بسم الله الرحمن الرحيم
موضوعي يمكن مايعجب شريحه كبيره بس ماعليه لأن مو هذا هدفي
هدفي شي بسيط,,
أني أذكركم أن الدنيا مي دايمه ومافيه أحد معمر عليها
بنات عالم حواء
خافوا الله بردودكم كم من موضوع أنكتب عشان هالشي كم وحده علقت وقالت اللي مايعجبها موضوعي لاترد ,اللي عندها رد يغث تحتفظ فيه
ومع كذا نلقى هذي الردود ليش طيب ماأنتي قادره تقاومين ولا بتثبتين وجه نظرك ولا ماعندك مراقبه لنفسك وكلامك وأول شي نسيتي مراقبة ربك
نسيتي أن كل شي تكتبينه محفوظ نسيتي أن كل شي بيشهد عليك ومن ضمنها جوارحك
ولا ما شاء الله حسناتك كثار ومايضرك رد أو ردين
تدرون وين المشكله أغلب اللي يردون هالردود لوأحد رد عليهم برد جارح
والله ماخلت كلمه وماقالتها ليه حلال لك وحرام على غيرك
تخيلي لو هالرد أخر شي كتبتيه جرحتي,ظلمتي,الخ...
ومتي أيه متي يعني الله قبض روحك أيش عذرك لربنا
تخيلي لوظلمتي صاحبه الموضوع وجلست تدعي عليك انتي تنامين وهي تدعي اش استفدتي
موضوع مااعجبك لاتردين سالفه قويه مو مصدقتها لاتردين وحده تسب تشتم نصيحه زينه او لاتردين ترا الكلام الشين مايؤذي أحد غير صاحبه
من هنا لبكره تسبين تشتمين والله ماضرها شي ولاحد درى عنك
خلي سيرتك عطره, طيبه ,ماحد يجيب طاريك الابخير موكل خلق الله حتى اللي مايعرفك يدعي عليك...
{لاتكن كالذباب لايقع إلا على الجرح فإياك والوقوع في أعراض الناس وذكر مثالبهم والفرح بعثراتهم وطلب زلاتهم}
عن معاذ بن جبل -رضي الله عنه- قال: قلت: يا رسول الله، أخبرني بعمل يدخلني الجنة،
ويباعدني عن النار
قال: لقد سألت عن عظيم، وإنه ليسير على من يسره الله -تعالى- عليه
تعبد الله ولا تشرك به شيئا
وتقيم الصلاة، وتؤتي الزكاة، وتصوم رمضان، وتحج البيت
ثم قال رسول الله -صلى الله عليه وسلم-: ألا أدلك على أبواب الخير؟
الصوم جنة، والصدقة تطفئ الخطيئة كما يطفئ الماء النار، وصلاة الرجل في جوف الليل،
ثم تلا قوله -تعالى-: تَتَجَافَى جُنُوبُهُمْ عَنِ الْمَضَاجِعِ حتى بلغ: يَعْمَلُونَ
ثم قال رسول الله -صلى الله عليه وسلم-: ألا أخبرك برأس الأمر وعموده وذروة سنامه؟
قلت: بلى يا رسول الله
قال: رأس الأمر الإسلام، وعموده الصلاة، وذروة سنامه الجهاد في سبيل الله،
ثم قال:
ألا أخبرك بملاك ذلك كله؟ قلت: بلى يا رسول الله. فأخذ بلسانه وقال: كف عليك هذا.
قلت: يا نبي الله، وإنا لمؤاخذون بما نتكلم به؟ قال: ثكلتك أمك يا معاذ، وهل يكب الناس
في النار على وجوههم، أو قال: على مناخرهم إلا حصائد ألسنتهم
رواه الترمذي
~أخت سيمو~ @akht_symo
عضوة جديدة
يلزم عليك تسجيل الدخول أولًا لكتابة تعليق.
um jna
•
جزاك الله خير
معاك حق مشكورة يالغلآ في بنات مايعرفون يردون لايسبون الله يصلحهم يتهاوشون مع ازواجهم اواهلهم ويحطون حرتهم بالبنات يدورون اقرب ضحيه هههههه يطلعون فيهاالكبت
الصفحة الأخيرة