السلام عليكم ورحمة الله وبركاته
انا لي عتب على مشرفات القسم ليه تقفل الموضوع السابق
انا ماقلت لا كلام حرام ولا غلط ولا سبيت احد
لا وبعدين مافي اسلوب في التعامل للأسف
مجرد رساله ترى موضوعك تقفل وبس يعني انتي ياصاحبة الموضوع ولا شي
اتمنى منكم التروي ويكون في اسلوب ارقى من كذا في التعامل
واسأل الله لي ولكم ان يهدينا للحق
المـــــهــــــــــــــم
بكمل لكم قصة صديقتي وتطوروتها
انا قلت لكم السالفه من بكرا رحت للجامعه وكنت ابي اقولها وانتظرتها ولا جت
دقيت عليها ماردت دقيت اكثر من مره
لما جا العشا وهي ماردت خفت عليها
لما جت الساعه 9 بالليل دقت علي واذا صوتها مررره شين قلت لها وش فيك صارت بس تبكي
والله يابنات يمكن ربع ساعه وهي بس تشاهق وتبكي
اقولها اتكلمي فيك شي صار شي او قالك شي ولا طقك
وهي بس تبيكي
شوي هدت وقالت انو هو قال ماعاد يبيها وقالها احنا مانصلح لبعض وانا برجعك لبيت اهلك قلت لها ليه وش صار
تقول لما رجعت من الجامعه واذا هو مو بالبيت وتدق عليه مايرد جا وقت الغدا ودقت مايرد بعد محاولات ارسل لها لا تدقين انا ماراح اجي
المهم تقول لين الساعه 3 الفجر
وبعدها جا للبيت واذا هو في حاله مو طبيعيه تقول اصلا مدري شلون وصل للبيت <<انتو فاهمين القصد الحمدلله الذي عافنا ممن ابتلى غيرنا به
تقول انا انهرت
جا وقعد يهاوش تقول انا مدري وش يقول اصلا
تقول شوي ونام
المهم لما قام الصبح تقول انا نايمه بالصاله وهو بالغرفه قام وقالها ليه نايمه برا قالت لأني ماقدرت انام بالغرفه من الحاله الي كنت فيها
تقول انا قلت هالكلمه ولا ماقلت له قام يهاوش ويقول هاذي حياتي وهاذي عيشتي واذا مو عاجبك يلا قومي ظفي اغراضك وروحي بيت اهلك
وبعدها قالها اصلا احنا مانصلح لبعض وانتي غلطه بحياتي
تقول وانا ساكته
دخل ولبس وطلع
انا هديتها وقلت لها يمكن هو معصب قلت اصبري لا تطلعين من البيت من نفسك اذا هو مايبيك خليه هو يوديك بيت اهلك
وسكرت منها وصار بينا مسجات
جا بالليل على نفس الحاله وقعد يهاوش ودهل ينام
لما جا الصبح دقت صديقتي على امها قالت ارسلي السواق ابي ارسل مع السواق اغراض ارسلت الأم السواق وكانت صديقتي لمت اغراضها ورجعت لبيت اهلها
ودخلت وهي منهاره وقالت لأهلها تقول انو ابوها حلف يمين انها ماترجع له ابد
وهي تقول انا ماعاد ابيه
وبـــس
ادعو لها انو ربي يعوض عليها :44:
للي مايعرف الموضوع من الاول هاذا الرابط
http://forum.hawaaworld.com/showthread.php?t=2273151
دلع دنياي @dlaa_dnyay
عضوة فعالة
يلزم عليك تسجيل الدخول أولًا لكتابة تعليق.
*لمسة حنان*
•
لاحول ولاقوة الابالله الله يعوضهايارب
Dimplez
•
زين سوت والله
والله يعوضها باللي احسن منه
بصراحه الشرب صعبه وان صبرت الحين موب قادره تصبر وعندها عيال يشوفون ابوهم كذا
والله يعوضها باللي احسن منه
بصراحه الشرب صعبه وان صبرت الحين موب قادره تصبر وعندها عيال يشوفون ابوهم كذا
لآحول ولآقوة الا بالله
الله يعوضها بـ أخير منه
اللي زي كذا عزى الله ماعليه حسوفه فرقاه عيد
وعلى قولة شيبانا (اللي مامنه خير فرقاه خير)
الله يعوضها بـ أخير منه
اللي زي كذا عزى الله ماعليه حسوفه فرقاه عيد
وعلى قولة شيبانا (اللي مامنه خير فرقاه خير)
الصفحة الأخيرة