السلام عليكم
بنات انا الى الان مو مستوبعه اللي صار لي
عن جد مو مصدقه
يارب لك الحمد والشكر سترت علي وحفظتني
راح اقول لكم قصتي
انا اعمل في الروضه براتب تعاقد واخر الأسبوع نطلع بدري
زوجيي يخلص دوامه بدري ويروح لاستراحته ويجلس فيها حتى اذا جا موعد خروج عيالي يجي ويشيلهم ويوديهم لليبت
طبعا نجلس نص ساعه يلف بنا الفان حتى نوصل لبيوتنا
وانا اول ما اطلع اتصل على زوجي اخبره اني ابوصل علشان يفتح لي الباب لأن القفل حق الباب خربان ولا اقدر افتحه
المهم اتصلت على زوجي امس وقلت له راح اوصل ان شاء الله الساعه 11 ونص
قال اوكي ابروح افتح لك الباب
المهم وصلت ولا لقيت الباب مفتوح اتصلت عليه وبعد ربع ساعه وصل طبعا ارتفع الضغط عندي وانقهرت واعتذر مني ونسيت الموضوع وطلبت منه يغير قفل الباب ويقص لي مفتاح
ولا غير القفل !
واليوم كذلك طلعت بدري واتصلت عليه الساعه 11 وقلت له ابوصل على 11 ونص افتح الباب
قال اوكي
واوصل واجلس ونفس المشكله ما انفتح الباب وانقهرت وعصبت واتصلت عليه وقال اوكي الحين اجي وكان ناااااااااااااايم
وتأخر الا واشوف هذيك السياره تمر عند شارعنا وانا اول ماشفتها وقفت وسويت نفسي افتح الباب
بعدين جلس يراقب ويراااقب ويرااااقب
وانا خفت وارتجفت
بعد كذا وقف السياره خلف العماره المقابله لنا ونزل من السياره وجلس يصفر
وانا انهبلت قلت يارب وش اسوي الحين بيخطفني بيسوي لي شيء
والله جلست ابكي مثل البزر
واتصلت على زوجي ويسفهني
واتصلت ثاني مره ورد علي ويا ليته ما رد علي
جلس يلعن فيني ويسب
وبعد خمس دقايق يوصل وينزل ولده بقووه من السياره
انا صرت بين نارين
نار غضب زوجي ونار غضبي وخوفي
بعدين فتح الباب بقوووه وجلس يلعن فيني ويسبني ويدعي علي
ما ادري من المخطي انا والا هو
الحين هو لا ركب قفل جديد ولا فتح الباب لي ومعصب هذا وانا متصله عليه حسبي الله ونعم الوكيل
المهم ونطلع فوق وطول الطلعه وهو يسبني ويلعني
وانا دموعي اربع اربع
بعد كذا رحت لغرفتي وجلست ابكي
ما ادري وش اسوي
ابكي من خوفي من الموقف والا من ردة فعل زوجي
المهم بعد كذا دخل علي في الغرفه وجلس يهزيء فيني
طيب وش ذنبي يا ناس انت المخطيء احد قال لك ما تركب قفل جديد والا ما تفتح لي الباب بعدين انا متصله عليك
وقام يرد علي رد سفيه وبحقاره ويستهزيء فيني ويوم قلت له بغى يسرقني واحد وانه جلس يلف ويدور ويصافر قال وش يبي بك ما وله عليك
بالله جرحني جرح
انا جلست ابكي وادعي ربي
على فكره كنت مع زوجي بحال لا يرثى لها وكنت في معاناة
علما باني وبشهادة الجميع
مثقفه - متعاونه - طيبه جدا جدا وهذا اللي خلاني فاشله مع زوجي - جميله وانيقه
لكن هو ما يقدر ولا يهتم
طبعا هو عكس صفاتي هذي كلها لا اخلاق لا ثقافه لا اهتمام ولا مسؤوليه
وقررت اني احقره اسفهه لأن خلاص طفشت من تصرفاه واهاناته
تدرون وش سوى ولدي يوم شاف ابوه يدعي علي ويسبني طاح علي يبوسني ورحمني :44:
بنات تكفون اهتموا في انفسكم لا يصير لكم اللي صار لي لولا لطف الله يمكن صار لي شي
ويوم قلت السالفه لاختي قالت طيب افرضي انه طلع مسدس وصوبه نحوك يخوفك وقال تعالي اركبي والا اطلقت النار وش بيصير لك بتنجنين وبيغمى عليك وبخطفك بكل سهوله
وبعدين بيسوي البلاوي ويرميك في اقرب صحراء
عن جد مو مستوعبه اللي صار لي
واحمد الله على لطفه فيني وحفظه لي
ادعو لي بتسخير زوجي لي وان يغفر الله لي ولوالدي ويرزقنا الجنه انه هو السميع البصير
نجــديـه @ngdyh_25
محررة برونزية
يلزم عليك تسجيل الدخول أولًا لكتابة تعليق.
الحمدلله على سلامتك ..
حبيبتي انتبهي على نفسك وحصني نفسك يوميا ,,
الله يستر عليك دنيا واخره..
حبيبتي انتبهي على نفسك وحصني نفسك يوميا ,,
الله يستر عليك دنيا واخره..
حسبي الله عليه اللي مايخاف الله
وماتشوفين شر
والله يهدي زوجك ويحنن قلبه عليك
ويحفظ لك ولدك ويرزقك بره
وماتشوفين شر
والله يهدي زوجك ويحنن قلبه عليك
ويحفظ لك ولدك ويرزقك بره
الصفحة الأخيرة
الحمدلله على سلامتك يا اختي
زوجك بصفته هذي يشبه لزوجي
ومانقول الا الله يهديهم ويسخرهم لنا
وحسبي الله على هالشخص اللي اذاك
ماتشوفين شر يا اختي ,,
والله يهدي زوجك ويحنن قلبه ,,
ويحفظ لك ولدك ويرزقك بره