أختي ريم المها الله يقومك بالسلامة وأقرئي مواضيع الحمل والولادة والتمارين الخاصة بها وتوكلي على الله وكلما اِتد الألم تذكري الأجر وإن ربنا مايعطينا ألم إلا بقدر مانحتمل فليس هناك شيء فوق طاقتنا
أختي أنهار الجنة : أعتز بردك وأعجبت كثيرا بمواضيعك وردودك جزيت خيرا
أختي حجاية ماشاء الله متجهزة من بدري الله يوفقك
أختي ذوووق :
الله يعطيك السلامة وتولدين بسهولة ويسر أنتي وكل حامل وأنا ترى ماأفهم في الصبغات ولا المشاغل والله يعين لك من تساعدك والله معك

مشكوره اختي على هالموضوع الحلو الي انا واي وحده بكريه خصوصا تحتاجه
انا بعد في الشهر الثامن واتمنى اني اذا ولدت وقمت بالسلامه ان شاء الله اقص شعري واصبغه بس المشكلة ان شعري الحين قصير و ودي مره مره على الاقل اصبغ بس للاسف
انا في امريكا وفي قريه صغيره تحوم الكبد كوافيراتها مايدبرون شي ...قصيت شعري مره عندهم وصار جهة قصيره وجهة طويله :eek::o
عشان كذا الحين محتاره واحس انه اهم شي الشعر هو الي يخلي الوحده تتغير.. وانا الصراحه اخاف اصبغ في البيت
والشي الثاني الي ان شاء الله ناويه اسويه اني اشيل شعر جسمي واسوي تنظيف
والحمد لله من الحين جهزت لي كم مبدله جديده وقميص جديد:27:
الله يسهل للجميع يارب واهم شي ان الوحده تقوم بالسلامه

انا بعد ناويه انشاء الله بعد ما اولد اقص شعرى واصبغة واهتم بجسمى والبس ملابس انيقه غير الملابس الواسعه واتحنى بس كل هذا بعد ما اركب اللولب او اى مباعدة لانى من يوم ماتزوجت من 5 سنوات وانا احمل واولد الى كرهت الحمل والحين معى اثنين والثالث ف الدرب يبيله ايام ويوصل وانشاء الله بهتم بزوجى الحبيب اللى هو كل حياتى وعمرى

بالنسبه ليه توني بالبدايه عاد ادعولي يهونها الله ناويه عدة اشياء1#عمل حمامات ساونا وبخار للجسم والويه.2#عمل تنظيف للبشره من الكلف والنمش أكثر من جلسه.3#استخدام الصابون المغربي مده الشهر وغيره من خلطات الجسم عشان جسم يسير يلق4#تنظيف جميع مناطق الجسم من الشعر الزايد.5#استخدام الاقنعه والكريمات المفضله للبشره عشان تستعيد نضارتها.6#استخدام الكريم المناسب لليدين والقدمين عشان تفتح وتنعم.7#العنايه الفايقه بالاظافر فهي مهمه للرجل في جمال الاطراف.8#استخدام خلطات وزيوت خلال الاربعين للشعر عشان يسير ناعم فيه نضاره قدام ريلك بعد الولاده.9#القيام باختيار الصبغه المناسبه للشعر اهم شي تناسبك مو تغيرين شكلك والسلام.10#القيام بصبغ الشعر عند أفظل كوافير عشان ابو العيال ماعندك اغلى منه.11#قص الشعر القصه المفظله للزوج وللوجه.12#القيام بعمل نقش حنا ولافي الخيال لان الزوج يكون مشتاق فتره طويله والنقوش تجذبهم.13#النفش يكون ناعم ومكلف وحبذا يكون لونين.14#تقومين وتروحين للسوق وتآخذين أفخم الاقمصه للنوم حتى لوغاليه حيل مايخالف لانها للزوج والزوج يستاهل عمال نخسر الاف في ملابس الخروج والله ياخواتي الزوج يلاحظ كل هالامور ويتمنى تكونين دايم ملاك قدامه مهما كانت ضروفك.15#وانت بالسوق مري وخذي كم طقم داخلي اتوقع فهمتوني يكون لونها قمه في الروعه عشان اللي على بالكم.واشتري كمبدله وكم تايور خاصه حقه هو .16#سوي فستان قمممممممممممممممه وروحي للكوافير واعملي ميك اب وتسريحه كامله وسويها مفاجآه لزوجك بعد الاربعين.17#لو قدرتي تعزمينه في فندق وتكون معك شنطه كامله للنوم هناك حق ليله يكون ازين عشان هوتعب وياك ويا الولاده وشال همك بهذا التصرف راح تزيدين بعينه ولا راح ينساها لك.18#اذا امبسطتو قدميله هديه فخمه وقولي هذي من المولود وامه .19#اذارجعتي بيتك بالسلمه استمري على هذا الوضع على طول فالريال يبيك اجمل زهوره .20#بالسبه للبيت كوني شاريه مفرش يديد وحاطه مفاجآت يديده تخليه يستانس.21#الله الله في العطور اليديده والبخور والريح الزين.فيك وفيه وفي ولدك.22#حاولي تجذبينه باسلوبك للبيت عشان تونسينه بدل مايونسه غيرك.23#الله يسلمكم وااااااااااااااااااااااااااااااااسفه للاطاله واتمنى تستفيدون من كلامي

عندي فكرة لذييييييييييذة!
ليه ما تلبسون فستان زواجكم في أول ليلة (تعديل بعد الحمل)؟
والله بتكون حركة (وياريت الرجال ينبه لاهتمام زوجته فيه)!!!!!!!!!!!!!!!!!!