زوجي مشتهي مراصيع !!!! من تعرف ؟؟وعندي لها هديه بتعجبها

بعطيكي طريقتنا..
تحطين في الخلاط -الكأس- كاستين دقيق بر وذرة ملح وملعقه حليب نيدو وملعقه صغيرة
خميرة بيره..وتحطين الماء حتى تصير خليط ثقيل القوام
بعدين تصبينها بالمغرفه في الصاج ..وممكن تسوينها بالآله الخاصة فيها اذا موجودة عندك
بالنهاية حطيلها عسل وبالهناء والعافيه

صباحك ورد جوري 000000
يمال العافيه والغنيمه وهديتي لك دعوه بظهر الغيب ان الله يوفقك ويرزقك الرزق الحلال والجنه والفردوس الاعلى وحنا معك يارب0000

انا بعد يالغالية عندي طريقة حلووووة


تحطين بالخلاط


ماء تعبينه ثلاث ارباعه

كاس طحين بر

ذرة ملح

بصله صغيرة

شوي سنوت


ترجينها

وتشوفين ان كانت مررة سايله زيدي طحين شوي

صبيها على الصاج دوائر صغار او مقلى تيفال و(ليصيها) بالملعقة يعني ملسيها شوي علشان تصير خفيفه

اذا بغيتي تخلينها صفراء حطي كركم ترى حلوه



بعدين سوي حشوة

كثري البصل واحمسيه مع البهارات والبصل الاخضر وطماطم وشوي ماء وسمنه

بعدين حطي طبقه مراصيع وطبقه حشو


وبالعافية يارب

السلام عليكم ورحمة الله وبركاته
جعله الله في ميزان حسناتكم

شوفي حبيبتي . . المراصيع عندي لها فن خاص . . تخيلي تفوقت على أمي في تصليحها . .

ليش ؟

لأني أحبها هشه مثل البسكوت !! وإخواني مثلي يحبونها رقيقة مره !

مقاديرها : - بدون مقاس - << شفتي الظفارة

في الخلاط : بيضة + بصلة صغيرة + كمون + شوي لبن أو حليب بودرة . .
تصب على :
دقيق بر + بصل أخضر مفروم + حبه سوداء + (( وإذا تحبين كركم << على مزاجك))
تخلط مع بعض : : طبعاً تضيفين مويه ويكون الدقيق بالتدريج وتحركين بالشوبك . .

إذا تستخدمين الطحين الجاهز . . لا تنسين الملح . .

إنا نشتري القمح وتنظفه أمي وتملحه ونوديه للمطحنه . . يعني جاهز بالملح . .

شيء مهم جداً جداً جداً . . وهو (((( زيت الزيتون ))))
حطي مع الخلطة وإذا جيتي تسوينه على حديدة التيفال ادهنيها بزيت زيتون وصبي الخليط وخليه رقيق وإذا نشف وتقمر اقلبيه على الوجه الثاني . .


واتحدى ما يعجبك . . << وثوق فوق الطبيعي !!!!!!!!!!!!


يالله ادعي لي دعوة محترمة بارك الله فيك . .