لذوات البشره الجافه والباهته راح اقولكم طريقة العنايه في بشرتي واللي حسيت بعد استخدامها بشهر باشراق وحيويه وطراوه ماحسيتها بحياتي
بس اهم ششي تكون بشرتك جافه وخاليه من الحبوب (حطو خطين تحت هالسطر)
يعني اللي بشرتها مختلطه او عاديه او دهنيه مادري اذا تنفعها او تضرها
وعشان تعرفين ان بشرتك جافه اضغطي باصبعك على خدك وشوفي الجلد الممدود اذا كان فيه خطوط صغااااااار يعني جاف
ومن تغسلينها تحسين انها يابسه او صعب المكياج يضبط عليك يعني بشرتك صحراء قاحله
وهالطريقه ماتعتمدينها الا بالليل قبل ماتننامين
اولا امسحي وجهك بقطن بالتونيك وهذولي افضل نوعين تونيك جربتهم
بعدين غسلي بمويه فاتره
بس اذا كنتي حاطه مكياج غسلي بمويه واي غسول يناسبك
بس اذا مافيه مكياج لاتستخدين الغسول
وبعد مايجف وجهك
جهزي موية ورد وحطيه بعلبة بخاخ
ورشي على وجهك واتركيه دقايق وبعدين طبطبي علي بالقطن لحد مايجف
بعد مايجف تماماااااااااااا (ركزو على هالنقطه لازم الوجه يجف 100% قبل اي عملية ترطيب)
هنا بتحسين بشرتك نشفففت
بعدها جيبي زيت اللوز الحلو من الصيدليه اللي استخدمه سعره بحدود الاربعين ريال
وركزي على انه يكون حلو مو مر زي ماهو منتشر
لان بعد قراءه وتمحيص طوووويل عرفت ان زيت اللوز الحلو اكثر فوائد للبشره وللشعر على حد سواء خاصه اللي يعانون من الجفاف مثل حلاتي:27:
امسحي على وجهك وجفونك وهالاتك مسحه خفيييفه ودلكيه بشكل دائري
بنات انا قلت امسحوا حاجه خفيفه ماتغلفون وجهكم بالزيت
وطفي اللمبه ونامي
واذا صحيتي الصباح برضو غسلي بمويه فاتره بدون اي غسول وبعد مايجفف تمامااااا حطي كريم مرطب وفيه نسبة حمايه من الشمس خفيف مثلا اولاي او اي كريم تكون نسبة الـ spf من 15 الى 25
اما اذا كنتي تداومين وتتعرضين للشمس كثير خوذي كريم نسبة حمايته ثلاثين فما فوق وحطي فوقه بوده مضغوطه من ميبلين (عمره ماناسبني اي بودره مثلها )غير كذا فيها حمايه 15 اس بي اف
وداومي بشكل يومي على الزبادي لانه رهيب للبشره وخاصه الجافه يطري وينور
واللي تبي تنحف عليها بقليل الدسم
بنات الطريقه مني انا شخصيا تعلمتها من كثر التجارب اللي سويتها في بشرتي واقتنعت فيها تماما الحمدلله
ولاني دايم اشوف طرق كثييير للعنايه في البشره الدهنيه بس نادر ما اشوف احد يهتم في البشره الجافه :44:
هذذا غير ان زيت اللوز يؤخر ظهور التجاعيد يعني مفيده حتى على المدى البعيد
بس اي وحده تستخدمها ويطلع لها حبوب معناته بشرتها مو جافه او انها بالغت في الزيت
دعواتي لكم بالتوفيق وبنتائج مرضيه
ومابي منكم الا تدعون لي ان الله يسر لي حملي وولادتي ويرزقني بالمولود السليم المعافا .
