بسم الله الرحمن الرحيم
السلام عليكم ورحمة الله وبركاته
بصراحه هذا اول موضوع لي بقسم الطبخ مع اني
احب الطبخ ومتابعه جيده لهذا القسم
وحبيت اطرح اول مشاركه لي
واتمنى يعجبكم و ابي تشجيع عشان اقدر
انزل اكثر من طبخه
:cook:
طبعا هذا كان غدانا اليوم وجا على بالي اسوي صينيه خضار بس
بطريقتي الخاصه
طبعا الوحده مع الممارسه تتقن الطبخه
مابي اطول عليكم اخليكم مع الخطوات بالصور:cook:
اولا المقادير :
(اللحم المفروم المسبك)
نص كيلو لحم مفروم
2 بصل وسط مفروم
2 طماطم مخلوط مع 2 ملعقه صلصه
2 فص ثوم مفروم
2 مكعب ماجي
وبهارات كمون وكزبره وفلفل اسود
اولا : احمس البصل والثوم حتى يتشقر البصل
وبعدين احط اللحم المفروم والبهارات والماجي واقلبها حتى تستوي اللحمه
وبعدها اضيف الطماطم والصلصه ونص كاس مويه واتركها تتسبك لمدة 10 دقايق
كذا انتهينا من اللحمه وبعدها ابدا بسلق الخضار
المقادير :
4 بطاطس صغيره مقطعه
4 جزر مقطع
4 كوسه مقطعه
بصل حلقات
فلفل رومي حلقات
نص كاس حمص
وهذا الحمص
طبعا نسلق جميع الخضار
ماعدا الفلفل والبصل
مع ملح
وبكذا انتهينا من الخضار
طبعا هذي الطريقه من اختراعي
وهي فعلا لذيذه ورائعه
وانصحكم تجربوها في كل طبخات الباشميل
بسميها باشميل ام نايف
:35:
المقادير
2 ملعقه نشاء مذوب
4ملاعق دقيق
4 ملاعق حليب بودره
نص ملعقه صغيره بودرة الثوم وهذا سر النكهه
مكعبين ماجي
2 كاس ماء
ونص اصبع زبده+2 ملعقه جبن سائل
اولا بكاس من الماء اذوب النشاء والدقيق والحليب
واضع الثوم والماجي
وتحرك على النار
وبعدين اضيف الكاس الثاني من الماء واتركها حتى تثقل واضيف الجبن واحركها وبالاخير الزبده
كذا خلصنا ونحط الطبقات فوق بعضهم
اولا افرش البصل والفلفل الرومي والحمص
وبعدها الخضار المسلوقه
وبعدها اللحمه المسبكه
واخير طبقة الباشيميل
هذا اول ماطلعتها من الفرن
وهذي بعد التقديم
وهذا جزء من السفره
بالف هنا وعافيه
واشوا اني حطيت لكم الموضوع بعد ماتغديت
لاني ماقدرت اقاوم الصور
اتمنى منكم دعوه صادقه
ودعوه ان الله ييسر حملي ويرزقني طفل صالح