الله يعوضكم يا بنات باللي احسن فعلا الاحظ الطلاق السنين الاخيره زاد عن الحد لدرجة ان الطلاق صار يتم بين متزوجين لهم سنين يعني عشرة عمر هذا غير اللي تطلقوا من غير ما يدخل بها زوجها وعادة تكون الاسباب عين او نفس او سحر الله يكفينا الشر

ومن اسباب الطلاق ولا اشوف احد يتطرق له المخدرات وخاصه الحشيش وهو سبب رئيسي لعدم تحمل المسئوليه وكثير حريم ماتدري
والنت ماقصر بانواع الخيانه.

موضوع حلو بس ياليت البنات اللي غلطوا وكانوا سبب في طلاقهم كمان يعترفوا بغلطتهم وما فيه احد حيسحاسبهم والا فالموضوع حيفقد مصداقيته.

اختي بما انج طلبتي نقول الاخطاء اللي احنا سويناها .. اقولج ان غلطتي ان رضيت اني اتزوج واحد وانا مو مقتنعه فيه وفي مواصفاته .. مع العلم انه كان من عايله مرموقه ..وكثير حسدوني عليه ..بس راي الاهل والناس مو مهم اهم شي رأيك انتي مقتنعه فيه وفي مواصفاته...وبعد غلطت اني ما طلبت سكن مستقل .. وتنازلت عن اشياء كثيره لأني ما احب المشاكل .. وهالشي خلاه يشيل ايده من المسؤوليه ..
والاهم من هاذا كله لازم اهلك يسئلون ويسئلون ويسئلون عنه إن شاء الله لو يسئلون 3 شهور ..لين ما يطلعون علومه كلها .. لأن الرجال يعرفون كيف يغطون بلاويهم ..ويبينون للناس الجانب الزين بس ..طليقي كان يصلي فروضه فالمسجد يروح يركض عشان يلحق عالصلاه وآخرتها طلع راعي بنات((والباقي اعظم)).... ولو بتكلم عن عيوبه واخطاءه ما بخلص من كثرها ..والحمدلله اني ماحبيته ولا خلى لي ذكرى طيبه اذكره فيها والحمدلله مافيه شي يستاهل اني اتحسف عليه من الاساس ..لأن اشوف اللي كانو يحبون ازواجهم وعقب تطلقو ..متأثرين وفيهم حزن كبير وموقادرين ينسون ولا يطون صفحة الماضي...اختي ما اقول اني ملاك يمشي عالارض اكيد فيني عيوب .. لكن يكفي انه لما كنت على ذمته هو شهد لي ان عقلي كبير و ناضجه اكثر منه وانه فيني مزايا كثيره وماكان يبي يخسرني عشانها ..بس انا اصريت عالطلاق وحتى بعد الطلاق ارسل لي مسجات انه موقادر ينساني ..
تراني رديت عشان تدعون لي ..الله يوفقنا واياكم

السبب الكبير والي منتشر

عدم تحمل الشباب المسؤليه يكون عند اهله سهرات وسفرات وطلعات

ومغازل ودوران للاسواق ومو نافع اهله بالبيت

وينصدم لاشاف المسوليه مره عليه بيت وزوجه ومصاريف

فالطلاق اريح له ويرجع يكمل دجته وخيانته وسفراته وبلاويه والحرمه مطلقه ومعها طفل او طفلين

لا وتنلام بعد