طفلي الهادئ سيتحول الى عدواني برغبة الكل ...اريد الحل ...

فروشه حبيبتي

كلام زوجك صح وعين العقل

ولازم تعرفين ان العدوانيه غير وان الطفل ياخذحقه غير

الطفل العدواني هو اللي يضرب ويعتدي حتى لو مااعتدى عليه احد

اما الطفل اللي ياخذحقه اذاضربه احد يدافع عن نفسه موب يجلس يحتري احد يقوم يفزع له

انا بصراحه كل عيالي ياخذون حقهم وينقلبون من قطاوه الى نمور في حال اعتدى عليهم احد :30:

الاالصغير معذبني كلن يدبج فيه ويطقه وهو دابتن سليمه يستفزع بأخوانه

حتى بنات عمه صارن يحشرنه بالزاويه ويستلمنه اللي تضربه واللي تمعط شعره واللي تبقس بطنه خخخخ

وهو ماتسمعين الاصياحه :22:

لازم ولدك يتعود فنون الدفاع عن النفس عشان مايصير قطوه مثل اللي عندي خخخخ

تسلمين بسكوته ربي يسعدك
لكن لو اعلمه الضرب الان صدقيني راح يضرب الكل مايفرق بين الدفاع والهجوم
لكن يكبر 3-4 سنين بعدين يفهم هالكلام

اسعدني مرورك

خليه مع ابوه يعلمه
ولدي بنفس عمر ولدكـ
سنتين
تشوفيه ماغير يضرب ويتفل قسم بالله طفشني
لاني دايم اضربه
ادعي ان الله يحنن قلبي على عيالي

المفروووض تفهمين ابوووه هذي النقطه
وتقولين الطفل بهذي المرحله مايميز بين الصح والخطأ وبيفشلني قدام النااس لضربه عيالهم بدون سبب
خله يكبر ويفهم الكلام واعوده انه مايمد يده الا وقت الدفاع عن النفس


بالنسبه لي مااحب الطفل الشقي وترى كل الأطفال يمرون بفترة هدووء وبعدها ينقلبوون
اذا تغير سلوكهم ذيك السااعه فهميه الحين خطأ تعودون يده على الضرب

فعلا المفروض يكبر شوي ويعرف يميز بين العدوان والدفاع عن النفس
بس انتي الآن عوديه خطوه خطوه
مثلا
اذا احد ضربه وجاء عندك يشكي قولي انت اضربه
او اذا احد اخذ منه لعبته مثلا وبكى قولي انت رح خذها
يعني لاتساعدينه
الله يصلح لي ولكم