فوق

وصلحت سلطه عاديه جزر طماط خيار ملفوف
ويوم جت امي ولقت الدجاج خالص وهي في بالها بتصلح مسخن ونقوم نطلع دجاج وتصلح مسخن بصدور دجاج

وصلحنا شوربه كويكر ساده

ورز باقي من امس ماوكل وحميناه

على قولت امي بنكوكي اليوم (بنصير دجاج)

يله ابي الردود الحلوة الي تثلج صدري انا وامي

اول مره اصلح شي زين

وهذي الصور

والاخير صحني لاول وحده بترد رد سنع